Казанда Мирный һәм ипподромдагы Сабантуйлар 38 миллион сумга төшәчәк
Казанда Мирный торак массивы янындагы Каенлык һәм ипподром майданында 37,9 миллион сумга Сабантуй оештырылачак. Тендер дәүләт сатып алулары порталында чыкты.
Татар милли бәйрәмен оештыру буенча хезмәтләр 23 июньгә кадәр күрсәтелергә тиеш. Мәсәлән, башкаручы Каенлык майданында сәхнә конструкцияләре, чатырлар, җиһазлар, үзәк сәхнә өчен декорацияләр, 8×4,5 метр зурлыктагы экраннар һәм тавыш җиһазларын урнаштырачак, аларны монтажлаячак, аннары демонтажлаячак, төяп күчерәчәк. Бәйрәмне үткәрү урыннарында электр, тикшерү җиһазлары, контролер-җитәкчеләр булачак. Бәйрәм мәйданчыгын гына түгел, шәһәр территориясен дә бизәү планлаштырыла.
Бәйрәм репертуары чара уздырылганчы җиде көн алдан заказчы белән килештерелергә тиеш.