Әфганстанда су басу аркасында 300дән артык кеше һәлак булган
Әфганстанның Баглан провинциясендә су басу аркасында һәлак булучылар саны 300дән артып киткән, меңнән артык йорт җимерелгән. Бу хакта Берләшкән Милләтләр Оешмасы Бөтендөнья азык-төлек программасының Әфганстандагы бүлекчәсе Х социаль челтәрендә хәбәр итә.
«Су басулар Әфганстанны кыра. Нәтиҗәдә Багланда 300дән артык кеше һәлак булды, меңнән артык йорт җимерелде. Бу соңгы берничә атнада гадәттән тыш көчле яңгырлар аркасында килеп чыккан күп тапкыр су басуларның берсе», - диелә хәбәрдә.