Новости за 04.04.2018

Полиция ок аткан адам Калифорниянын 39 жаштагы тургуну, Насим Агдам атуу аял болгонун билдирүүдө. Анын бул кадамга эмне үчүн барганы азырынча белгисиз. Дарыгерлер окуяда ок тийген 36 жаштагы эркек кишинин абалы оор экенин маалымдашты. Ошондой эле 27 жана 32 жаштагы эки аял жарадар болгон.  3-апрелде "YouTube" компаниясынын АКШнын Калифорния штатындагы Сан-Бруно шаарындагы башкы кеңсесине куралчан киши кирип барып ок аткан.  Сан-Брунонун полиция башчысы Эд Барберининин айтымында, кол салуудан соң аял өзүн аткан деген маалымат бар. Читать дальше...

Мамлекет башчы Сооронбай Жээнбеков бүгүн, УКМК төрагасы Абдил Сегизбаев менен бул комитетке караштуу Коррупцияга каршы күрөш кызматынын жетекчиси Сагынбек Исмаиловду кабыл алган учурда ушундай талап койду. Жолугушууга Кыргыз Республикасынын Коопсуздук кеңешинин катчысы Дамир Сагынбаев да катышты. Президент Сооронбай Жээнбеков мамлекеттик органдарда, анын ичинде сот, көзөмөл жана укук коргоо органдарында коррупциялык көрүнүштөрдү жоюу боюнча катуу чара көрүүнү УКМК жетекчилигинен талап кылып, калк менен тыгыз иштешүүнү тапшырды. Читать дальше...

Полтавадагы курал-жарак чыгарган “Знамя” заводунун мурдагы директору, саясий туткун Юрий Солошенко көз жумду. Бул тууралуу Жогорку Раданын вице-спикери Ирина Геращенко кабарлады. 75 жаштагы саясий туткун рак илдетинен жабыркап жүргөн.     2015-жылы орус соту Солошенкону "тыңчылык кылды" деп айыптап, алты жылга түрмөгө кескен. Федералдык коопсуздук кызматы Солошенкого "украиндердин эки ишканасынын атынан Украинанын абадан коргонуу комплексине жабдуу сатууга көмөктөшкөн" деген кине койгон. Орусиялык... Читать дальше...

Бишкек шаардык санэпидем көзөмөл кызматынын бөлүм башчысы Мухамад Мурзашевдин "Азаттыкка" билдиргени боюнча, ресторандагы үлпөт тойдогу уулануунун себептерин аныктоо иштери жүргүзүлүп жатат. Так маалымат 5-апрелде коомчулукка жарыяланат: - Биздин баштапкы божомолдор боюнча ууланууга тойдо дасторконго коюлган тооктун эти себеп болгон. Анткени, ошол күнү ресторанда башка бирөөлөр куран окуткан. Ага да, буга да жетишпей калуудан чочулаган ресторан жетекчилиги тооктун этин эрте эле бышырып койгону анык болду. Читать дальше...

Орусиянын президенти Владимир Путин шаршембиде өтчү Химиялык куралга тыюу салган эл аралык уюмдун аткаруу комитетинин сессиясында Британияда ууландырылган мурдагы орус тыңчысынын жана анын кызынын ишине чекит коюлат деп ишенет. Бул иште Лондон Москваны айыптап жатат. Путин Анкарадагы маалымат жыйынында “Скрипалдын ишине" байланыштуу суроого жооп берди. Анын айтымында, “бул окуя тууралуу массалык маалымат каражаттарынан" билген жана “Новичок” сыяктуу зат “дүйнөнүн 20дай өлкөсүндө” алынышы мүмкүн. Читать дальше...

Баткенде кыргыз-тажик чек арасындагы жаңжалда Кыргызстандын эки жараны жеңил жарадар болуп, ооруканада жатат. Алардын абалы туруктуу.

Жогорку Кеңештеги оппозициячыл “Республика - Ата-Журт” фракциясынын жетекчилигине Жыргалбек Турускулов шайланды.

АКШнын президенти Доналд Трамп Ак Үйдө балтикалык үч мамлекеттин башчыларын шейшембиде кабыл алды. Жолугушуудан кийин Трамп Кошмо Штаттар Литванын, Латвиянын жана Эстониянын эгемендигин дайыма колдоорун, советтик оккупация маалында да алардын СССРдин курамына киргизилгенин тааныбай, ушундай эле саясатты карманганын белгиледи. Жетекчилер коргоо жана коопсуздук чөйрөсүндөгү кызматташтыкты талкуулашты. Литванын президенти Далия Грибаускйте "НАТО күчтүү болууга тийиш" деп, Орусиянын таасирин азайтуу зарыл экенин белгиледи. Читать дальше...

