Новости за 22.08.2018

Нохчийчохь Къоьзан-Iомана йистехь йинчу туризман базано шена тIеоьцур ду ЧIеберлан-кIоштарчу бахархойн ловзаршна харж яр. Цунах лаьцна социалан машанехь хаам бина кху деношкахь цу курортан куьйгалхо хIоттийначу Успанов Юнис. Цо куьйгалла дечу "Къоьзан-Iам" курорто, зуда ялош чоьнаш а, даарш а кечдина ца Iаш, буьззинчу барамехь даздар вовшахтухур ду, керла доьзалш кхуллуш Нохчийчоьнан културан министраллица цхьаьна. Успановс дIахьедар дина, чIебарлойн кегийрхоша шайн доьзалийн дахар доло лаьа шена... Читать дальше...

Маршо Радионо бовзуьйту таханлера боцца хаамаш

Интернетехула шен "китал" тIера мидалш ийззош схьайоху нохчийн "эпсар" тидаме эцнарш вуно дукха бу. Европехь вехачу хьалха-мартанхочунна Бетельгериев Мохьмадна х1ун ца тайна оцу кепара хьовззал? Массарна а санна, иза цуьнгара шеггара хаза лиира Маршо Радиона а. Хилларг Мохьмада ша дуьйцу.

«Ридус» зорбанан гIирсан журналист а, блогер а волчу Ронкаинен Михаила кху беттан 17-чохь арахецнера 19 минот йохалла йолу видеоролик. Цу тIехь иза тешо гIоьртинера хьажархой Нохчийчоьнан коьрта гIала герз дуьйлуш а, лелхийтарш деш а, адамаш дойуш а йолу меттиг ю бохург  харц хиларх, иза хаза а, аьхна а, кхузаманахьлера мекаполис а санна а  гайтина. Цуьнга хьажначу наха оьгIазе комментарех юьзна цуьнан агIо. Цара бехке вина журналист Iедалшна dохкаваларна, яздо lenizdat.ru сайто. Царна жоп луш... Читать дальше...

Теракт ян дагахь хиларна шеко йлуш, Оьрсийчоьнан махкахо 31 шо долу Мохьмад-Iела С. лаьцна Берлинехь. Цунах лаьцна хаам бо РИА Новости агенталло, Германин инарлин прокуратурина тIе а тевжаш. Болчу хаамца, иза лаца бакъо елла хилла прокуроро кху беттан 9-чу дийнахь. Мохьмад-Iела С. лаьцна федералан а, Берлинан а криминалан полицин белхахоша. Инарлин прокуратуран пресс-хаамехь дуьйцуш ду, и стаг пачхьалкхан дуьхьал вуно доккха зулам дан дагахь хиларна шеко йолуш лаьцна хилар. Оьрсийчоьнан махкахо вехачу хIусамах хьажна талламхой.

Нохчийчуьрчу бакъонашларъярхошка гIо доьхуш бу Шема баханчу зударийн Европерчу пачхьалкхашкахь беха гергаранаш. Цунах лаьцна хаам бо, ТАСС агенталло, Нохчийчуьрчу адамийн бакъонашкахула йолчу кхеташонан декъашхочунна Саратова Хедина тIе а тевжаш. Цхьана Идлибехь хила мега маситта эзар Кавказера зударий, боху Саратовас. Оьрсийчуьрчу омбудсмено Москалькова Татьянас дийцарехь, Иракъерчу набахташкахь йолу 100 сов зуда ю, шайна тоьхна хан Оьрсийчуьрчу набахташкахь такха лууш. Цу хьокъехь Москальковас дехар дина Иракъан Iедалшка... Читать дальше...

Нохчийн Республикан Лаккхарчу Кхелехь кхел йир ю 1999-чу шарахь Оьрсийчоьнан эскаран декъана тIелатар дарна бехке вечу Батаев Русланна. Цунах лаьцна хаам бо Sm-news.ru сайто. Батаевн бехктакхаман гIуллакх толлуш яра Къилбаседа Кавказан федералан гонан талламан комитет. Талламхойн версица, 1999-чу шарахь Гезгмашин-баттахь «Сары-Суйн джамаIат» олучу тобанах дIахетта хилла Батаев. Цуьнан декъашхоша, Басаев Шемила а, Хаттаба а куьйгалла а деш, тIелатар дина Оьрсийчоьнан тIеман министралан декъана. Хиллачу тIамехь вийна 15 эскархо... Читать дальше...

Мескер-Эвлахь некъан полицин постана уллехь ша эккхийта гIоьртина жима стаг велла Соьлж-ГIаларчу дарбанан хIусамехь, хаам бо ТАСС агенталло. Iедалхоша чIагIдарехь, цу жимачу стагана вуно еза чевнаш хиллера полисхошна тIелатар дан гIоьртича. ТАСС-о билгалдаккхарехь, иза цхьаъ бен вацара Марсхьокху-беттан 20-хь хиллачуьнца доьзна чоьхьарчу гIуллакхийн министралло тIемалой бу аьлла цIе тоьхначу 5 кхиазхочух дийна виснарг. Цу агенталло чIагIдарехь, цуьнан вашас тIелатар дина Шеларчу РОВД-на. Социалан машанашкахь яздо кхин а ши кхиазхо... Читать дальше...