Фатирдан чыгып качарга маташкан кыз баланың аягы өзелгән
Свердловск өлкәсендә үсмер кыз фатирдан чыгып качарга маташкан чакта, җитди имгәнгән. Бу турыда РЕН ТВ хәбәр итте.
3 апрельдә кич белән кыз 5нче катта урнашкан фатир тәрәзәсеннән урамга чыгарга җыена. Ул җәймәләрне тоташтырып бау ясый һәм шуңа ябышып төшмәкче була. Бала тәрәзәдән урам ягына чыга һәм егылып төшә. Егылган чакта аның аягы өзелә. Бу турыда «Инцидент Нижний Тагил» төркеме социаль челтәрдә хәбәр иткән.
Үсмер кызны хастаханәгә илткәннәр, ул авыр хәлдә. Табиблар баланың гомерен саклап калу өчен тырыша.
Биредә яшәүчеләр сүзләренчә, кызның психика белән проблемалары булуы ихтимал. Аның әлеге гамәленең сәбәпләре билгеле түгел.
«Якынча белешмә буенча, үсмер урамга чыгарга бик тели, ләкин ата-анасы рөхсәт итми. Бала җәймәләрдән бау ясый, аска төшәргә маташа. Ләкин көче җитми һәм 5нче каттан егылып төшә», – дигән Свердловск өлкәсе буенча Эчке эшләр министрлыгының матбугат хезмәте җитәкчесе Валерий Горелых. Бу турыда URA.RU яза.
Бала тәрәзәдән егылып төшкән чакта әнисе дә өйдә, ул күрше бүлмәдә була, диелә хәбәрдә.