Новости за 14.02.2018

Түндүк Атлантикалык альянска кирген 29 өлкөнүн 15и 2024-жылга чейин коргонууга кетчү чыгымдарды 46 миллион долларга чейин көбөйтүү планын иштеп чыгышты. НАТОнун баш катчысы Йенс Столтенберг «Бул алгылыктуу жылыш жана жакшы башталыш» деди 13-февралда Брюсселде өткөн НАТОнун мүчөлөрүнүн коргоо министрлеринин жыйынында. “2014-жылдан бери европалык өнөктөштөр менен Канада коргонууга бөлүнгөн акчаны көбөйткөнүнө күбө болдук” – деди баш катчы. Столтенбергдин мындай билдирүүсү АКШнын коргоо министри... Читать дальше...

Абакта ачкачылык кармап жаткан Бектур Асановдун, Кубанычбек Кадыровдун жана Эрнест Карыбековдун тарапташтары, жакындары Жогорку Кеңештин алдында нааразылык акциясын өткөрүштү. Алар президенттен жана соттордон бул саясатчыларга көңүл бурууга жана алардын ишин калыс кароого үндөштү. Чогулгандар УКМКнын жетекчиси Абдил Сегизбаевдин кызматтан кетишин да талап кылышты.

Канат Бегалиев — ысымы далайга кеткен кыргыздын атактуу балбаны. Ийгиликтеринин баарын эске албаганда да спортчунун 2008-жылдагы Олимпиада оюндарында грек-рим күрөшү боюнча күмүш медаль багындырганы — жумурай журттун сыймыгы.

Манхэттен округдук соту 30 жаштагы Ахмад Хан Рахамини "Нью-Йорктун Челси районунда жардыруу жасаган" деп айыптап, эки жолу өмүр бою эркинен ажыраткан өкүм чыгарды. Ал окуяда 30 киши жарадар болгон. Экинчи бомба жарылбай калган. Ооганстанда туулган Рахами - АКШнын жараны, Нью-Жерсиде өскөн. Ага "коомдук жайга бомба коюп, массалык жок кылуучу куралды колдонгон" деген негизде сегиз пункт боюнча айып тагылган.   Округдук судья Ричард Берман айыпталуучу сотто жазасын жумшарта турган эч кандай жүйө келтирбегенин билдирди. Читать дальше...

2017-жылдын 18-сентябрында Ош облусуна караштуу Ноокат районунун Төөлөс айыл өкмөтүнүн башкы эсепчиси Абдижамбил Нурматов асынып өлгөн эле. Маркумдун жакындары 2018-жылдын 12-февралында Нурматовду асынууга түрткөн жагдайларды иликтеп берүүнү суранып укук коргоо органдарына кайрылышты.

Кыргызстандын Финансы министрлиги февраль айында мамлекеттин карызы 240 миллион долларга азайганын билдирүүдө.

Израил полициясы премьер-министр Беньямин Нетаньяхуга коррупция боюнча айып тагууну сунуш кылды. Укук короо органдары жүргүзгөн эки иликтөөнүн жүрүшүндө саясатчы ишкерлерди тымызын колдогону үчүн кымбат баалуу белектерди алып турганы аныкталган. Алардын баасы 10 миңдеген доллардан ашаары айтылат.  Полициянын версиясына ылайык Нетаньяху "Едиот Ахронот" гезитин чыгарган Арнон Мозес менен келишим түзүүгө аракеттенген. Премьер-министр өзү жөнүндө “жакшы маанайдагы” макалалардын акысына басылманын башкы... Читать дальше...

Бишкек шаарындагы батирлердин биринде мыйзамсыз зоопарк иштеп жатканы аныкталды. Бул тууралуу борбор шаардын милициясы билдирди. Маалыматка караганда, "102" кызматына жеке үйлөрдүн биринде эрди-катын урушуп, башкаларга тоскоолдук кылып жатканы тууралуу арыз түшкөн. Мобилдик батальондун кызматкерлери жерине барып, урушкандарды тартипке салган. Чыгып баратып ошол жерде жашагандардын колунда ителги турганын көрүп калышкан. Милиция кызматкерлери аны менен чогуу кирип, үйдүн ичинде чакан зоопарк бар экенин көрүшкөн. Читать дальше...

Казакстанда автобус бузулуп, түнү жолдо калган жети кыргызстандык куткарылды. Бул тууралуу Казакстандын Өзгөчө кырдаалдар боюнча комитети билдирди. Билдирүүдө айтылгандай, 14-февралга караган түнү Самара-Шымкент жолунун 1101-чакырымында Бишкектен Самарага бараткан кичиавтобус бузулуп калганы тууралуу аталган мекемеге кабар түшкөн. Транспортто сегиз адам болгон, алардын жетөө Кыргызстандын, бирөө Өзбекстандын жараны. Түнкү саат 03:20 чамасында Казакстандын Өзгөчө кырдаалдар боюнча комитети "Калыбай"... Читать дальше...

