Қозоғистоннинг Чимкент шаҳридаги туғуруқхона яқинида портлаш юз берди (фото) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Tengrinews Қозоғистоннинг Чимкент шаҳридаги туғуруқхона яқинида портлаш содир бўлди. Бу ҳақда «РБК» хабар бермоқда. Портлаш оқибатида икки қаватли «Касалхона қошидаги 138-дорихона» МЧШ биносида ёнғин юзага келган. Тошкент вақти билан 14:06 да ёнғин тарқалиши тўхтатилган, дастлабки маълумотларга кўра, ёнғин майдони 55 квадрат метрни ташкил қилган. Фото: Tengrinews Шунингдек, Чимкент фавқулодда вазиятлар хизмати хабарига кўра, портлаш натижасида бир бино қисман қулаган ҳамда яқинда жойлашган беш қаватли уй хонадонларидан бирининг деразалари ва балконига зарар етган, бундан ташқари, еттита енгил автомобиль зарар кўрган. Фото: Tengrinews Ёнғинни ўчириш чоғида қутқарувчилар эркак кишининг куйган жасадини аниқлаган. Ёнғинни бартараф этишга 37 нафар ходим ва 9 та техника жалб қилинган. Ҳодиса сабаблари аниқлаштирилмоқда. Фото: Tengrinews Tengrinews аниқлик киритишича, дастлабки маълумотларга кўра, портлашга газ тўпланиб қолиши сабаб бўлган. Воқеа жойида қоровул ҳалок бўлган. Бошқа жабрланганлар ҳақида маълумот йўқ. Фото: Tengrinews Ҳодисадан кейин туғуруқхонадан 100 га яқин одам эвакуация қилинган. Баъзи ОАВлар кислород баллони портлаганини ёзмоқда. Полиция портлаш ҳолати юзасидан жиноий иш очди.