თალიბანმა პასუხისმგებლობა იკისრა ჩრდილო-დასავლეთ პაკისტანში მომხდარ თავდასხმაზე
პაკისტანის თალიბანმა (TTP) პასუხისმგებლობა იკისრა ქვეყნის ჩრდილო-დასავლეთში მომხდარ თავდასხმაზე, რომელსაც ორი სამხედრო და ორი ექსტრემისტი ემსხვერპლნენ. გავრცელებულ განცხადებაში არმია ამბობს, რომ ექსტრემისტებმა 3 ივნისის საღამოს ცეცხლი გაუხსნეს საკონტროლო-გამშვებ პუნქტს ხაიბერ პახტუნხვას პროვინციაში, რასაც პაკისტანის სამხედროებთან სროლა მოჰყვა. ამჟამად მიმდინარეობს თავდამსხმელთა ძებნის ოპერაცია.