Новости за 08.08.2017

Землятрус магнітудай 6,5 адбыўся ў правінцыі Сычуань у цэнтральным Кітаі. Паводле ўладаў, загінулі як найменш пяць чалавек — усе турысты, больш як 60 пацярпелі.

Украіна і Літва пратэстуюць супраць намеру адміністрацыі Польшчы разьмясьціць на старонках новага польскага пашпарту выявы капліцы ў Львове і Вострай брамы ў Вільні.

На ўсходзе Турэччыны пачалося будаўніцтва «сьцяны бясьпекі» вышынёй 3 мэтра і працягласьцю 144 кілямэтры. Захады скіраваныя супраць забароненай у Турэччыне Курдзкай рабочай партыі.

Брытанскі праграміст Маркус Хатчынс, які спыніў распаўсюд віруса-вымагальніка WannaCry, паўстане перад судом у ЗША 14 жніўня. Пра гэта паведамляе інфармацыйнае агенцтва Associated Press.

Госьць перадачы «Інтэрвію тыдня» — магчымая будучая лідэрка БНФ Вольга Дамаскіна. Яна расказвае, як мяркуе ўзьняць імідж БНФ, тлумачыць, чаму яе нельга параўноўваць зь Мядзьведзевым пры Пуціну, і адказвае на «традыцыйнае» пытаньне, ці фэміністка яна. З Вольгай Дамаскінай гутарыў Віталь Цыганкоў.

Госьць перадачы Інтэрвію тыдня – магчымая будучая лідэрка БНФ Вольга Дамаскіна. З Вольгай Дамаскінай гутарыў Віталь Цыганкоў. Поўнае відэа.

Гурт «Крамбамбуля» кампэнсаваў судовыя выдаткі сваім прыхільнікам — менчукам Зьмітру Навуменку і Івану Лісаўцу.

У Менскім абласным судзе вынесены прысуд 16 фігурантам гучнай справы мытнікаў. Практычна ўсе яны прызнаныя вінаватымі ў даваньні і атрыманьні хабару. Яшчэ ў трох судах сталіцы праходзяць аналягічныя працэсы. На думку экспэртаў, прынамсі палова шараговых мытнікаў сядзе ні за што, бо ўся доказная база трымаецца толькі на словах.

За апошнія два гады адносіны паміж Расеяй і Захадам дасягнулі найгоршага стану ад часоў «халоднай вайны» і апынуліся ў глыбокім крызысе. І ня выключана, што гэты крызыс можа неўзабаве пагоршыцца.

Браты Бакіноўскія зь фірмы «Гранітны сьвет» у Заслаўі бясплатна вырабілі помнікі на магілы бацькоў Васіля Быкава і ягонай сястры Валянціны.

8 жніўня 2008 году расейская авіяцыя атакавала грузінскія пазыцыі каля гарадоў Цхінвалі і Горы. Нагодай для нападу стала вайсковая апэрацыя Грузіі ў Паўднёвай Асэтыі (прэзыдэнт Міхэіл Саакашвілі плянаваў аднавіць канстытуцыйны парадак у сэпаратысцкім рэгіёне). Дзьмітры Мядзьведзеў апраўдаў ўварваньне Расеі абаронай расейскіх грамадзян у Паўднёвай Асэтыі. За два дні расейскія войскі захапілі Поці, Кутаісі, Горы і занялі пазыцыі ў 36 кілямэтрах ад Тбілісі, пасьля чаго Грузія падпісала плян перамір'я, прапанаваны Эўразьвязам.

Беларуская каманда аднадумцаў паспрабавала аднавіць шрыфт, якім 500 гадоў таму, рыхтуючы да выданьня Псалтыр, карыстаўся тутэйшы першадрукар Францішак Скарына

Актывіст «Маладога фронту» Сяргей Пальчэўскі зьехаў на Данбас і далучыўся да шэрагаў украінскіх добраахвотнікаў, якія супрацьстаяць узброеным фармаваньням сэпаратыстаў.

Сёлета ў студзені, у момант, калі беларуская эканоміка апынулася на самым дне крызісу, Аляксандар Лукашэнка даў загад падрыхтаваць шэраг нарматыўных дакумэнтаў дзеля разьняволеньня бізнэсу, якія маглі б расьсекчы «гордзіеў вузел праблем у малым бізнэсе»

Прэзыдэнт Расеі Ўладзімір Пуцін у гадавіну пачатку расейска-грузінскай вайны прыбыў з візытам у Абхазію. Расейска-грузінская вайна пачалася 8 жніўня 2008 году.

8 жніўня ў Менскім абласным судзе абвясьцілі прысуды 16 фігурантам справы ашмянскіх мытнікаў.

Прафсаюзны актыў зьвярнуўся да грамадзян Беларусі з просьбай падтрымаць арганізацыю ў няпросты час.

Спрэчкі пра нацыянальную ідэю, безумоўна, важныя, яны і сапраўды не адно пра палітыку, яны і пра ідэнтычнасьць. Аднак яны ўжо ня спрэчкі пра тое, быць ці ня быць Беларусі. Адказ на гэтае пытаньне ўжо дадзены.

Віктар Мужэнка, начальнік Генэральнага штабу Ўзброеных сілаў Украіны, кажа, што беларуска-расейскія вучэньні «Захад-2017» зьяўляюцца «спробай ціску» на Ўкраіну і краіны-ўдзельніцы NATO.

Экс-прэзыдэнт Грузіі і былы кіраўнік Адэскай абласной адміністрацыі Міхэіл Саакашвілі, якога пазбавілі ўкраінскага грамадзянства, падзякаваў за прапанову стаць грамадзянінам Літвы, але адмовіўся.

Да 1 кастрычніка павінен быць падрыхтаваны пакет дакумэнтаў, які «скасуе ўсе лішнія адміністрацыйныя бар’еры, зь якімі сутыкаюцца бізнэсоўцы» — заявіў Аляксандар Лукашэнка. Старшыня каардынацыйнай рады Рэспубліканскай канфэдэрацыі прадпрымальніцтва Ўладзімер Карагін сказаў Свабодзе, якіх зьменаў можна чакаць.

Ля сьвінакомплексу побач зь вёскай Зялёныя Лукі Гомельскага раёну на журналістаў-фрылансэраў Кастуся Жукоўскага і Андрэя Толчына напаў невядомы ў цывільным з садовым апырсквальнікам за плячыма і абдаў з распыляльніка невядомым аэразолем.

Угодкі расейска-грузінскага ваеннага канфлікту 2008 году ў Грузіі традыцыйна пачынаюць адзначаць 7, а не 8 жніўня.

8 жніўня ў Менскім абласным судзе абвясьцілі прысуды 16 фігурантам гучнай справы ашмянскіх мытнікаў.

Летась у сакавіку яму адмовілі ў датэрміновым вызваленьні, бо Ўдальцоў не прызнаў віны і меў на той момант восем спагнаньняў.