Бишкек шаардык сотунун судьясы Кымбат Архарова бүгүн мурдагы депутат Чолпон Жакупова менен журналист Нарын Айыптын апелляциялык арызын карап, алардын экс-президент Алмазбек Атамбаевге доону бөлүп төлөө боюнча өтүнүчүн четке какты. Бул тууралуу Чолпон Жакупова өзү “Азаттыкка” билдирди. - Судья биздин экс-президентке дообузду бөлүп төлөө тууралуу өтүнүчүбүздү канааттандырган жок. Сот азыр уланып жатат. Президенттин өкүлү менин мүлкүмдү чукул сатып, доону өндүрүп берүүнү соттон талап кылып жатат.... Читать дальше...

Ысык-Көл облусунун Ак-Суу районунда “Мерседес Бенц” автоунаасынын айдоочусу рулду башкара албай май куюучу жайды сүзүп алды.  Бул тууралуу Өзгөчө кырдаалдар министрлиги кабарлады.  Окуя райондун Теплоключенка айылынын Кыдыр-Аке көчөсүндө болгон. Автоунаа “Жеңиш-Ата” май куюучу бекетинин колонкасын сүзгөн. Окуя болгон жерге Өзгөчө кырдаалдар министрлигинин №39 өрт-куткаруу бөлүмүнүн куткаруучулары барып, өрт чыгып кетпеш үчүн коопсуздук иштерин жүргүзүшкөн. Бактыга жараша жалын тутанган эмес, жабыркагандар жок. Читать дальше...

Кыргызстанда маалыматтык мейкиндикке үзгүлтүксүз мониторинг жүргүзүш үчүн мамлекеттик орган керек. Бул тууралуу Жогорку Кеңештин КСДП фракциясынын депутаты Асылбек Жээнбеков парламент жыйынында айтып чыкты. Депутат башка өлкөлөрдө Интернет көзөмөлдөнөрүн мисал кылып, мындай аракеттер Кыргызстанда да болушу керек деген пикирин билдирди: - АКШ менен Улуу Британияда маалымат мейкиндиги үзгүлтүксүз мониторинг болуп турат. Социалдык тармактардагы посттор үчүн иш жүзүндө жазаларды караган мыйзамдар бар. Читать дальше...

Абакта ачкачылык кармап жаткан Бектур Асановдун, Кубанычбек Кадыровдун жана Эрнест Карыбековдун тарапташтары, жакындары Жогорку Кеңештин алдында нааразылык акциясын өткөрүшүүдө. Алар президенттен жана соттордон бул саясатчыларга көңүл бурууга жана алардын ишин калыс кароого үндөп жатышат. Чогулгандар УКМКнын жетекчиси Абдил Сегизбаевдин кызматтан кетишин да талап кылууда.  Акцияга чыккан 20-30 кишинин арасында укук коргоочулар, активисттер да бар. "УКМКнын жетекчиси Абдил Сегизбаев кызматтан... Читать дальше...

Парламенттик мурдагы депутаты Курманбек Дыйканбаев президенттин Жогорку Кеңештеги өкүлү болуп дайындалды. Аны бүгүн президенттик аппарат башчысынын биринчи орун басары Мухамметкалый Абулгазиев парламентте эл өкүлдөрүнө тааныштырды. Абулгазиевдин айтымында, президент Сооронбай Жээнбеков Дыйканбаевди өкүл кылып дайындоо жөнүндө буйрукка 13-февралда кол койгон. Курманбек Дыйканбаев Жогорку Кеңештин бешинчи чакырылышында “Республика” фракциясынан депутат болгон. Президенттин Жогорку Кеңештеги өкүлү болуп буга чейин Молдакун Абдылдаев иштеген.

Бишкек Жылуулук электр борборундагы штаттан тышкаркы кырдаалды иликтөө боюнча вице-премьер-министр Аскарбек Шадиев жетектеген мекеме аралык комиссия баштапкы жыйынтыгын чыгарып, авариянын себептерин аныктады. Бул тууралуу президенттик аппараттын маалымат саясаты бөлүмү кабарлады. Билдирүүдө айтылгандай, аварияга ЖЭБдин жана мекеме баш ийген “Электр станциялары” акционердик коомунун жооптуу кызматкерлеринин “техникалык эрежелерди одоно бузганы себеп болгон”. ЖЭБдин ыкчам кызматкери жетекчилик менен... Читать дальше...

Жалал-Абад облусунун Аксы районунда Өзбекстанга жакын аймакта чек ара эрежесин бузган эки чет элдик жаран кармалды. Бул тууралуу Чек ара кызматынын маалымат бөлүмү кабарлады. Кабарларга караганда, кармалгандар Молдова Республикасынын жарандары экени аныкталды. Алар Кыргызстандын Өзбекстан менен чек ара сызыгына 50 метрге чейин жакындап барып, чек араларга байкоо салып жүргөн. Кармалгандар өздөрү муну саякаттап жүрүп адашып кетишкени менен түшүндүргөн. Алар чек ара аркылуу картаны карап, андан ары жол табууну максат кылышканын айтышты. Читать дальше...

