Казанда Рамил Гали һәм Евгений Канаев күргәзмәсе ачыла
11 апрельдә Мәҗитов музеенда «Тормыш поэзиясе һәм прозасы. 1980-90 елларда Татарстан» дигән күргәзмә ачыла. Аның авторлары – Татарстан фотографиясенең ике корифее Рамил Гали һәм Евгений Канаев, диелә ТР Фотографлар берлеге телеграм-каналында.
Фотографларның проекты Габдулла Тукай исемендәге Дәүләт премиясенә тәкъдим ителгән.
Исеменнән күренгәнчә, экспозиция XX гасырның 80-90нчы елларындагы республика тормышына багышланган. 50дән артык фото Татарстан һәм тулаем алганда илнең алдагы үсешенә йогынты ясаган әлеге катлаулы һәм кызыклы чордагы вакыйгаларны чагылдыра.
Күргәзмәне ачу тантанасы 16.00 сәгатьтә башлана. Экспозиция 10 майга кадәр эшләячәк.