Новости за 09.08.2018

Нохчийчуьрчу Талламан комитето, цуьнан ларх шаьш ца кхета аьлла, даредина. Шен гIуллакхашна гIали юккъе вахначуьра юха ца веанера иза. Бакаев вайна бутт баьлча нохчийн пачхьалкхан телевизионехь видео гайтира, Зеламхас ша Германехь а ву, дика дIа а тарвелла бохуш. Амма журналисташа а, бакъонашларъярхоша а и хIоттийна сурт ду элира. Еврокомиссино тIечIагIдира, Бакаев Зеламха Европе кхаьчна цахилар. Бакаев Зелимхан гIо лоцуш акци дIаяьхьира Оьрсийчуьрчу а, Iамеркерчу а, Европан пачхьалкхашкарчу а бакъонашларъяран организацеша а, жигархоша а. Читать дальше...

Маршо Радионо бовзуьйту таханлера боцца хаамаш

Байначу беттан 29-чохь Дагестанехь яйна 8 шо долу Омарова Калимат лоьхуш ю полисхоша а, волонтераша а. Луларчу туькана бепиг эца араяьллачуьра яйна ю и йоI. Каспийскера "Лиза Алерт" тобан волонтераша дийцина "Къилбаседа Кавказера комсомолан бакъдерг" ("Комсомольская правда на Северном Кавказе") газетане, щайн лаамехь арабевллачу меттигерчу бахархоша а, жигархоша а боккха болх бина хиларх – массо а петарш чухула, тхевнаштIехула лехарх яйнарг. Лехамаш дIахьочу белхан координаторо Будагов Тимура бахарехь... Читать дальше...

Цхьа могIа кхачамбацарш дитина полисхойн декъехь лаьттинчу Нохчийчуьрчу вахархочо ларамза корах герз а тоьхна, йоI ер толлучара аьлла, дIахьедина еаридийнахь прокуратурано. Маршо Радионо яздира, кху керлачу шеран буьйсанна корах чу тоьхначу герзо Соьлж-ГIаларчу школан 9-чу классера дешархо Д ерах. Маршо Радион хьостано дийцарца, микрорайонерчу шайн хIусамехь хIума кхоллучу чоьнахь гIентахь хиина Iен йоI корах чукхеттачу молхано йийра. Дуьххьалчу цIачуьра керла шо даздеш, герзаш деттачу 20 шо... Читать дальше...

"URA.RU"  хьостане орцадехна, Екатеринбургера вахархо вийна аьлла, шеконашца лаьцначу Веданан кIоштарчу 37 шо долчу Хасаев Мовсаран вашас. "Сан ян чIагIо ю, Уралехь шен дахарехь цкъа а Мовсар хилла цахиларх. ШолгIа делахь, иза заьIапхо ву. Кхиазхо волчу заманчохь хенан даьIахк каг а елла, цул тIаьхьа даьIахкаш нийса ца хиттаелла цуьнан. Оцу бахьанашца, букъсурт сеттина ву иза, ишта цхьа ког вукхул а ялх сантиметар боца бисина сан вешин. Тешаша даредарца, киллер тIе а ведда, цунна тапча а тоьхна, ведда. Читать дальше...

ГIалгIайчохь пачхьалкхан экзаменаш (ЕГЭ) дIахьочу заманчохь къепе йохорна аьлла бехкебина, школашкара балхара дIаваьккхина ялх хьехархо. Кхин ледарло ма ялийта аьлла, бехк а баьккхина витина виъ педагог. Экзаменийн жамIех дуьйцуш, Магасехь йоьдучу кхеташонехь бина и хаам дешаран, Iилман министро Костоев Юсупа. Экзамен йоьдучу хенахь дешархоша телефонаш, йозанийн кехаташ лелийна меттигаш хаабелла, цундела таIзар дина хьехархошна аьлла министро. Иштта дешаран, Iилман урхалхочо билгалдаьккхина,... Читать дальше...

Кхин а масех Оьрсийчоьнан вахархо шаьш дIалацарх хаамбина Iамеркан Федералан Талламан Бюрос (ФБР) оьрсийн дипломатин миссига. Оьрсийчоьнан Нью-Йоркерчу инарла колсулаллан пресс-секретаран хаамех пайда а оьцуш, хаамбина цунах "Новости" хьосто. ТАСС агенталлан информацица, кхо оьрси ву Iамеркехь сацийна, интернетехь зуламаш лелорна. Кхечу хьосташа цкъачунна и хаам тIечIагIбаза бу. Хьалхо Iамеркехь Оьрсийчуьра виъ вахархо дIалаьцнера. Машенаш юхкуш ду шаьш бохуш, харцонца хIилланаш лелор дара царна дуьхьал даьккхинарг. Читать дальше...