Бишкек шаарынын Айтматов проспекти жана Масалиев көчөсүнүн кесилишиндеги кабаттуу үйлөрдүн лифтин оңдоп жаткан эки адам кулап кетип, бирөө каза болду. Бул тууралуу Экологиялык жана техникалык коопсуздук инспекциясынан кабарлашты. Мекемеден билдиришкендей, факт боюнча комиссия түзүлүп, адистер окуя болгон жерде иликтөө иштерин жүргүзүүдө. Алдын ала маалыматтар боюнча лифт оңдогон кызматкерлер техникалык эрежелерди бузган деп болжолдонууда. Бишкек шаардык Тез жардам кызматынан кабарлашкандай, жаракат алган адам ооруканага жеткирилди. Читать дальше...

6-февралдан 14-февралга чейин Ош шаарындагы бир катар мектептердин окуучулары экстремизмдин жана радикализмдин алдын алуу, дин багытындагы маалымдуулугун жогорулатуу боюнча окуудан өткөрүлдү. Бул тууралуу Дин иштери боюнча мамлекеттик комиссиянын түштүк аймактык бөлүмүнүн жетекчиси Исакбай Мурзабеков “Азаттыкка” билдирди. Сабактарга 9-11-класстын окуучулары катышкан. Аларга экстремизмдин жана радикализмдин алдын алуу боюнча даярдалган брошюралар жана буклеттер да таратылды. Мындай окутуулар эми... Читать дальше...

Каректе Евразиянын бул жолку чыгарылышына Сириядан кайтып келген тажикстандыктар, Орусияда мас сотторду жазалоого тыюу салынышы, Казакстандагы социалдык кафе жана бүркүтчүлөрдүн мелдеши, Тбилисидеги архитектуралык эстеликтер, Байкал көлүнүн 80деги муз ханышасы тууралуу баяндар камтылган.

"Өз кызын зордуктады" деп Сузак райондук соту 18 жылга эркинен ажыраткан киши облустук соттун чечими менен психиатриялык экспертизадан өтмөй болду. Бирок айыпталуучунун жубайы күйөөсү толук жазаланышы керек деп эсептейт. Анын айтымында, туугандары айыпталуучуну бошотуп алууга аракеттенип жатышат.

Кыргызстанда зомбулукка кабылган жарандар үчүн атайын мобилдик тиркеме иштелип чыкты. Бул тууралуу “Азаттык” радиосуна “Айкын багыт” коомдук фондунун директору Мунара Бекназарова билдирди. Анын айтымында, Бишкекте укук коргоочулар менен эл аралык IT адистер бул багытта жолугушуулары өткөрүшкөн. "Тез жардам" деп аталган жаңы тиркемени ар бир жаран өзүнүн чөнтөк телефонуна жүктөп алса болот. Бекназарова буга чейин тиркеменин актуалдуулугу тууралуу төмөнкүлөрдү билдирген: - Ала качуунун, зордуктоонун... Читать дальше...

Өзбекстандагы белгилүү акын-жазуучулар Мухаммад Салихти мекенине кайтарууга жардам берүүнү өтүнүп, өлкөнүн президентине кайрылышты. Акын, саясатчы Мухаммад Салих 1993-жылы Өзбекстандан чыгып кеткен. Ал Каримовдун негизги саясий оппоненти болуп эсептелчү.

14-февралга караган түнү Бишкек шаарынын Свердлов районунун Достоевский көчөсүндөгү кудуктан белгисиз адамдын жансыз денеси табылды. Бул тууралуу Өзгөчө кырдаалдар министрлигинен кабарлашты. Окуя болгон жерде ӨКМдин Бишкек шаардык башкармалыгынын Куткаруу кызматынын куткаруучулары иштешкен. Алар сөөктү милиция кызматкерлерине өткөрүп беришти. Бишкек шаардык милициясынан кабарлашкандай, табылган адамдын тек жайы такталууда. Ал селсаяк болушу мүмкүн деген божомолдор бар. (ErN)

КМШнын Парламент аралык ассамблеясынын Чыңгыз Айтматов атындагы сыйлыгына бюджеттен бөлүнгөн акчанын чуусу Жогорку Кеңештин Эл аралык иштер комитетинде жабык талкууланды. Комитет жыйыны тиешелүү күч органдарынын маалыматын укту, бирок кабыл алган чечимдер тууралуу маалымат таратылган жок.

Павлодарда полиция кызматкерлери облус борборуна жетпей жолдо бузулуп калган автобустун жүргүнчүлөрүнө жардам берди. Салондо Өзбекстандын 55 жараны болгон. Алар Орусияга баратышкан. Патрулдук полиция кызматкерлери автобусту Достук айылынын жанынан табышкан. Алар жүргүнчүлөрдү кыштактагы мектепке жеткирип, ысык тамак менен камсыздашкан. Полициячылар Өзбекстан жарандарын башка автобус менен Орусия чек арасына чейин жеткиришкен. Жыл башынан бери Павлодар жолдорунда ушуну менен үчүнчү жолу эмгек мигранттары бараткан автобус бузулду.