Кимет Всероссийской Арктической касты хар верыӆыса
Ямал мувна кимет Всероссийской Арктической касты хар верыӆыса. Ертъяң регион эваӆт Пулңаватна актащисат, щит Республика Коми, Карелия, Саха (Якутия), Чукотской, Ненецкой округ, Ямал мув, Красноярской край, Архангельской па Мурманской областьңан, ловатӆна ӆапатсат касты ях. Там пус щита холна северной многоборье лоңас. Ямал мув команда алңищ этас, кимет таха Республика Коми касты ях, холмет таха па Красноярской край. Этнобиатлон хоща ищи Ямал мув касты ях алңищ этсат, щита ӆув сарни ох медаль сытсат. Ӆайм вощкемиты тахайна алңищ Юрий Лаптандер этас, кимет Анатолий Лаптандер, холмет Филипп Тайбери. Ныңат кутна патарох медаль Маргарита Лаптандер сытас. Холам пус навармиты тахайна ныңат кутна Маргарита Лаптандер па Эдита Ламдо, кимет па холмет таха вусңан. Яхат кутна Анатолий Худи холмет таха вус. Охал соппы навартты тахайна Анатолий Лаптандер па Маргарита Лаптандер этсаңан, щеӆох па патарох Юрий Лаптандер па Василий Лаптандер сытсаңан. Вера Климова ӆэщатсаӆӆы