Новости за 30.07.2016

პედიატრების ნაწილის ინფორმაციით, საქართველოში ხელოვნური საკვების შემოტანა უკონტროლოდ ხდება და ხშირად ჩვილ ბავშვებს არაჯანსაღ კვებას ექიმები შეგნებულად, ფინანსური ინტერესის გამო, უნიშნავენ.

გადაუდებელი ქირურგიისა და ტრამვატოლოგიური ცენტრის ექიმებს ოჯახის წევრის სიკვდილში ადანაშაულებენ. დედის სიკვდილში რინა პაშაიანი ქირურგს ადანაშაულებს. მისი განცხადებით, ექიმმა 67 წლის რიმსიკ პაშაიანს ნაღვლის ბუშტის ოპერაცია არასწორად ჩაუტარა.

ახალგაზრდა იურისტთა ასოციაციის წევრი, გიორგი გოცირიძე, საკონსტიტუციო სასამართლოში მიმდინარე მოვლენებს კურიერის პირდაპირ ეთერში აფასებს.

ქართული ოცნების წევრის, მამუკა მდინარაძის, განცხადებას ნაციონალური მოძრაობის წევრმა, ოთარ კახიძემ, უპასუხა.

„ატეხა ქარიშხალი ჭიქაში,“ - ეს განცხადება ქართული ოცნების წევრმა, მამუკა მდინარაძემ, კურიერის პირდაპირ ეთერში გიორგი პაპუაშვილზე გააკეთა.

„მე და ჩემ პარტიას გვჯერა, რომ საკონსტიტუციო სასამართლოს მოსამართლეებზე მიმდინარეობს ხელისუფლებისგან ზეწოლა,“ -  ასე ეხმაურება საკონსტიტუციო სასამართლოში მიმდინარე მოვლენებს თავისუფალი დემოკრატების წევრი ნინო გოგუაძემ და საკონსტიტუციო სასამართლოს მიერ მიღებულ იმ გადაწყვეტილებებს იხსენებს, რომელიც მისი თქმით, ხელისუფლების პოლიტიკურ სურვილებს არ შეესაბამებოდა.

სტრასბურგის სასამართლოში ევა გოცირიძის წარდგენასთან დაკავშირებით ნაციონალური მოძრაობის წევრის, ოთარ კახიძისთვის, გაუგებარია, რატომ დაიწუნეს ისეთი კანდიდატები, როგორებიც არიან, გიორგი პაპუაშვილი, კოტე კორკელია და ა.შ.

ორად გახლეჩილი კოლეგია - საკონსტიტუციო სასამართლოს მოსამართლეების ნაწილი კოლეგებს დისკრედიტაციაში ადანაშაულებს. პლენუმის 3-მა წევრმა 5 მოსამართლის მიერ გუშინ გავრცელებულ წერილობით კრიტიკას დღეს წერილობითვე უპასუხა. მოსამართლეები კოლეგების ბრალდებების შინაარსს არ იზიარებენ.

რამდენად აქვთ მოქალაქეებს სამართლიანი არჩევნების მოლოდინი? - შაბათის კურიერის ჟურნალისტებმა თბილისში მცხოვრები მოქალაქეები გამოკითხეს. 

NDI-ის კვლევის პოლიტიკურ რეიტინგებთან დაკავშირებით, პრეტენზიები აქვთ იმ პოლიტიკური გაერთიანებების წარმომადგენლებს, რომლებმაც 5%-იანი ბარიერი ვერ გადალახეს და ოთხეულს მიღმა დარჩნენ და მათაც, ვინც ოთხეულში მოხვდნენ.

შავ ზღვაში განხორციელებული უნიკალური აღმოჩენა გარემოს ეროვნული სააგენტოს უფროსმა მედიას გააცნო.

თავისუფალი დემოკრატების დიდუბის მაჟორიტარობის კანდიდატი, ზურაბ აბაშიძე, დღეს მოსახლეობას შეხვდა.

პრაღაში, კარლის უნივერსიტეტში გამართულ ცერემონიალზე, საქართველოს მესამე პრეზიდენტს თავისუფლების ჯილდო გადასცეს.

მუშებს, რომლებმაც თბილისში სასტუმრო ბალტიმორთან აქცია გამართეს, დღეს დავალიანების ნაწილი აუნაზღაურდათ.

ჩარგალში სახალხო დღესასწაული ვაჟაობა გაიმართა. ფოლკლორული ანსამბლების მონაწილეობით, ვაჟა–ფშაველას სახლ–მუზეუმში შეკრებილი ადამიანებისთვის ჩატარდა კონცერტი. ღონისძიების ფარგლებში მოწეყო გამოფენები, სპორტული ტურნირები და ტრადიციული სადღესასწაულო დოღი.

რომის პაპი პოლონეთში ვიზიტის ფარგლებში კრაკოვს ეწვია. პაპმა ფრანცისკემ მისი წინამორბედის, იოანე პავლე მეორეს, სახელობის ტაძარში მესა ჩაატარა.

სტამბოლის სასამართლომ სამხედრო ამბოხში მონაწილეობისთვის დაკავებული 759 ჯარისკაცი გაათავისუფლა. გადაწყვეტილება მოსამართლემ პროკურატურის შუამდგომლობის საფუძველზე მიიღო.

სომხეთის სპეცსამსახურები შეიარაღებულ აქტივისტებს, რომლებიც უკვე მეორე კვირაა, საპატრულო პოლიციის საგუშაგოს იკავებენ, იარაღის დასაყრელად ერთ საათს აძლევენ. ულტიმატუმის ვადის ამოწურვის შემდეგ სპეცრაზმი შენობას შტურმით აიღებს.

ტერაქტის საფრთხის გამო ამსტერდამის აეროპორტში უსაფრთხოების ზომები გააძლიერეს.

ალეპოს ე.წ. ჰუმანიტარული კორიდორების მეშვეობით მშვიდობიანი მოსახლეობა ტოვებს. ამ დროისთვის ალეპო ალყაშია მოქცეული.  

გამომცემლობა საოჯახო ბიბლიოთეკამ პატრიარქის ნათლულების ალბომი გამოსცა. ორტომეულში 2008-2015 წლებში ილია მეორეს მიერ მონათლულ ბავშვთა სია წლისა და ანბანური რიგის მიხედვით არის წარმოდგენილი.

თბილისის საერთაშორისო აეროპორტის ტერიტორიაზე, იაპონური მხარის დახმარებით, მზის ელექტროენერგიის გადამუშავების სისტემა შეიქმნა.

წყალტუბოს რაიონის სოფელ გეგუთში აქცია გაიმართა. კომპანია აკორდ ჯორჯიას თანამშრომლები 4 თვის მიუღებელ ხელფასს ითხოვენ.

პროექტ სმართ ჰაბ - საქართველოს პრეზენტაცია გაიმართა დღეს თბილისში. საინიციატივო ჯგუფის ერთ-ერთი დამფუძნებლისა და პარტია ახალი საქართველოს ლიდერის განმარტებით, პროექტის მიზანი ქვეყანაში მოხერხებული და გამჭირვალე ბიზნესგარემოს შექმნაა, რომელიც ორიენტირებული იქნება თანამედროვე სერვისების წარმოებაზე.

სომხეთის პოლიციამ წუხანდელი არეულობის შედეგად დაკავებულთა რიცხვი დააზუსტა. სამართალდამცველების განცხადებით, შეტაკებების შედეგად ძალოვანებმა 165 ადამიანი დააკავეს.