Апрельдә кайбер пенсионерларның пенсияләре артмаячак
Пенсиядәге көч ведомстволары вәкилләре һәм эшләүче пенсионерларга 1 апрельдән пенсия артмаячак, дип сөйләгән «РИА Новости»га Россия халык хуҗалыгы һәм дәүләт хезмәте академиясенең Социаль анализ һәм фаразлау институты өлкән фәнни хезмәткәре Виктор Ляшок. Бу хакта «РИА Новости» хәбәр итә.
«Апрель аенда социаль пенсияләрне индексацияләүне исәпкә алып, пенсионерларның күпчелек категорияләре өчен пенсия түләүләре күләме артачак. Искәрмәләрнең берсе – хәрбиләр һәм көч ведомстволарының башка вәкилләре, шулай ук дәүләт хезмәткәрләре», - дип белдерде Ляшок.
Ул әлеге категорияләр өчен пенсияләрне индексацияләү тиешле эш төрләре буенча хезмәт хакларын индексацияләү белән бер үк вакытта эшләнә, дип аңлатты. Хәрбиләр һәм көч хезмәткәрләренең хезмәт хакы соңгы тапкыр узган елның октябрендә артты.
«Узган ел берничә категориядән тыш (президент, премьер-министр, Иминлек Советы Рәисе урынбасары, министрлык, ведомство җитәкчеләре һәм башка федераль түрәләр), дәүләт хезмәткәрләренә хезмәт хакларын индексацияләү булмады», - дип билгеләп үтте эксперт.
Эшләүче пенсионерларга иминият пенсияләрен индексацияләү Россия Президенты Владимир Путин законы белән 2016 елның 1 февраленнән туктатылды.
Эшләмәүче пенсионерларның пенсияләре 1 апрельдән 7,5 процентка индексацияләнәчәк.