Ростов өлкәсендә «Татар кызы 2024» төбәк этабының ярымфиналы узды
18 майда Ростов-Дон шәһәре Татар мәдәни үзәгендә Ростов өлкәсе «Татар кызы 2024» төбәк этабының ярымфиналы – иң язгы һәм назлы матурлык, талант һәм татар мәдәнияте бәйгесе узган. Бу хакта Бөтендөнья татар конгрессы хәбәр итә.
Чараны «Гражданнар инициативаларын үстерү агентлыгы» коммерцияле булмаган автоном оешмасы ярдәме белән «Якташлар» татар-башкорт мәдәни үзәге» Ростов өлкәсе иҗтимагый оешмасы «Дон татарлары – мәдәни мирасны саклау» проекты кысаларында үткәргән.
Ярымфиналда Юлия Бараева (Ростов өлкәсе Зимовниковский районы), Лилия Камалетдинова (Ростов-на-Дону шәһәре), Ләйлә Хафизова (Ростов-Дон шәһәре) катнашкан.
Презентацияләү (визитка), интеллектуаль һәм кулинар сайлап алу турлары булган. Интеллектуаль турда кызлар тестлар чишкән, татар мәдәнияте, тарихы буенча сорауларга җавап биргән. Биредә үк катнашучылар бүгенге дөньяда үзләренең татар тәңгәллеген никадәр тоюлары турында сөйләгән. Кулинар турда исә кызлар татар аш-сулары арасында иң танылган һәм популяр ризыкларының берсе – токмач әзерләгән.
Июнь аенда кызлар соңгы иҗади турны узачак. Ростов өлкәсен Казан ярымфиналында тәкъдим итәчәк җиңүченең исеме билгеле булачак.