Новости за 16.02.2018

Кыргызстанда террордук кол салууларды уюштурууну максат кылган жигит кармалды. Бул тууралуу Улуттук коопсуздук боюнча мамлекеттик комитетинен билдиришти. Эл аралык террордук уюмдун активдүү мүчөсү деген шек кармалган Кыргызстандын 26 жаштагы жараны У.К. Сирияда согушка үйрөтүүчү атайын даярдыктан өтүп, «жанкечти» курсунан окуп чыккан. Ал өз өлкөсүндө жардырууларды уюштуруу тапшырмасын алган. Шектүү камакка алынды. Ага Кылмыш-жаза кодексинин 226-беренеси 4-пункту (“чет өлкөнүн аймагындагы согуштук... Читать дальше...

Бишкектеги жер астындагы өтмөктөрдө кайыр сурап отурган Акмарал аттуу келин 16-февралга караган түнү көз жарды. БУУнун өнүгүү программасында гендердик маселелер боюнча координатор Үмүтай Давлетованын билдиришинче, ымыркайдын салмагы 3,5 килограмм. Эне-бала Чүй облустук төрөт үйүндө.  32 жаштагы кош бойлуу келиндин тилемчилик кылып отурган сүрөтү февралдын башында интернетке тарап, жарандык активисттер жардам көрсөтө баштаган.  "Азаттык" радиосу Акмарал менен байланышты. Ал бөйрөгү ооругандыктан төрөт оор болгонун... Читать дальше...

Ак үйдүн жума күнү тараткан маалыматы боюнча, 2017-жылы июнда орусиялык аскерлер киберчабуул жасаганы аныкталды.  Анда айтылгандай, "NotPetya" деп аталган киберчабуул дүйнө жүзүнө тездик менен тарап, Европа, Азия жана Америка өлкөлөрүнө миллиарддаган долларлык чыгымдарды алып келген. Бул киберчабуул "Кремлдин Украинадагы кырдаалды туруксуздаштыруу аракетинин бир бөлүгү" деп айтылат маалыматта.  ЦРУнун жашыруун баяндамасында Petya.A деп аталган вирустун чабуулу тууралуу маалыматтар бар экени өткөн айда айтылган. Читать дальше...

Тасманын бет ачары 16-февралда Бишкектеги Токтоболот Абдымомунов атындагы академиялык драма театрында болот. Фильмдин автору жана режиссеру Кыргыз эл жазуучусу, академик Мар Байжиев. Тасма "Алтынчы күнү кечинде" пьесасынын негизинде тартылган. Башкы ролдорду артисттер Тилек Жумагазиев, Айсалкын Кыйыкбаева, Кыргыз эл артисти Мукамбет Токтобаев, эмгек сиңирген артист Жыргал Көбөгөнова ойногон. Бул тууралуу Маданият, маалымат жана туризм министрлигинен маалымдашты.(ZKo)

Теги кыргызстандык, учурда АКШда жашаган саясат талдоочу,  Вашингтондогу Улуттук коргонуу университетинин профессору Эрика Мараттын кызмат даражасы көтөрүлдү. Ал аталган университеттин Эл аралык коопсуздук маселелери боюнча колледжине кафедра башчы болуп дайындалды. Окуу жай Пентагонго карайт.  Эрика Марат өзү "Азаттык" радиосуна билдиргендей, жаңы кызматына июлда расмий иштей баштайт. Алар америкалык жана чет элдиктерге аскерий стратегиядан сабак беришет.  Эрика Марат саясат жаатындагы анализдери... Читать дальше...

Flinghtradar24.com сайтынын маалыматы боюнча, 16-февралда таңкы каттамдар менен Дубай-Бишкек багытында учуп келген учак тумандан улам Алматы шаарындагы аэропортко конууга аргасыз болду. Ал эми Москва-Бишкек каттамындагы учак Ош аэропортуна конгон. Оштон Бишкекке келген учак артка кайткан. "Манас" аэропортунун сайтындагы акыркы маалыматтар боюнча, саат 7:50дө Краснодардан, 8:40та Оштон учуп келген учактар аэропортко конду. Ушул тапта аэропорт кадимки тартибинде иштеп жатканы кабарланууда.(ZKo)

АКШнын Флорида штатындагы мектепке кол салган 19 жаштагы Николас Круз "Флорида республикасы" деп аталган уюмдун мүчөсү экени аныкталды. Уюм териси ак адамдарды өзгөчө деп эсептейт. Бул тууралуу аталган уюмдун башчысы Жордан Жереб "Ассошиэйтед Пресс" агенттигине маалымдаган.  Маалыматка ылайык, 19 жаштагы жигит Флориданын "актардын штаты" болушун жактаган уюмдун "аскердик окуусуна" катышкан.  15-февралда штаттын Паркленд шаарындагы мектепте Николас Круз ок атып, 17 кишини өлтүргөн.  ФБРдин маалыматы боюнча... Читать дальше...

