Лангепас татарларының «Якташлар» оешмасы 35 еллыгын бәйрәм итте
Ханты-Манси Югра төбәге Лангепас шәһәрендәге «Якташлар» оешмасы 35 еллыгын бәйрәм итә. Бу турыда Сургут татар автономиясе социаль челтәрдәге сәхифәсендә язалар.
«35 ел элек Татарстаннан ерак Себер шәһәрчегенә килгән нефтьчеләр һәм төзүчеләр, үз үзенчәлекләрен, тарихи ватаннарын саклап калырга теләк белдергән фикердәшләрен һәм якташларын җыюны максат итеп куя. Шулай итеп, Лангепас шәһәрендә «Якташлар»оешмасы барлыкка килә», диелә бу хәбәрдә.
13 апрельдә Лангепас шәһәрендә «Якташлар» оешмасының 35 еллык юбилей датасын «Дуслык җыры» фестивале белән билгеләп үттеләр. Бәйрәмне котларга Покачи, Нефтеюганск, һ. б төбәктәге татар оешмалары активлары килгән.