Түбән Каманың педагогика көллиятендә капиталь ремонт үткәреләчәк
Быел Түбән Камада педагогика көллиятенә капиталь ремонт ясалачак. Бу хакта Түбән Кама муниципаль районы рәсми сайтында хәбәр ителә.
Беренче елда училищега 182 кеше укырга керә, шул исәптән мәктәп бүлегенә - 122, мәктәпкәчә бүлеккә - 60. Бүгенге көндә педагогия көллиятендә 800гә якын студент белем ала: бу булачак тәрбиячеләр, башлангыч сыйныф укытучылары һәм физик культура педагоглары. Педагогия училищесы көллият статусын 2009 елда ала.
Фото: https://tat.e-nkama.ru
«Биредә иң яхшылар укырга тиеш», – диде Түбән Кама мэры Рамил Муллин мәгариф учреждениесенә эш сәфәре вакытында.
Эшче төркем очрашу барышында фасадны, керү урынын, вестибюльне, ашханәне, сыйныфларны һәм спорт залын тикшерде. Капиталь ремонт Татарстан Хөкүмәте һәм республика Мәгариф һәм фән министрлыгы ярдәме белән мөмкин булачак.
«Концепциягә легендар педагог, мактаулы граждан Нәкый Әхмәтшин биографиясенең төп моментлары да керергә тиеш. Шулай ук эштә Түбән Кама брендына охшашлыкны да исәпкә алырга кирәк», – дип билгеләп үтте Рамил Муллин.
Ул шулай ук 6 нчы мәктәп, педагогика көллияте һәм янәшәдә урнашкан Садыйков исемендәге Балалар һәм яшьләр иҗат сарае бердәм ансамбльгә берләштерелергә тиеш, дип тә өстәде.
Бүген көллиятнең горурлыгы булып, халык мәгарифе музее тора. Рамил Муллин аны беренче катка күчерергә һәм уку йортының визит карточкасы итәргә тәкъдим итте: «Беренче катта кунак зонасы ясарга тәкъдим итәләр, анда, шул исәптән, музей-китапханә урнашачак. Шулай ук актлар залын реконструкцияләү турында уйларга кирәк, бәлки коворкинг зонасын да оештырырбыз».
Фото: https://tat.e-nkama.ru
Ремонт кысаларында демонтаж, бизәү эшләре, тәрәзәләрне, ишекләрне һәм инженерлык челтәрләрен алыштыру, шулай ук фасадны яңарту планлаштырыла. Моннан тыш, балалар бакчасында азык-төлек блогын һәм кер юу бүлмәсен реконструкцияләячәкләр, шулай ук яңа җиһазлар сатып алачаклар. Урам верандаларын да тәртипкә китерергә планлаштыралар.
Капиталь ремонтны сентябрь башына кадәр тулысынча башкару планлаштырыла. Балалар ремонт вакытында якындагы балалар бакчаларына таратылачак.
«Яктыртуга һәм бакчага керү урынына аерым игътибар бирергә кирәк, бу - шәһәрнең үзәк районы. Шулай ук яңартылган Бакый Урманче бульвары белән тоташтырырга, куркынычсыз җәяүлеләр трафигын уйларга кирәк», – диде Рамил Муллин.