Жапониялык Мацуда Шинжи аттуу жаран Кыргызстандын президенти Сооронбай Жээнбековго ачык кат жазып, жардам сурады. Бул тууралуу Шинжинин Кыргызстандагы расмий өкүлү Жамиля Казиева “Азаттыкка” билдирди. Казиеванын айтымында, Мацуда Шинжи 2011-жылдан бери Жапониянын Кыргызстандагы JICA уюмунун ыктыярчысы болуп иштеп келген. 2014-жылы ал Жапонияга кайтып барып, ал жактан дагы бир жердеши менен “Кыял” деген аталыштагы кайрымдуулук фондун негиздеген. Фонддун максаты - Кыргызстандагы көзү азиздерге жардам көрсөтүү болгон. Читать дальше...

Казакстандын Улуттук банкы өлкөнүн тышкы карызынын суммасын атады. Банктын расмий сайтындагы маалыматка караганда, республиканын бересеси акыркы 10 жылда 74,6 миллиард долларга көбөйүп, 168,9 миллиард долларды түздү. Мунайгаз долбоорлору менен иштеген фирмалардын, өкмөттүн жана экономиканын каржылык эмес секторунун карызы көбөйгөн. 2017-жылы июнда Улуттук банктын башчысы Данияр Акишев тышкы карыз 167,9 миллиард АКШ долларына жеткенин билдирген. Буга чейин улуттук экономика министри Тимур Сулейменов... Читать дальше...

Түркмөнстандын Дашогуз облусунда коопсуздук кызматкерлери динге берилгендерди суракка алып, намаз окууну токтотууну талап кылууда “Азаттыктын” түркмөн кызматы кабарлагандай, аймакта коопсуздук кызматкерлери пенсия курагына жете электе мечитке баргандарды суракка алып жатат. “Эмне үчүн намаз окуп жатасың, ким менен сүйлөшөсүң, ата-энең барбы” деген суроолорду берип жатышат. Намазга жыгылбоону, мечитке барбоону талап кылышууда”, - деди өз булактардын бири. Анын айтымында, суракка алынгандар мечитте же иш ордунда намазга жыгылса... Читать дальше...

Мындай маалыматты Рейтер агенттиги үч булакка таянып таратты. Орусиялык дарыгердин агенттикке маалымдаганы боюнча, 100гө чамалуу  аскер өткөн жумада Сирияда АКШнын аба соккусунан набыт болгон. Ал эми аскерлердин айрымдарын тааныган булак өлгөндөрдүн саны 80ден ашканын айткан. Дагы бир маалымат боюнча, Сириядан чыгарылып кеткен жарадар аскерлер Орусиядагы госпиталдарга жайгаштырылган. Алар Красногорск шаарындагы Вишневский атындагы госпитал, Москвадагы Бурденко жана Санкт-Петербургдагы аскер-медициналык академиясынын ооруканасы. Читать дальше...

Жогорку Кеңештин басма сөз кызматынын маалыматы боюнча, депутаттар Бишкек жылуулук борборунда өткөн айда болгон өндүрүштүк кырсыктын себептерин иликтешет. Мындан тышкары насыяга алынган акчанын кайда сарпталганы боюнча суроолорго жооп издешет. ЖЭБ жетекчилиги менен жолугушууга депутаттар менен кошо журналисттер да чакырылган.  26-январда Бишкек ЖЭБдин эски агрегаттарга суу бөлүп берүүдө колдонулган жабдуулары иштен чыкканына байланыштуу борбор калаадагы үйлөргө, социалдык мекемелерге бир жумадай жылуулук жетпей калган. Читать дальше...

Тажикстандын президенти Эмомали Рахмон «Улут көсөмү - Эмомали Рахмон» аттуу мамлекеттик сыйлыкты негиздеди. Ал «демократиялык өнүгүүгө өзгөчө салым кошкон», "коомдогу тынчтык жана ынтымакты бекемдеген" жана "улуттар аралык достукту чыңдаган" тажик жарандарына жана чет өлкөлүктөргө берилет. 2-февралда кол коюлган жарлык эки жумадан кийин гана белгилүү болду. Мындай чечим “Тынчтыктын жана биримдиктин негиздөөчүсү – Улуттун көсөмү жөнүндө” конституциялык мыйзамдын негизинде кабыл алынган. Ал мыйзамда "улут көсөмүнүн" өз сыйлыгы... Читать дальше...