Самарқандда Россиядан қайтган қарийб 50 киши ИШИДга алоқадорликда гумон қилиниб қўлга олинди
Ўзбекистоннинг Самарқанд вилоят, Ургут туманида Россиядан қайтган ўнлаб меҳнат муҳожири тақиқланган ИШИД ёки "Ислом давлати" диний экстремистик гуруҳига алоқадорликда гумонланиб ҳибсга олинган. Самарқанд куч ишлатар тузилмаларида ишловчи мулозим Озодликка Россиянинг Белгород шаҳрида ишлаб қайтган 50 ка яқин диндор уларнинг шериклари берган кўрсатмалар асосида ИШИДга алоқадор деб кўрилиб, 14 август куни қўлга олинганини айтди.