4-апрелде борбор калаанын Октябрь районундагы соода борборлорунун өрт жана башка коопсуздугу текшерилди. Иш-чарага өрткө каршы күрөшүү башкармалыгынын жетекчиси менен райондун акими чогуу көз салды. Коопсуздук машыгуулары аймактагы “Технопарк”, "Технодом" соода оюн- зоок борборлорунда, “Фрунзе” соода борборунда болуп өттү. Машыгууга 200дөн ашуун адам катышты. Орусиянын Кемерово шаарындагы "Зимняя вишня" соода борборунда чыккан өрттөн алтымыштан ашуун киши набыт болгон. Окуядан соң, Кыргызстандагы соода борборлорунун... Читать дальше...

2010-жылы апрель окуясында уурдалган 865 курал-жарактын 351 даанасы кайтарылып алынган, 514ү табыла элек. Бул тууралуу Ички иштер министрлигинин коомдук коопсуздук кызматынын өкүлү Тилек Шаршеналиев “Азаттыкка” билдирди. Анын айтымында, калган куралдарды да алуу боюнча аракеттер уланып жатат. Муну үчүн ИИМдин аймкактардагы бөлүмдөрү “Арсенал” операцияларын үзгүлтүксүз өткөрүп турушат. Маалым болгондой, 2010-жылкы апрель окуяларынын тушунда Бишкек шаарындагы, Талас, Нарын жана Ош облустарындагы ички иштер бөлүмдөрүндө куралдар тонолуп... Читать дальше...

Аба ырайын маалымдоочу борбордун шашылыш билдирүүсү боюнча, 4-6-апрель күндөрү абанын температурасы кескин жогорулайт. Буга байланыштуу Кыргызстандын тоолуу райондорунда, Бишкек-Ош автоунаа жолунун Төө-Ашуу, Ала-Бел ашууларында, Чычкан капчыгайында кар көчкү түшүү коркунучу бар. Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл. 5-апрелде Кыргызстанда жаан-чачын жаабайт. Бийик тоолуу райондордо жолдор тоңголок, тайгак болот. Түштүк-чыгыштан соккон шамалдын ылдамдыгы 5-10 м/с. Читать дальше...

Ирандын, Түркиянын жана Орусиянын президенттери Анкарада Сириянын келечегин жана согуштан эбегейсиз жабыр тарткан бул өлкөдөгү өз таасирин сактоону талкуулашат. Түркиянын президенти Режеп Тайып Эрдоган Орусиянын лидери Владимир Путин жана Ирандын президенти Хасан Роухани менен соңку алты айда экинчи ирет өтүп жаткан үч тараптуу саммитте жолугат.  Үч өлкө тең жети жылга аяк баскан согушта “де-эскалация зоналарын” тузүүнүн үстүндө кызматташты. Орусия жана Иран президент Башар ал-Асадды, ал эми Түркия козголоңчуларды колдойт. Читать дальше...

Парламенттеги "Республика - Ата Журт" фракциясынын лидерин алмаштыруу күтүүсүз болгонун фракция мүчөсү Мирлан Жээнчороев "Азаттыкка" билдирди. Анын сөзү боюнча Руслан Казакбаев лидерликтен алынганын өзү да мурдатан билген эмес:  - Фракциянын жетекчилиги "биримдикти сактоого аракет кылабыз" деп жатат. Бирок Руслан Казакбаев арыз да жазган эмес, үстүнөн кол топтолуп, алынган. Документтерди карап көрсөңүз, ал жерде "алынсын" деп турат, ротация деген маселе болгон эмес. Мен добуш берген жокмун. Анткени мыйзам боюнча кызматка коюуда да... Читать дальше...

"Кыргыз темир жолу" ишканасынын башчысы Алмазбек Ногойбаев Экономикалык кылмыштарга каршы күрөш кызматынын өкүлдөрүн кууп чыкпаганын, алар ишканада учурда текшерүү иштерин жүргүзүп жатышканын билдирди. - "Финполициянын", транспорттук прокуратуранын кызматкерлерин мен кууп чыккан жокмун. Алар келишкен, сүйлөштүм. Бир кабинет бергем, алар азыр текшерүү иштерин жүргүзүп жатышат. Эмне текшерип жатышат, кандай иштеп атышат, мен аларга киришпейм. Анан билбейм, Акаев каяктан алып, “аларды кууп жиберди, киргизбей койду” деп айтып жатканын. Читать дальше...

