Меркел: Санкции за Русија додека не се признае суверенитетот на Украина
Германската канцеларка Ангела Меркел денеска изјави дека западните санкции против Русија нема да бидат укинати, доколку суверенитетот на Украина не биде вратен. Меркел по средбата со украинскиот претседател Володимир Зеленски порача дека тие разговарале за мировниот договор во Минск.
„Се додека нема напредок на овој фронт, санкциите не можат да се укинат и санкциите поврзани со Крим можат да се укинат само ако Крим се врати во Украина“, изјави Меркел.