Роҳбари Чеченистон хост, пизишкони шикояткунанда аз кор ронда шаванд
"Иғвогаронро бояд аз кор ронд. Мо ҳама чиз дорем - дастгоҳ, хилъатҳо, ниқоб, кислород, дору. Мо баракс, метавонем, ба дигарон кӯмак кунем", - гуфт Қодиров.
Пештар аз ин дар шабакаҳои иҷтимоӣ наворҳое нашр шуд, ки табибон дар беморхонаҳои Чеченистон аз камбуди васоили муҳофизатӣ шикоят мекарданд. То ин замон сарпизишки яке аз беморхонаҳое аз кор ронда шуд, ки зердастони вай аз норасоии васоили тиббӣ шикоят карда буданд.
Шабакаи телевизионии "Грозний" эътирози табибонро "ваҳми беасос" ва ширкатдорони ин эътирозро "иғвогар" унвон кард. Дар барномаи телевизион анбори пур аз васоили тиббиро нишон доданд. Рӯзи дигар ҳамин телевизион гузориши узрхоҳии табибони эътирозгарро пахш кард.
Чанде аз корбарони шабакаҳои иҷтимоӣ узрхоҳии табибонро ба шубҳа кашиданд. Ба бовари корбарон, мумкин аст, табибон таҳти фишор узрхоҳӣ карда бошанд.