Новости за 14.10.2019

Ку пирĕн паянхи кăларăмри юлашки хыпар пулчĕ. Малалла вара тутлă та усăллă апат-çимĕç, кил-çурт валли кирлĕ хатĕр-хĕтере йÿнĕ хакпа ăçта туянмаллине пĕлме пултаратăр. Эпĕ вара сирĕнпе сывпуллашатăп. Чипер юлăр

Чăваш Ен, Тутарстан, Пушкăрт, Удмурт республикисем, Пермь тата Чулхула тăрăхĕнчи çамрăксем. Иртнĕ эрнере 6 регионти чи маттур кадетсем Чăваш Енре пуçтарăнчĕç. Кăçалхипе 4-мĕш хут иртекен спартакиада пирĕн тăрăхра пуçласа пулчĕ. Ăмăртусен пĕрремĕш кунĕнче çамрăксен Раççей çар историйĕпе географи пĕлĕвне, сочинени çырнине тĕрĕслерĕç. Ун хыççăн вара ăмăртусем пуçланчĕç.

Шупашкарта тăваттăмĕш хут регионсем хушшинчи халăх культурисен фестивалĕ иртрĕ. Чăваш Ен тĕп хулине Атăл тăрăхĕнчи 6 регионтан пултарулăх ушкăнĕсем килсе çитрĕç

Вăрмар районĕнче чăваш историшĕн пĕлтерĕшлĕ пулăм. Пинер ялĕнче 16-мĕш ĕмĕрте пурăннă Ахплат Турхана чысласа палăк уçрĕç. Халăх асĕнчен кайман паттăр сăнарĕ çамрăксене тăван çĕршыва юратма, йăла-йĕркепе атте-анне чĕлхине упрама вĕрентĕ, тăванлăх туйăмне ӳстĕрĕ, - теççĕ ырă ĕçе пуçарнă хастарсем.

Шупашкарта иртнě эрнере «Раççей студенчĕсен мисĕпе мистерĕ» конкурс иртрě. Аса илтеретпěр, унта 26 регионти чи ǎста та пултаруллǎ яш-кěрěм хутшǎнчě. Ăмăрту епле иртнине тата «Мисс тата Мистер» ятсене камсем çěнсе илнине Юлия Адюкова пěлет.

Строительство организацийĕ 8 çул ĕнтĕ хăй çине илнĕ яваплăха пурнăçламасть. Хваттер туянакансем укçа тӳленĕ, анчах халĕ те хăйсем хуçа пулнине çирĕплетекен хут илеймеççĕ. Унсăр пуçне çуртăн йĕри-таврашне те йĕркене кĕртмен, ытти кăлтăксем те çителĕклех.

Вырăнпа выртакан тата йывăр чирлекен çынсен пурнăçне тĕрлĕ медицина оборудованийĕпе çăмăллатма пулать. Кун йышши хатĕрсем Шупашкарти тĕп хула больницине çитрĕç.

Сывлăх сыхлавĕ тата демографи — çак наци проекчĕсен ĕçне çĕршывра пурăнакансем пуринчен те лайăхрах туяççĕ: çитĕнӳсене те, çитменлĕхсене те. Раççей правительствин пуçлăхĕ Дмитрий Медведев регионсен ертӳçисемпе ирттернĕ ларăва çак сăмахсенчен пуçларĕ. Унти тĕп калаçу сывлăх сыхлавĕпе демографи ыйтăвĕсене пурнăçа кĕртесси пирки пулчĕ.

Мускавра иртнĕ «Ылтăн кĕркунне» куравран Чăваш Ен çĕр ĕçченĕсем 64 медальпе таврăннă. Ял хуçалăх министерстви тата уйрăм пĕрлешӳсем ытти регионсемпе хутшăнса ĕçлесси пирки темиçе килĕшӳ алă пуснă. Курав ĕçне паян республика Пуçлăхĕ Михаил Игнатьев ирттернĕ канашлура пĕтĕмлетрĕç.