ЖЧ-2022. Ўзбекистон ногирон-ампутантлар терма жамоасининг 1/8 финалдаги рақиби маълум — Бизга қўшилинг: ???? https://t.me/joinchat/AAAAADwt0NGCRoONT4f1_Q
Туркияда ногирон-ампутантлар ўртасидаги 17-жаҳон чемпионати гуруҳ босқич баҳслари якунланмоқда. Колумбия ТЖ “Б” квартетида 3-ўринни эгаллаб, 1/8 финалда Ўзбекистон терма жамоасига қарши тўқнаш келадиган бўлди. Колумбияликларнинг гуруҳ ўйинларидаги натижалари: Мексика – Колумбия 1:1 Япония – Колумбия 3:1 Колумбия – Германия 3:0 Ўзбекистон – Колумбия ўртасидаги баҳс ғолибига чорак финалда Эрон ҳамда Италия жуфтлигида муваффақиятга эришган жамоа рақиблик қилади. Рустам Меҳмонов шогирдлари бунгача Эрон билан ЖЧ саралашида тўқнаш келиб, 0:1 ҳисобида ютқазганди. Форслар ўз навбатида Бразилия, Марокаш ҳамда Ирландия жой олган гуруҳда 7 очко билан биринчи бўлди, италияликлар эса “Ф” квартетида амалдаги чемпион Анголадан кейин иккинчи ўринни банд этди. Эслатиб ўтамиз, 1/8 финал учрашувлари 5 октябрда бўлиб ўтади. Ўзбекистон кетма-кет уч марта 2007, 2010, 2012 жаҳон чемпиони (рекорд) бўлган, шунингдек, 1990, 1991 йилларда ҳам титул соҳибига айланган.