Qırımda yol qazası: doquz adam yaralandı, bir adam reanimatsiyada
Rusiye İİN-niñ Qırım idaresiniñ malümatına köre, Aqmescitten Canköy tarafına doquz adam ile Mersedes Sprinter maşnası kete edi. Baş yolğa çıqqanda Daewoo maşnasınıñ aydavcısı yol areketi qaidelerini bozıp, ekinci maşnağa uruldı. Neticede Sprinter avdarıldı.
Şimdi olğan malümatqa köre, yol qazası neticesinde yengil maşnanıñ aydavcısı, yolcusı ve olarnen ketken üç yaşındaki bala yaralandı. Bundan ğayrı, Mersedes Sprinter maşnasınıñ aydavcısı ve beş yolcusı da yaralandı.
Qurman rayonı memuryetiniñ hadimi, qazağa oğraganlarnıñ birisi reanimatsiyada olğanını haber etti.
По словам чиновника, семеро пострадавших – это жители Евпатории, один из Ялты.
Официальной информации на российских сайтах МВД и МЧС по Крыму по данному происшествию пока нет.
Fevralniñ 13-ünde, Aqmescitte Opel Vectra ve Chevrolet Aveo maşnaları qazağa oğradı. Neticede üç adam yaralandı.
Bağçasaray rayonınıñ Ulaqlı (Glubokiy Yar) köyü civarında "Tavrida" trassasında fevralniñ 5-inde aqşam yol qazası oldı.
Fevralniñ 6-sında saba Aqmescit-Bağçasaray-Aqyar yolunda yengil maşna ve yük maşnası çatıştı, qazada üç adam elâk oldı.
Fevralniñ 4-ünde aqşam "Kezlev - Aqmeçit" yolunda Saq rayonında eki yengil maşna - VAZ-2112 ve Geely - çatıştı. Qazada yedi adam yaralandı.
Qırımda fevralniñ 3-ünde, neticesinde piyadeler öldürilgen eki yol qazası oldı. Bir maşna Aluşta civarında aqaynı urıp öldürdi. O piyadeler keçitinden yolnı keçe edi. Ekinci qaza Keriçte oldı, anda tükân yanında aydavcı esli qadınnı bastı.