Миңнеханов Идел-Кама Табигатьтән файдалану күзәтчелеге хезмәтендә өстенлекләрне билгеләде
Экологияне яклауга һәм кешеләрнең тормыш сыйфатын яхшыртуга юнәлдерелгән эш 2024 елда Табигатьтән файдалану өлкәсендә федераль күзәтчелек хезмәтенең Идел-Кама төбәкара идарәсе эшендә өстенлекле юнәлеш булып кала. Татарстан Республикасы Рәисе Рөстәм Миңнеханов Чаллыда узган йомгаклау киңәшмәсендә ведомство хезмәткәрләре алдында торган төп бурычларны билгеләде.
Үз чыгышында ул Татарстанның көчле сәнәгать республикасы булуын, биредә кешеләрнең тормыш сыйфатын яхшырту өчен күп эшләнүен билгеләп үтте. Шул исәптән, кешеләр өчен яхшы экологик мохит булдыруга да зур игътибар бирелә. Мәсәлән, бу юнәлешкә иҗтимагый киңлекләр булдыру керә.
«Без алдыбызда нинди бурычлар торганын күрәбез: бу — урман хуҗалыгы, су киңлеге, чиста һава. Без моны үзебез өчен эшлибез. Бу безнең җир, анда без яшибез, балаларыбыз һәм оныкларыбыз яшәячәк», — дип ассызыклады Рөстәм Миңнеханов.
Табигатьтән файдалану өлкәсендә федераль күзәтчелек хезмәте Идел-Кама төбәкара идарәсенең йомгаклау утырышы IT-парк бинасында узды. Аның эшендә Табигатьтән файдалану өлкәсендә федераль күзәтчелек хезмәте җитәкчесе Светлана Радионова катнашты.