Рифкать Миңнеханов: Студентлар дипломнарны стартаплар рәвешендә әзерләргә тиеш
Татарстанда студентларның күбесе үз дипломын стартап форматында әзерләргә тиеш. Бу импортны тиз арада алыштыру һәм технологик суверенитетка ирешү бурычларына туры килә. Татарстан Фәннәр академиясе президенты Рифкать Миңнеханов ТАСС агентлыгында Казанда XVIII Россия венчур форумын үткәрүгә багышланган матбугат конференциясендә шулай дип белдерде.
Аның сүзләренчә, ТР Фәннәр академиясе һәм аның партнерлары мондый форматны үстерүгә карата кызыксыну белдерә.
«Инвесторларны җәлеп итү, төрле стадияләрдәге перспективалы проектларны финанслау өчен бу форумга зур бурычлар йөкләнгән, - дип өстәде Миңнеханов. – Бездә мәйданчыклар һәм студентлар әзерләгән проектлар күп. Безнең бурыч – аларның компетенцияләрен күтәрү».
Татарстан Фәннәр академиясе президенты искәртеп үткәнчә, 2023 ел нәтиҗәләре буенча республиканың Эшкуарлыкка булышлык итү фонды 364 проектка 737,2 миллион сумлык ярдәм күрсәткән.
Россия венчур форумы Татарстан башкаласында 36-26 апрельдә уза. Аның төп темасы - «Технологик эшкуарлык: югары компетенцияләр киңлеге». Искәртеп үтәбез, 2024 ел республикада ТР Рәисе Рөстәм Миңнеханов тарафыннан Фәнни-технологик үсеш елы дип игълан ителде.