Новости за 14.04.2019

ორშაბათს მოსკოვში იმართება სომხეთისა და აზერბაიჯანის საგარეო საქმეთა მინისტრების შეხვედრა აზერბაიჯანის სეპარატისტულ რეგიონ მთიან ყარაბაღზე მოსალაპარაკებლად. რუსეთის საგარეო საქმეთა სამინისტროს განცხადებით, უწყების ხელმძღვანელის, სერგეი ლავროვის შეხვედრა სომეხ და აზერბაიჯანელ კოლეგებთან, ზოჰრაბ მნაცაკანიანთან და ელმარ მამადიაროვთან, დაეთმობა მთიანი ყარაბაღის კონფლიქტის მოგვარებასთან დაკავშირებულ საკითხებს. დისკუსიებში მონაწილეობას მიიღებენ კონფლიქტის მოსაგვარებლად შექმნილი „მინსკის ჯგუფის“ რუსი, ამერიკელი და ფრანგი თანათავმჯდომარეებიც. Читать дальше...

76 წლის ასაკში გარდაიცვალა იუგოსლავიის ყოფილი ლიდერის, სამხედრო დანაშაულებში ბრალდებული სლობოდან მილოშევიჩის ქვრივი, მირიანა მარკოვიჩი. ბოლო 16 წელი ის რუსეთში ცხოვრობდა, სადაც პოლიტიკური თავშესაფარი ჰქონდა მინიჭებული. სერბეთის მედიის ცნობით, მარკოვიჩი მძიმედ ავადმყოფობდა და მოსკოვის საავადმყოფოში გარდაიცვალა. სლობოდან მილოშევიჩი 2001 წელს დააკავეს, რის შემდეგაც წარუდგინეს ჰააგაში გაეროს სასამართლოს 1990-იან წლებში იუგოსლავიის დაშლის დროს გენოციდისა და სხვა სამხედრო დანაშაულების ბრალდებით. ის ტრიბუნალის იზოლატორში გარდაიცვალა 2006 წელს... Читать дальше...

ჩეხეთის საგარეო საქმეთა სამინისტრომ 1 აპრილს საქართველო შეიყვანა უსაფრთხო ქვეყნების სიაში. რას ნიშნავს ეს გადაწყვეტილება? განსაკუთრებით დათქმა, რომ „თავშესაფრის ქართველი მსურველების მომართვები განხილული იქნება დაჩქარებული რეჟიმით? ჩვენს შეკითხვებს უპასუხებს საქართველოს ელჩი ჩეხეთში, მარიამ რაქვიაშვილი.

გასული წლის მარტო ბოლო სამ თვეში საქართველოს 5500-მდე მოქალაქემ ითხოვა თავშესაფარი ევროკავშირის ქვეყნებში. მათ დიდ უმრავლესობას წარმატების შანსი არა აქვს. ამის შესაძლებლობა კიდევ უფრო შემცირდა იმ ევროპულ ქვეყნებში, რომლებმაც საქართველო უსაფრთხო ქვეყნების რიცხვში შეიყვანეს. სამაგიეროდ არსებობს ე.წ. ცირკულარული შრომითი მიგრაცია, რომელიც ევროკავშირში დროებით დასაქმებას ითვალისწინებს. • რამდენად რთული, ან იქნებ, იოლია ეს გზა იმათთვის, ვისაც უცხოეთში წასვლა სურს სამუშაოს შოვნის იმედით? • რა გზებს ხსნის ევროკავშირთან უვიზო მიმოსვლა დასაქმებისათვის?

შენგენის ქვეყნებში სამუშაოს შოვნა მარტივი არ არის, მაგრამ ბოლოხანს შედარებით გაიოლდა. კანონიერი მიგრაციის ხელშეწყობა, ევროკავშირსა და საქართველოს შორის 2016 წელს ხელმოწერილი ასოცირების შეთანხმებით ნაკისრი ერთ-ერთი ვალდებულება- დროებით შრომით მიგრაციასაც გულისხმობს. რამდენად რთული, ან იქნებ, იოლია ეს გზა იმათთვის, ვისაც უცხოეთში წასვლა სურს სამუშაოს შოვნის იმედით?

“რუსთავი 2”-ის გენერალური დირექტორის ნიკა გვარამიას ბილწისტყვაობას საზოგადოების პროტესტი მოჰყვა. ტელეკომპანია “იმედის” ეთერში საზოგადოებამ ნიკა გვარამიას ერის მაგინებელი უწოდა და მისი ბილწსიტყვაობის საპასუხოდ აგინა.

14 აპრილს, ფოკაში სტუმრობით, საქართველოს პრეზიდენტმა დაასრულა ორდღიანი სტუმრობა სამცხე-ჯავახეთში.

პასუხისმგებელი ვარ იმაზე, რომ ქართული ენა გახდეს ნამდვილად სახელმწიფო ენა, ანუ ყველას ენა, როგორც მე ვარ ყველას პრეზიდენტი, - განაცხადა 14 აპრილს სალომე ზურაბიშვილმა, ახალქალაქში ყოფნისას. პრეზიდენტმა ილაპარაკა იმის შესახებაც, რომ ორმაგი მოქალაქეობის მისაღებად აუცილებელია ქართული ენის ცოდნა. „ვიცი, რომ ყველას არ გესმით ქართული, შეიძლება ნაწილობრივაც გესმით და მნიშვნელოვანია, რომ მაინც მოხვედით და ამისთვის დიდი მადლობა. მე ვიცი, რომ იმისთვის, რომ ამ ქვეყანაში ქართული ენა გახდეს ნამდვილად სახელმწიფო ენა... Читать дальше...

ირანელი ოფიციალური პირების განცხადებით, ბოლო რამდენიმე კვირაში წყალდიდობამ შეიწირა 76 ადამიანის სიცოცხლე, ხოლო მატერიალური ზარალი 2,2 მილიარდ დოლარს აჭარბებს. 19 მარტიდან სტიქიურმა უბედურებამ ყველაზე მეტად დააზარალა ხუზესტანისა და ილამის პროვინციები. საჭირო გახდა ასიათასობით ადამიანის ევაკუაცია. დიდი ზარალი მიადგა შენობებს, გზებს, ინფრასტრუქტურას, სოფლის მეურნეობას. ოფიციალურ საინფორმაციო სააგენტო „ირნა“-ს ცნობით, შინაგან საქმეთა მინისტრმა აბდოლრეზა რაჰმანი-ფაზლიმ პარლამენტში გამოსვლისას აღნიშნა... Читать дальше...

უპრეცედენტო ფაქტი ადამიანის უფლებათა ევროპული სასამართლოს ისტორიაში - სასამართლომ გასცა პირველი საკონსულტაციო დასკვნა საფრანგეთის საკასაციო სასამართლოს მიმართვის საფუძველზე.

კორპორაცია ფეისბუკის აქციონერთა ჯგუფი მოითხოვს ფეისბუკის დამაარსებლისა და უდიდესი აქციონერის, მარკ ზაკერბერგის გადადგომას მმართველთა საბჭოს ხელმძღვანელის პოსტიდან. 30 მაისს გაიმართება კომპანიის აქციონერთა წლიური შეკრება. მანამდე აქციონერებმა აშშ-ის ფასიანი ქაღალდებისა და ბირჟების კომისიას გაუგზავნეს მიმართვა, რომელშიც აღნიშნავენ, რომ ზაკერბერგს მმართველთა საბჭოში ეკუთვნის ხმების ნახევარზე მეტი მაშინ, როცა ფლობს კომპანიის აქციების სულ 13%-ს. მათ ეს უსამართლობად მიაჩნიათ. ზაკერბერგს საყვედურობენ... Читать дальше...

ცნობილმა პედაგოგმა „მწერალთა სახლში“ შეკრებილ სტუდენტებსა და არა მხოლოდ სტუდენტებს თამაშით აუხსნა ინდივიდუალური და გუნდური მუშაობის აუცილებლობა სამუშაოს შედეგიანად დასრულების მიზნისთვის.

უკრაინის პრეზიდენტი პეტრო პოროშენკო, რომელიც 21 აპრილს, საპრეზიდენტო არჩევნების მეორე ტურში, დაუპირისპირდება კომიკოს ვლადიმირ ზელენსკის, მზად არის, პატივი სცეს უკრაინელი ხალხის არჩევანს იმ შემთხვევაშიც, თუ „ღმერთმა დაიფაროს“ და არჩევნებში ზელენსკი გაიმარჯვებს. ამის შესახებ მან განაცხადა, როცა კიევის ოლიმპიურ სტადიონზე გამართული პრესკონფერენციის დროს პასუხობდა ჟურნალისტის შეკითხვას, ითანამშრომლებს თუ არა ზელენსკისთან, თუ არჩევნებში ეს უკანასკნელი გაიმარჯვებს. პოროშენკო სტადიონზე მივიდა, სადაც... Читать дальше...

დედაქალაქის მერი კახა კალაძე, პრემიერ-მინისტრ მამუკა ბახტაძესთან ერთად, ივანე ჯავახიშვილის სახელობის თბილისის სახელმწიფო უნივერსიტეტში ქართული ენის კვირეულის ფარგლებში მიმდინარე ღონისძიებებს დაესწრო. ქართული ენის დღესთან დაკავშირებით, უნივერსიტეტის ეზოსა და ფოიეში რამდენიმე გამოფენა იყო მოწყობილი. კახა კალაძემ პრემიერ-მინისტრთან და მერის მოადგილე სოფიო ხუნწარიასთან ერთად, კორნელი კეკელიძის სახელობის ხელნაწერთა ეროვნული ცენტრისა და თბილისის სახელმწიფო უნივერსიტეტის ერთობლივი გამოფენა – […]

რუსთავში ტერიტორიაზე, სადაც პენიტენციურ დაწესებულებას აშენებენ, ადგილობრივი მცხოვრებლები შევიდნენ და მიმდინარე მშენებლობის შეჩერება სცადეს. ამის შემდეგ, აქციის მონაწილეებმა საპროტესტო მსვლელობა მოაწყვეს რუსთავის ქუჩები. "არა ციხის მშენებლობას" ამ ლოზუნგით გაიმართა აქცია, რომელშიც რუსთაველი აქტივისტებიც მონაწილეობდნენ. ეს არის უკვე მესამე საპროტესტო გამოსვლა, რომელიც ციხეების მშენებლობის წინააღმდეგ მოეწყო რუსთავის ჭყონდიდელის დასახლებაში, სადაც 700 პატიმარზე გათვლილი პენიტენციური დაწესებულება შენდება ყოფილი სამხედრო ნაწილის ტერიტორიაზე. Читать дальше...

უკრაინის პრეზიდენტი პეტრო პოროშენკო მივიდა კიევის ოლიმპიურ სტადიონზე, სადაც, მისი წინადადებით, დღეს უნდა გამართულიყო დებატები ვლადიმირ ზელენსკისთან. პოროშენკო და ზელენსკი ერთმანეთს უპირისპირდებიან საპრეზიდენტო არჩევნების მეორე ტურში, რომელიც 21 აპრილს ჩატარდება.  ზელენსკი არ მისულა სტადიონზე. მან წინასწარვე თქვა, რომ არა 14-ში, არამედ 19 აპრილს აპირებს სტადიონზე დებატებში მონაწილეობას. პოროშენკომ მიმართა თავის მხარდამჭერებს, რომლებიც სტადიონთან შეიკრიბნენ, შემდეგ კი დაიწყო მისი პრეს-კონფერენცია... Читать дальше...

ვებპორტალ „ვიკილიკსის“ დამფუძნებლის, ლონდონში დაკავებული ჯულიან ასანჟის მამამ, ჯონ შიპტონმა ავსტრალიას მოუწოდა, მოითხოვოს მისი ექსტრადიცია ავსტრალიაში, რომლის მოქალაქეც არის.  ავსტრალიის პრემიერ-მინისტრ სკოტ მორისონს ნათქვამი აქვს, რომ ასანჟს საკონსულო დახმარებას გაუწევენ, მაგრამ სხვა მხრივ ავსტრალია არ აპირებს მის საქმეში რაიმე სახით ჩართვას. ლონდონში სასამართლო განიხილავს შეერთებულ შტატებში ასანჟის ექსტრადიციის საკითხს შესაბამისი მიმართვის საფუძველზე. მაგრამ ჟურნალისტების ნაწილი და მემარცხენე წრეები შიშობენ... Читать дальше...

ირანელ აქტივისტ ვიდა მოვაჰედს, რომელმაც 2017 წელს თავსაფრის (ჰიჯაბის) მოხსნით გააპროტესტა ქალებისათვის მისი ტარების ვალდებულება, ერთი წლით პატიმრობა მიუსაჯეს, მაგრამ ის ირანის უზენაესმა ლიდერმა შეიწყალა. ამის შესახებ აცხადებს მსჯავრდებულის ადვოკატი ფაიამ დერეფშანი. ადვოკატმა 14 აპრილს განაცხადა, რომ მარტში სასამართლომ მოვაჰედი დამნაშავედ ცნო საზოგადოების „გაფუჭების“ წახალისებაში. აქტივისტი შარშან ნოემბერში დააკავეს. ადვოკატი როგორც ამბობს, მისი კლიენტი შეწყალებულთა სიაშია, მაგრამ ჯერ არ დასრულებულა პატიმრობიდან გათავისუფლების პროცედურა. Читать дальше...

გაეროს მონაცემებით, სულ ცოტა, 121 ადამიანი დაიღუპა ლიბიის დედაქალაქ ტრიპოლისათვის მიმდინარე ბრძოლაში. ჯანდაცვის მსოფლიო ორგანიზაციამ 14 აპრილს გაავრცელა ასევე ინფორმაცია, რომ 561 ადამიანი დაიჭრა მას შემდეგ, რაც 5 აპრილს დაიწყო თვითგამოცხადებული „ლიბიის ეროვნული არმიის“ ფართომასშტაბიანი შეტევა. გაეროს ჯანდაცვის უწყების თანახმად, ის სამედიცინო დახმარებას და თანამშრომლებს აგზავნის ტრიპოლიში და, ამავე დროს, გმობს მედიცინის მუშაკებსა და მათ ავტომანქანებზე თავდასხმის შემთხვევებს. ლიბიაში ერთმანეთს... Читать дальше...

14 აპრილი ქართული ენის, დედაენის დღეა. ამ თარიღთან დაკავშირებით თბილისში სხვადასხვა სახის ღონისძიებებია დაგეგმილი. ქართული ენის კვირეული იხსნება ივანე ჯავახიშვილის სახელობის თბილისის სახელმწიფო უნივერსიტეტში. შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი კონკურსის - "მე ვწერ ქართულად" - გამარჯვებულებს დააჯილდოებს. ქართული ენის დღესთან დაკავშირებული დედაქალაქის მერიის ორგანიზებული ღონისძიებები გაიმართება თბილისის სახელმწიფო უნივერსიტეტის პირველი კორპუსის ფოიესა და ეზოში. Читать дальше...

ნიგერია აღნიშნავს ქალაქ ჩიბოკის სკოლა-ინტერნატიდან 276 გოგოს მოტაცების მეხუთე წლისთავს. 112 გოგოს ბედი ჯერ კიდევ უცნობია. ისლამისტი ექსტრემისტების ორგანიზაცია „ბოკო ჰარამის“ მებრძოლები 2014 წლის 14 აპრილს შეიჭრნენ გოგონების სკოლა-ინტერნატში და მოიტაცეს 9-დან 17 წლამდე ასაკის 276 მოსწავლე. ინტერნატი ძნელად მისადგომ ადგილას, ჩრდილო-აღმოსავლეთ ნიგერიის ქალაქ ჩიბოკში მდებარეობს. მოტაცებულებიდან 57-მა შეძლო გაქცევა, როცა სატვირთო მანქანებიდან გადახტა. 21 გოგო გაათავისუფლეს 2016-2017 წლებში, კიდევ რამდენიმემ გაქცევა შეძლო. Читать дальше...

სოლსბერი - ქალაქი, რომელიც მსოფლიოში ცნობილია ნერვულ-პარალიტიკურ ნივთიერება „ნოვიჩოკით“ყოფილ რუს ჯაშუშზე თავდასხმით - დასახელდა საუკეთესო ქალაქად ბრიტანეთში საცხოვრებლად. გაზეთმა „სანდეი ტაიმსმა“ 14 აპრილს გამოაცხადა, რომ სოლსბერი ასეთ შეფასებას იმსახურებს „ერთიანობის სულისკვეთების“ გამოც, რომელიც გამოავლინა სერგეი სკრიპალსა და მის ქალიშვილზე 2018 წლის მარტში თავდასხმის შემდეგ. სოლსბერის შერჩევის მიზეზად გაზეთი ასახელებს აგრეთვე მის სიახლოვეს სანაპიროსთან, ბუნებასთან და ლონდონთან. სკრიპალი... Читать дальше...

ყველა ერთის წინააღმდეგ - ამ ფორმულაზე დაყრდნობით ირაკლი ოქრუაშვილი პოლიტიკური ცხოვრების ახალ ეტაპს იწყებს. როგორც მან ტელეკომპანია "რუსთავი 2"-თან საუბრისას განაცხადა, მომავალ საპარლამენტო არჩევნებში ყველა ერთად უნდა დადგეს - ბიძინა ივანიშვილის წინააღმდეგ. „ყველა უბედურების სათავე, რაც დღეს ქვეყანაში ხდება და ხდება ძალიან ბევრი უბედურება, არის ერთი პიროვნება - ბიძინა ივანიშვილი, რომელიც ნებსით თუ უნებლიედ, შეგნებით თუ შეუგნებლად, აფუჭებს ძალიან ბევრ რამეს ქვეყანაში. ამ ადამიანმა ქვეყანა დაამსგავსა... Читать дальше...

უკრაინის საპრეზიდენტო კანდიდატი ვლადიმირ ზელენსკი 14 აპრილს არ აპირებს პეტრო პოროშენკოსთან დებატებში ჩართვას. ის მზად არის, რომ მოქმედ პრეზიდენტთან დებატებში მონაწილეობა მიიღოს მხოლოდ 19 აპრილს, კიევის სტადიონზე. ამის შესახებ „ეხო მოსკვი“ იტყობინება, ვლადიმირ ზელენსკის საარჩევნო შტაბზე დაყრდნობით. პრეზიდენტი პეტრო პოროშენკო, რომელიც 31 მარტის საპრეზიდენტო არჩევნების პირველ ტურში მეორე ადგილზე გავიდა, კიევის ოლიმპიურ სტადიონზე მისვლას 14 აპრილს გეგმავს. ამის შესახებ ინფორმაცია 13 აპრილს გაავრცელა სტადიონის ადმინისტრაციამ. Читать дальше...