Генарчу Малхбалерчу вахархочунна Нохчийчохь шен 11 ваша а, йиша а карийна. 49 шо долу Абубакаров ИбрехIим доллучу дахарехь шен да лоьхуш хилла. Нанас юьйцуш ца хилла цуьнга шен къайле. Эххар а хиина цунна, шен да итт шо хьалха веллийла. Делахь а гучудаьлла цунна, шен 11 ваша а, йиша а хилар. Цаьрца зIе тесна масех бутт баьллачул тIаьхьа, Амуран кIоштара Соьлжа-ГIала кхаьчна ИбрехIим шен нахаца цхьанакхета. Шен гергарчаьрца бутт хан яккха Iалашо ю Абубакаровн. Иштта къаьстина, Абубакаровн Оьрсийчохь кхин цхьа ваша хилар а... Читать дальше...

Нохчийчохь бер дийначу стагна дуьхьал бехкзуламан гIуллакх долийна Талламан комитетан версица, Нажи-Юьртарчу Беной-Веданахь кхааридийнахь 36 шо долчу стага урс тоьхна 8 шо долчу кIантана. Цул тIаьхьа урамехь кхи шинна а дина цо уьрсаца тIелатар. 8 шо долу бер делла, важа шиъ кеп-кепарчу чевнашца дарбан цIийне кхачийна. Зуламхо лаьцна, талламаш болийна хиллачунна гонах.

Нохчийчохь тIемалошца Оьрсийчоьнан эскаршна дуьхьал тIом бина ву аьлла, 20 шо набахтехь даккха хан тоьхна Украинан вахархо Клых Станислав Магнитогорскерчу психиатрин хIусамера араваьккхина. Ша хиллачу Челябинскерчу набахте юхавалийна иза, хаамбина ТАСС агенталле еаридийнахь оцу регионерчу бакъонашларъярхочо Павлова Маргаритас. Хьалхо Маршо Радионо яздира, Мангал-беттан 28-чу дийнахь ФСИН-ан Магнитогорскерчу психиатрин цIийне дарба лелон дехьаваьккхина аьлла. "Дарбан курс чекхъяьлла, Клых набахте юхавигина. Читать дальше...

Дешаран шо доладелча дуьйна Оьрсийчоьнан школашкахь а, берийн бошмашкахь а Iуьйранна шайга кхачийначу берашна тIехь лерина Iуналла латтор долуш ду хьехархоша. Пачхьалкхан коьрта санитаран лоьро Попова Аннас бинчу сацамна тIе а тевжина, яздо "Известия" газетано цунах еаридийнахь. Берашна тIехь таллам а беш, нагахь могуш цахиларан билгало цуьнгахь хаалахь, уьш шайн цIа дIадохуьйтур долуш ду тIейогIучу хенахь. Вирусан жигаралла къаьсттина марсайолучу гуьйренан а, Iаьнан а муьрехь дIахьур йолуш ю и юкъайоккху процедура... Читать дальше...

Оппозиционер Немцов Борис вийна аьлла, набахтехь бехк токху Дадаев Заур гIуда тоьхначу изоляторчуьра (ШИЗО) араваьккхина, ша кхайкхийна мацалла юха а яьккхина цо аьлла, хаамбо цуьнан адвокато Магомедова Розас. "Кавказан узел" агенталло хаамбира, Дадаевн адвокато бахарехь, бехк боцуш ша гIуда тухучу изолятор чу воьллича, протест еш мацалла кхайкхина хиларх тутмакхо. ТаIзарш кхочушдаран системан федералан урхалло (ФСИН) бакъ ца дира Дадаевс мацалла кхайкхор. Стохка аьхка Москохарчу тIеман кхело Немцов... Читать дальше...

Кхааридийнахь шо кхечи нохчийн иллиалархо Бакаев Зеламха Соьлжа-ГIалахь вайна. Нохчийчуьрчу Талламан комитето, цуьнан ларх шаьш ца кхета аьлла, даредина. Цхьа шо а ду Бакаев Зеламха тIепаза байначийн тептаре ваьккхина. Стохка аьхка шен йиша маре йоьдучу юкъахь даймахка веанера, Москох веха Зеламха. Шен гIуллакхашна гIали юккъе вахначуьра юха ца веанера иза. Масех верси лийлира иза варан хьокъехь. Цхьаболучара тIеман барзакъ доьхначу наха машен чу а тоьхна, дIавигина дуьйцура, вукхара деца-ненаца иккхинчу кофликтах ведда олура... Читать дальше...