Новости за 30.08.2018

Вольтская Татьяна Полицино стагна тIехь Iазап даллор толлуш ю Питерера кхел. Новский кIоштарчу 70-чу полицин декъехь ялхаммо, букъ тIе кхехка хи а дуьттуш, дегIа тIе цигаьрка а Iуьттуш, хьийзийна шаьш букмекеран контора толлуш лаьцна вигинарг. И тайпа зуламаш наггахь бен ца кхочу Оьрсийчохь кхеле. Бакъду, хIара а дац "таIзар дар" цIе йолчуш толлуш - даржо лучу бакъонел совбовларна бехкебо талламо полисхой. Кхеле ийзийнарш бу полицин декъан буьйранчин гIовс Морозов Артем, цуьнан бехлхан накъостий-эпсарш Барашков Андрей... Читать дальше...

Маршо Радионо бовзуьйту таханлера боцца хаамаш

Кхааридийнахь телевизионехь пенсин реформех вистхилла Оьрсийчоьнан президент. Тахана долчу низамашца, зударийн болх бан йиш ю 60 шо кхаччалц. Божарийн пенси боьлху хан 65 шо кхаьчча магош ю.

Марсхьокху-беттан 30 де байна нах дагалоцу дуьненаюкъара де лору Цхьаьнакхеттачу Къаьмнийн организацино. Нохчийчоьнан бахархоша тахана лохуш ву доьза вайна 3000 стаг. Церан могIарш бузуш лаьтта денна а.

Еаридийнахь кхелхина Оьрсийчоьнан халкъан иллиалархо, 80 шо долу Кобзон Иосиф аьлла, хаам баржийна kp.ru сайто Твиттерехь. 2005-чу шарахь дуьйнна цIе ца йоккхучу лазарца къийсам латтош вара артист. Иза масситтаза хилира Донбассерчу сепаратисташца юкъарло лелош, концерташца цига вахана.  2016-чу шарахь Оьрсийчоьнан културин 140 гIуллакххочунна Украине некъ бихкира пачхьалкхан кхерамзаллин хьукмато. Цу тептарехь вара Кобзон Иосиф а. Еаридийнахь кхелхина Оьрсийчоьнан халкъан иллиалархо, 80 шо долу Кобзон Иосиф аьлла... Читать дальше...

Къилбаседа Малхбузерчу Шеман Идлиб провинци схьаяккха тIелатаршна кечамаш беш ду президентан Асад Башаран эскарш. Reuters агенталло дIахьедина цунах лаьцна, шайн хьостех пайда а оьцуш. Маца тIелата дагахь бу, къастаза ду. Дуьненаюкъарчу хIордан йистошкахь Асадан коьртачу бартхочо - Оьрсийчоьно шен тIеман кеманийн тобанаш чIагIйина аьлла, даьржира кху кIиран юьххьехь. Reuters агенталло хаамбарехь, карарчу заманчохь Идлибна шен тIелатарх Туркойчоьнца дийцаредеш ю Оьрсийчоь. Оцу првинцерчу тобанийн цхьана декъехьа ю Хонкара. Читать дальше...

Оьрсийчоьно терроризмна бехке а вина, чохь латточу Украинан режиссеран Сенцов Олеган могушаллина сагатдо ООН-ан Инарла секретаро Гутерриш Антониуса, хаамбо ООН-ан официалан векало Дюжаррик Стефана. 108 де ду тутмакхо мацаллин протест кхайкхийна. Ши кIира хьалха ООН-ан эксперташа кхайкхамбира Оьрсийчоьне, катоьхна иза маьршаваккхар тIедожош. Аннекси йинчу ГIирмехь теракташ кечдеш хилла аьлла, набахтехь даккха 20 шо хан тоьхна украинхойн режиссерна Сенцов Олегна. Бехкаш тIе ца лоцу Сенцовс. Стигалкъекъа-беттан... Читать дальше...

2013-чу ушарахь Бостонехь марафонехь эккхийтар дина, Царнаев ЖовхIарца цхьана дешна хилла цуьнан доттагI Кадырбаев Диас набахтера ара а ваьккхина, Iамеркара Казахстане дIавахийта кечвеш ву аьлла, хааме даьккхина Fox News хьостано. Бостонехь теракт дина аьлла, бехкевинера хIинца 24 шо долу Кадырбаев. ФБР-о вежарий ЦарнаевгIар Тамерлан а, ЖовхIар а лехамашка веллачул тIаьхьа, цаьрца зIенехь хилла Кадырбаев, амма полицига хаамбина ца хиллера. Царнаевн дехарца Кадырбаевс а, цуьнан накъосто а оьккхуьйтург а... Читать дальше...

