MMA խառը մենամարտերի մարտիկ Իսայա Չեփմենին գնդակահարել են ԱՄՆ-ի իր տանը
Խառը մենամարտերի ամերիկացի մարտիկ Իսայա Չեփմենին գնդակահարել են Օհայո նահանգի Ակրոն քաղաքում գտնվող իր տանը: Այս մասին տեղեկացնում է mmajunkie.usatoday.com կայքը:
Ոստիկանության աշխատակիցները դեպքի վայր են ժամանել հրաձգության մասին տեղեկությունից հետո: Նրանք մարտիկին հայտնաբերել են մի քանի հրազենային վիրավորումներով:
Չեփմենին տեղափոխել են հիվանդանոց, որտեղ էլ գրանցվել է նրա մահը: Նշվում է, որ սպանությունը կատարած կասկածյալը դեռևս ազատության մեջ է:
Չեփմենը պրոֆեսիոնալ կարիերա էր սկսել 2012 թվականից, նրա վերջին մենամարտը տեղի է ունեցել անցյալ տարվա հոկտեմբերին` Bellator 232 առաջնության շրջանակներում: