Մեկնարկել է Սամսունգի ինովացիոն կամպուս ծրագրի հայտերի ընդունումը
UWC Դիլիջան քոլեջում սկսվել է Սամսունգ ինովացիոն կամպուսի «Բջջային հավելվածների մշակում Java ծրագրավորման լեզվով» կրթական ծրագրի հայտերի ընդունումը:
Սամսունգ ինովացիոն կամպուսի մեկնարկը նախատեսված է 2023թ. սեպտեմբերին, որը կտեւի մեկ ուսումնական տարի: Նախաձեռնությանը կարող են մասնակցել 14-16 տարեկան հայ երեխաներ:
Առաջիկա ուսումնական տարում առկա ձեւաչափով կներգրավվեն 100 երեխաներ:
Տարեկան կանցկացվի 122 դասաժամ (շաբաթական 4 դասաժամ) UWC Դիլիջանի Սամսունգի նորագույն տեխնոլոգիայով համալրված լաբորատորիայում։
Ծրագիրը մշակվել է ՌԴ Սամսունգի գիտահետազոտական ինստիտուտում Մոսկվայի ֆիզիկայի եւ տեխնոլոգիայի ինստիտուտի հետ համատեղ:
Դասավանդվող թեմաներն են.
1. Java ծրագրավորման հիմունքները: 20 դասաժամ
2. Օբյեկտ-կողմնորոշված ծրագրավորման ներածություն: 24 դասաժամ
3. Անդրոիդ հավելվածների ծրագրավորման հիմունքներ: 24 դասաժամ
4. Ալգորիթմներ եւ տվյալների կառուցվածքներ Java լեզվում: 32 դասաժամ
5. Բջջային հավելվածների սերվերային մասի ծրագրավորման հիմունքներ: 22 դասաժամ
Դիմորդները կարող են գրանցվել հետեւյալ հղումով: Գրանցվելուց հետո դիմորդները պետք է առցանց թեստ հանձնեն: Թեստը հաջողությամբ հանձնած թեկնածուները կանցնեն երկրորդ փուլ եւ կհրավիրվեն առցանց հարցազրույցի: Դիմումների ներկայացման վերջնաժամկետն է 2023թ. հունիսի 1-ը:
Հարցերի դեպքում կարող եք զանգահարել +374 94 464582 հեռախոսահամարով: