Новости за 31.08.2017

Міністар замежных спраў Нямечыны Зыгмар Габрыэль ў чацьвер перасьцярог, што канфлікт з Паўночнай Карэяй можа прывесьці да катастрафічных наступстваў для ўсяго сьвету.

Cтаршыня камітэту міжнародных спраў Дзяржаўнай Думы Леанід Слуцкі сказаў, што ЗША, запатрабаваўшы зачыніць генэральны кансулят Расеі ў Сан-Францыска, абвясьцілі «гарачую фазу дыпляматычнай вайны».

Аляксандр Лукашэнка ўхваліў заяўку на членства Беларусі ў Азіяцкім банку інфраструктурных інвэстыцый. Адпаведны ўказ № 312 кіраўнік дзяржавы падпісаў 31 жніўня.

Старт перадвыбарчай кампаніі даў кіраўнік арганізацыі Юры Лукашэвіч, які вылучаецца кандыдатам у дэпутаты па Залінейным раёне гораду Барысава. Разам зь некалькімі актывістамі ён узяўся зьбіраць подпісы за будаўніцтва новай сучаснай паліклінікі на тэрыторыі раёну.

Пэрформанс зь нечаканымі прапановамі да насельнікаў Кастрычніцкай вуліцы Менску, дыскусія пра разнастайнасьць памяці ў далейшым лёсе Курапатаў, ператварэньне закінутай гарадзенскай пусткі ў інклюзіўную прастору.

ЗША запатрабавалі ад расейскага ўраду закрыць кансулят РФ у Сан-Францыска, а таксама скараціць дыпляматычную прысутнасьць Расеі ў Вашынгтоне і Нью-Ёрку.

У Чачні працягваецца кампанія па ўзьяднаньні разьведзеных сем’яў. З такой ініцыятывай у пачатку ліпеня выступіў кіраўнік рэспублікі Рамзан Кадыраў.

Рэйтынгавае агенцтва Standard & Poor ’s (S & P) папярэдзіла аб сур’ёзных наступствах для эканомікі ЗША, калі Кангрэс не павысіць мяжу дзяржаўнага доўгу да канца верасьня.

31 жніўня мiнiстар замежных спраў Беларусі Ўладзімер Макей узяў удзел у сустрэчы кіраўнікоў зьнешнепалітычных ведамстваў краін-удзельніц ініцыятывы Эўразьвязу «Ўсходняе партнэрства» і Вышаградзкай групы ў Будапэшце.

На працэсе над менчуком Паўлам Труханавым у Цэнтральным раённым судзе выступілі два зь пяці пацярпелых. Гэта жыхарка вуліцы Арлоўскай Галіна Платонава і маёр міліцыі, інспэктар ДПС Барыс Клешчанка. Іншыя пацярпелыя ў суд не зьявіліся.

Свабода паразмаўляла з Вадзімам Шутам, кіраўніком менскай фірмы VaDi Avto, якая ажыцьцяўляе рамонт, тэхнічнае абслугоўваньне і продаж электрамабіляў замежных вытворцаў, пра інфраструктуру для электрамабіляў у Беларусі, а таксама пра канкурэнтаздольнасьць беларускай Geely.

29 жніўня ва ўзросьце 49 гадоў пайшоў з жыцьця палітычны аналітык, былы кіраўнік спраў Беларускай сацыял-дэмакратычнай партыі Алег Багуцкі, паведамляе афіцыйны сайт БСДП (Грамада)

ФСБ Расеі паведаміла, што затрымала двух выхадцаў з Цэнтральнай Азіі, якія рыхтавалі тэракты ў Маскве і Маскоўскай вобласьці 1 верасьня.

Аляксандар Лукашэнка пратэставаў апошнюю мадэль электрамабіля Tesla. На думку беларускага экспэрта па электракарах, гэта станоўча адаб’ецца на разьвіцьці галіны.

Дуброўна — 7-тысячны горад на Віцебшчыне — з 1993 году страціў 29% насельніцтва. Гэта найгоршы паказчык сярод усіх райцэнтраў. Мястэчка наведалі Павал Дабравольскі і фатограф Тацяна Ткачова.

Ня выключана, што хакеры з групоўкі OurMine ўзламалі сайт WikiLeaks.

Ажыятаж вакол "Вяйшнорыі" -- гэта публічная масавая дэманстрацыя непрыманьня антызаходняй прарасейскай палітыкі афіцыйных Драздоў

Прыйшлі расейскія войскі, гэтак жа і сыдуць. Гэтым разам, мяркую, так. Але і беларускія генэралы, і беларуская «канапная сотня» гатовыя гуляцца ў Вяйшнорыю — гэта сумна. Наступным разам прыйдуць, і тады, калі ніхто ня будзе чакаць. І менавіта таму, што надта шмат аматараў гэтай гульні.

Каля трох сотняў беларускіх і замежных журналістаў будуць асьвятляць вучэньні «Захад-2016», якія пачнуцца праз 2 тыдні. На манэўры запрошана больш за 80 міжнародных назіральнікаў НАТО, АБСЭ, ААН, а таксама назіральнікі і вайсковыя аташэ зь сямі дзяржаў: Украіны, Польшчы, Літвы, Латвіі, Эстоніі, Швэцыі, Нарвэгіі. Ці даведаецца звычайны чытач і глядач пра рэальную карціну манэўраў?

Чаму сцэнар вучэньняў "Захад-2017" выклікаў такі ажыятаж ў Байнэце? Ці можна сьмяяцца з нагоды тэрытарыяльнай цэласнасьці краіны? Хто сьмяяўся б, калі Вяйшнорыя была не на захадзе, а на ўсходзе Беларусі?

Архітэктура Беларусі ХХ стагодзьдзя цікавая тым, што на працягу двух перадваенных дзесяцігодзьдзяў наша краіна знаходзілася пад уплывам двух, як раней пісалі, ідэалягічна чужых архітэктурных школ: савецкай і польскай.

Лідэр «Беларускага нацыянальнага кангрэсу» Мікола Статкевіч выйшаў на волю 31 жніўня пасьля 5 сутак арышту. Але таксама Статкевічу было прысуджанае пакараньне ў 15 сутак — жонка абскардзіла прысуд, яго маюць пераглядаць 7 верасьня, за дзень да анансаванай Статкевічам «акцыі папярэджаньня».

Афіцыйны прадстаўнік МЗС Беларусі Дзьмітры Мірончык у адказе на пытаньне TUT.BY абверг заяву намесьніцы міністра замежных спраў Украіны Алены Зеркаль пра тое, што Беларусь паводзіць сябе з Украінай не па-партнэрску.

На хімічным заводзе ў прыгарадзе Хʼюстана ў Тэхасе адбыліся два выбухі з прычыны паводкі, выкліканай наймацнейшым ураганам.

31 жніўня міністар замежных спраў Беларусі Ўладзімер Макей удзельнічае ў сустрэчы кіраўнікоў зьнешнепалітычных ведамстваў краін-удзельніц ініцыятывы Эўразьвязу «Ўсходняе партнэрства» і Вышаградзкай групы.