Тошкент вилоятидаги 10 минг кишига мўлжалланган карантин зонасига экскурсия — фото
UzNews.uz фотомухбири хориждан эвакуация қилинган ўзбекистонликлар қандай шароитларда яшашига аниқлик киритди.
Аввал хабар берганимиздек, Тошкент вилоятининг Юқори Чирчиқ туманида карантин зонаси қурилмоқда. Ҳозирги вақтда бу ерга 1000дан ортиқ одам жойлаштирилган.
Махсус касалхона 55 гектар майдонда қурилмоқда ҳамда 4тадан 8тагача одам сиғадиган, барча шароитлари бор 3000дан ортиқ контейнер-уйларнинг монтаж ишлари олиб борилмоқда.
Қурилиш бошланганига 8 кун бўлди ва айни вақтда 1500 кишига мўлжалланган жой фойдаланишга топширилган.
Яқин вақт ичида 10 минг кишили жойни тайёр қилиш режалаштирилмоқда. Кейинчалик эса касалхона ўзига 20 мингдан ортиқ одамни сиғдира оладиган бўлади.
Бу ерда 3000дан ортиқ қурувчи ишламоқда, 200 дона қурилиш техникаси жалб қилинган.
Ишчилар учта сменада иш олиб боришмоқда, уларга 3 маҳал овқатланиш имконияти ташкиллаштирилган.
Палаталар ичида барча шароит ва қулайликлар мавжуд: телевизор кондиционер, электр чойнак, иссиқ ва совуқ сув, душ, ҳожатхона.
Карантинда бўлган фуқаролар учун егуликлар Тошкентдаги "Версаль" ва "Наврўз" ресторанларида тайёрланмоқда.