ТИВ Польша аэропортида Ўзбекистон фуқаролари орасида рўй берган жанжал ва можарога изоҳ берди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Ташқи ишлар вазирлиги расмий вакили Юсуп Кабулжанов фуқаролардан Украинадаги вазият, ўзбекистонликларни эвакуация қилиш борасидаги саволларга жавоб бериб келмоқда. У Польша аэропортида Ўзбекистон фуқаролари орасида келиб чиққан жанжал ва можаро ҳолатлари тўғрисида маълумот берди. Қайд этилишича, вазирлик расмий вакилига «Польша аэропортларида Ўзбекистон фуқаролари орасида самолётга чиқиш учун жанжал ва можаро ҳолатлари юзага келгани ҳақида маълумотлар тарқалмоқда. Бунга қандай изоҳ бера оласиз?» деган савол келиб тушган. Унинг таъкидлашича, «Карчова» назорат-ўтказиш пункти раҳбарияти қочоқлар, жумладан, бошқа давлатлар фуқаролари сони кўпайгани сабабли тўпланиш нуқтасини босқичма-босқич бўшатишни сўралмоқда. Бу сўровларни инобатга олиб, кунига 3 маротабагача ташкил этилаётган махсус рейсларни ўз вақтида тўлдириш учун Ўзбекистон фуқаролари мунтазам равишда автобусларда Катовице аэропортига олиб борилмоқда. «Шу сабабдан ҳамда ушбу аэропортдан бошқа давлатлар фуқаролари ҳам фойдаланаётгани натижасида одамларнинг тўпланиши кузатилмоқда. Бироқ субъектив омил ҳам мавжуд. Ҳар бир инсон биринчи бўлиб учиб кетишни хоҳлаётгани туфайли тартибсизликлар кузатилмоқда», — дейилади хабарда. Элчихона илтимосига биноан шаҳар маъмурияти Катовице аэропорти биносига тартибли ўтиш ва йўловчиларни рўйхатга олишни ташкил қилган. Тартибни полиция назорат қилмоқда. Шунингдек, мамлакатнинг Польшадаги элчихонаси илтимосига биноан фақат Ўзбекистон фуқаролари учун аэропортда иссиқ овқат ташкил этилган.