Сунжа кIоштан администрацин куьйгалхо хийцина Нохчийчоьнан куьйгалхочо Кадыров Рамзана. Терхоев Назарбека дIалеци префектан дарж. "Дуккха а шерашкахь Ассиновскан юьртда лаьттина ву Терхоев. Шена тIедехкинчу декхаршца кхиамца ларош вара иза. Цул совнах, Кадыров Ахьмадан мидалца совгIат дина цунна. Со тешна ву, керлачу даржехь а иза ларор ву аьлла", - аьлла, билгалдаьккхина Кадыровс.

Соьлжа-ГIаларчу "Мемориалан" офисан куьйгалхо Титиев Аюб Европан Кхеташоно дIасадоькъучу Гавел Вацлаван цIарах преми дала хьалхатеттина, цо бакъонашларъяран сферехь бина болх бахьанехь. Иза воцург а, совгIатдан хьакъ ю аьлла, билгалъяьккхина Кубера бакъонашларъярхо Пайя Роса Мария а, лаьцна латтош волу Бахрейнера бакъонашларъярхо Раджаб Набиль а. ГIадужу-беттан 8-чохь кхайкхор йолуш ю тоьллачийн цIераш. 60 эзар еврон барамехь ахчанаш оьцур ду цара.

Еаридийнахь 60 шо кхочур дара бакъонашларъярхочун, журналистан Политковская Аннин. 2006-чу шеран ГIадужу-беттан 7-чу дийнахь Москохь йийра иза. Журналист ехачу хIусаманна хьалха мосуьйттоза тапча тоьхнера цунна зуламхоша. Политковская юьйш ша дакъалаьцна хилар даре динарг ву милцо болх беш хилла Павлюченков Дмитрий. 2012-чу шарахь 11 шо хан туьйхира цунна. Кхин а пхи стаг: вежарий Рустам, Жабраил, ИбрахIим МахмудовгIар а, церан гергара стаг Гайтукаев Лом-Iела а, милцо хилла Хаджикурбанов Сергей... Читать дальше...

Бакъо йоцуш Оьрсийчуьра Шема дIадигина хилла 117 гергга бер гергарчу хенахь даймахка дерзо Iалашо ю Нохчийчуьрчу Iедалхойн. Малхбузерчу коалицино доладечу каппашкахь дуьсуш ду кхин а 300 бер, хаамбина Кадыров Рамзана "ВКонтактерчу" шен пена тIехь. "Сабсаби Зиядна (Гергарчу Малхбалехь а, Къилба Африкехь а волу куьйгалхочун векал) тIедиллина ас и бераш хIуъа а дай, цIадерзаде аьлла. Оьрсийчоьнан кеп-кепарчу регионашкара бераш ду уьш, дукха хьолахь. Нохчийчоьнан бахархой кIезиг бу царлахь", - яздина Кадыровс.

Оьрсийчуьра уггар а Iаткъаме 100 стаг вовзийтина оьрсийн Forbes журнало шен агIонехь. Цу юкъахь бу хьаькамаш, бизнесхой, топ-менеджерш, ницкъахой. Президент Путин Владимир ву коьртехь. ШолгIачу тIегIанехь Сбербанкан куьйгалхо Греф Герман ву. 3-чу меттигехь дIатарвелла Газпроман урхалхо Миллер Алексей. Цунна тIехьа ву Ронефть компанин куьйгалхо Сечин Игорь. Премьер-министр Медведев Дмитрий билгалваьккхина 5-чу могIарехь. Нохчийчоьнан куьйгалхо Кадыров Рамзан 91-чу метте ваьккхина.

Еарийдийнахь 10 шо дуьзина Политковская Анна йийна. Москохарчу шена хIусаман лифтчохь коьртах 4-зза тапча тоьхна йийна карийра бакъдерг ца кхоьрруш дуьйцу журналист. Лурчаха Москохарчу кхело Политковская Анна ерна бехкевинчу Нохчийчуьрчу пхеа  вахархочунна хенаш туьйхира. Кхело иза ер дуьйзира цо дуккха а шерашкахь, Нохчийчоьхь тIом боьдуш а, сецначул тIаьхьа а лелла харцонаш Iораяхарца. Амма Политковская Аннин агIончашкахь тахана а Iеткъаш деха харцо толар. Реза бац уьш и гIуллакх кхачойоллуш таллаза дисарна... Читать дальше...