Луисма Эрнандес: "Икки ҳафта давомида биргина сўз устида ишладик" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Суперлиганинг 25-туридан ўрин олган "Металлург" - "Турон" (1:0) учрашувидан сўнг мезбонлар бош мураббийи Луисма Эрнандес матбуот анжуманида иштирок этди. - Ўйин ҳақида - Жуда қийин ўйин бўлди. Мавсум охирида эмоциялар биринчи ўринга чиқади. Бундан ташқари, биз икки ҳафта давомида фақат биргина сўз устида ишладик. Бу ғалаба эди ва биз 3 очко учун интилдик. - Жамоанинг кейинги ўйинда "Қизилқум"ни мағлуб этган ҳолда, Суперлигада қолиш имкониятларини қандай баҳолайсиз? - Биз учун охирги финал ўйини қолди. Бу "Қизилқум" билан баҳс бўлади. ФИФА кунларидан фойдаланган ҳолда, "Қизилқум”ни ўрганиб чиқдик. Бу жамоага қарши режамизни ишлаб чиқдик. Сешанба кундан бошлаб тайёргарликка киришамиз. - Акбар Исматуллаевнинг майдонга тушмаганига сабаб нима эди? - Унда жароҳат бор. - Жасур Абдураимов мураббийлик вақтида Камолиддин Тожиев ва Александр Лобановга деярли имконият бермаётганди. Сиз эса уларга ишонч билдирмоқдасиз. Буни қандай изохлайсиз? - Хабаринглар бор, “Металлург"ни қийин вазиятда қабул қилиб олдим. Жамоани таҳлил қилиб, уларни асосий таркибда туширдим. Ғалабага эришдик ва бу тўғри эканлиги ойдинлашди. - Жамоани Суперлигада олиб қолсангиз, сизга қандай рағбат ваъда қилинган? - Бу ҳақда ўйлаганимиз йўқ. Ҳозир асосий эътиборимизни Суперлигада қолишга қаратганмиз. Вазифани уддаласак, кейин бу ҳақда ўйлашга вақт бўлади.