Татарстан Россиянең иң яхшы спорт төбәге булып танылды
Татарстан елның иң яхшы спорт төбәге буларак СБК (Sport Business Awards) премиясенә ия булды. Бүләк республиканың Спорт министрлыгы җитәкчесе Владимир Леоновка тапшырылды. Бу хакта министрлыкның Телеграм-каналында хәбәр ителә.
Премияне тапшыру тантанасы Мәскәүдә узды.
«Без нәрсә оттык? Гадәттәгечә, без нәрсәдер оттык», - дип шаяртты Леонов, бүләкне кабул итеп.
Ул тантанада катнашучыларны Татарстанга чакырды һәм Россия - үз төбәкләре белән данлыклы бөек спорт державасы, дип билгеләп үтте.
Моннан тыш, спорт бизнесы һәм идарә өлкәсендәге премиягә Казанның «УРАМ» экстрим-паркы ия булды.