Россиялик мухолифачи Навалний 25 кунлик ҳибсдан сўнг озод этилди
Россиядаги Коррупцияга қарши кураш жамғармаси раҳбари, таниқли мухолифатчи Алексей Навалний 25 кунлик ҳибсдан сўнг 7 июл куни озод этилди.
Ўтган ой бошида суд уни рухсат олинмаган норозилик намойишини ташкил этишда айбдор деб топганди. Навальний бундан аввал ҳам шу каби ҳуқуқбузарлик учун маъмурий жавобгарликка тортилганди.
Навальний 13 июн куни Россия Федерацияси Маъмурий ҳуқуқбузарликлар кодекси 20.2-моддаси 8-қисми (митинг ташкил этиш ёки уни ўтказишнинг белгиланган тартибини такроран бузиш) бўйича айбдор деб топилган ва 30 кунга қамалганди.
16 июн куни Москва шаҳар суди унга белгиланган жазо муддатини 5 суткага қисқартирди.