Фашист концлагерьләре тоткыны булган Нәкыя Хәмидуллина Спас районында сайлауда катнашты
Татарстанның Спас районында фашист концлагерьләре тоткыны Нәкыя Хәмидуллина Россия Президентын сайлауда катнашты. Аның өчен тавыш бирү өйдә оештырылды.
Нәкыя Хәмидуллина - Советлар Союзының иң авыр сынау - фашист концлагерьларында тоткын булган 5 миллион гражданының берсе һәм азсанлы исән калучыларның да берсе.
«Һәрвакыт куркыныч булды. Кешеләр, кадерлеләрем, бәхет өчен тыныч күк йөзеннән дә кадерлерәк нәрсә юк. Шуның өчен тавыш бирәм», - диде Нәкыя апа.
- 15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханә, шифаханә, тикшерү изоляторы, вокзал һәм аэропортта вакытлыча 45 сайлау участогы ачылды.
- 3 миллионга якын татарстанлы сайлау хокукына ия. Алар 15, 16 һәм 17 мартта 8.00-20.00 сәгатьләрдә тавыш бирә ала. Сайлау уздыруны сайлау комиссияләренең 22 мең әгъзасы тәэмин итә. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә бар.
- Россия Федерациясе Президентын сайлау 8нче тапкыр үткәрелә, быел ул 15, 16 һәм 17 мартта уза. Сайлауда 4 кандидат - Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм Россиянең хәзерге Президенты Владимир Путин (үзен-үзе тәкъдим итүче) катнаша.
Материал Ольга Стрелова катнашында әзерләнде.