Татарстан сөт сату күләме буенча Россиядә лидерлыкны саклап калды
(Казан, 19 гыйнвар,«Татар-информ»). Татарстан җитештерелгән сөт сату күләме буенча Россиядә лидерлыкны саклап калды.
«Татарстанда, Краснодар краенда, Воронеж, Киров, Свердловск, Ленинград, Белгород, Новосибирск, Мәскәү өлкәләрендә, Удмуртиядә сөтне иң күп сату күләмнәренә ирешелде», — диделәр Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.
Татарстанда бер көнгә сөт саву 192,2 тоннага, ягъни узган ел белән чагыштырганда 5,4 процентка арткан. Бер сыердан көнгә 16,8 кг сөт савылган, бу узган ел күрсәткеченнән 1,2 кг күбрәк. Республикада бер көн эчендә 212,1 тоннага күбрәк сөт сатылган, бу узган елга карата 105 процент тәшкил итә.
Республика районнары арасында бер сыердан тәүлеклек савым буенча Әтнә (29,8 кг), Мамадыш (25,4 кг), Саба (24,4 кг), Кукмара (23,9 кг), Балтач (21,4 кг) районнары алда бара.