Президент Сооронбай Жээнбеков “Мамлекеттик сатып алуу жөнүндө” Кыргыз Республикасынын мыйзамына өзгөртүү киргизүү тууралуу” мыйзамга кол койду. Бул тууралуу президенттик аппараттын маалымат саясаты бөлүмү кабарлады. Мыйзамды Жогорку Кенеш 2018-жылдын 22-февралында кабыл алган. Анын максаты - мамлекеттик сатып алуу чөйрөсүндөгү процесске катышкан кызмат адамдарынын арасында коррупциянын деңгээлин төмөндөтүү жана атаандаштыкты камсыз кылуу. Мыйзам расмий жарыяланган күндөн тартып күчүнө кирет.... Читать дальше...

Борбор калаадагы Токтогул Сатылганов атындагы улуттук филармонияда өтүп жаткан эскерүүгө Жогорку Кеңештин төрагасы Дастан Жумабеков, премьер-министр Сапар Исаков, президенттин аппарат жетекчиси Мухаммедкалый Абылгазиев жана бир катар парламент депутаттары катышты.  Жогорку Кеңештин депутаты Рыскелди Момбеков сөз сүйлөп жатып, "апрелчи" баатырларга атайын макам берүү маселесин көтөрдү:  - 7-апрелди майрам кылып бердик, бирок макамын кайтарып берген жокпуз. Апрель окуясынын баркы болбой, бүгүнкү бийликтин наркы болбойт. Читать дальше...

Чектөө жолдогу кар көчкү коркунучуна байланыштуу киргизилди. Учурда кар көчкүлөрдү атып түшүрүү иштери жүргүзүлүп жатат. ӨКМдин Жалал-Абад облустук башкармалыгынын башчысынын орун басары Нурканбек Медетбековдун “Азаттыкка” билдиргени боюнча, 2-апрелден 11-апрелге чейин кооптуу жерлерден кар көчкүнү атып түшүрүү иштери жүрөт. Аткылоо мезгилинде жолдо жүргөндөрдүн коопсуздугун камсыз кылуу максатында каттам мезгил-мезгили менен убактылуу жабылып турат. Мындан сырткары оор жүк ташуучу уналарга кечки саат 21:00дөн таңкы 06:00гө... Читать дальше...

Дин жолуна түшүп, жаңыча жашоону тандагандардын аң-сезими, көз караштары жана жүрүм-туруму кандай өзгөрүүлөргө дуушар болуп жатат?

"Ата-Мекен" партиясынын лидери Өмүрбек Текебаевдин жубайы Айгүл Текебаеванын "Азаттыкка" билдиргени боюнча, ал абактагы жолдошу менен 15-мартта жолугушкан боюнча көрүшө элек: - Бизге бир жарым айда бир жолугууга уруксат бериле турган кылып койгон. Акыркы жолу киргенде абалы жакшы эмес болчу. Азыр деле өзгөрүү жок.  3-апрелде Феликс Кулов, Темир Сариев баштаган коомдук ишмерлер президент Сооронбай Жээнбеков баштаган бийлик башчыларына кайрылуу жиберип, «Ата-Мекен» партиясынын лидери, мурдагы депутат... Читать дальше...

Чүй облусунун Сокулук районундагы Жаңы-Жер айылдык милиция бөлүмүнүн башчысы Р.Н. пара алуу боюнча шектүү катары кармалды. Бул тууралуу Ички иштер министрлигинин басма сөз кызматы кабарлады. Анда айтылгандай, 31-мартта ИИМдин өздүк тергөө кызматына К.Г. аттуу жаран Жаңы-Жер айылдык милиция бөлүмүнүн кызматкерлерине каршы арыз менен кайрылган. Даттануучу анын иш ордуна сөз болуп жаткан милиция кызматкерлери баңгизат таштап коюп, опузалоо жолу менен 35 миң сомун тартып алганын билдирген. Маселени... Читать дальше...

Кошмо Штаттарда бүгүн (4-апрель) укук коргоочу, жалындуу оратор, ындыкаралардын жарандык укугун коргогон кыймылдын лидери, айтылуу Мартин Лютер Кинг атып өлтүрүлгөн күндүн элүү жылдыгы белгиленет. Теңдикке жана тынчтыкка чакыруу маркумдун башкы мурасы экени, ал азыр да актуалдуу бойдон калып жатканы айтылып келет.

4-апрель күнү борбор калаадагы маршруттук унаалардын баары каттамдарга кайтышты. “Лига авто” жоопкерчилиги чектелген коомунун директору Бешболуш Матисаковдун “Азаттыкка” билдиришинче, айдоочулар милдеттүү түрдө камсыздандыруу кагазын текшерүүнү бир айга чейин токтото турууну, жүргүнчүлөргө түшүндүрүү иштерин жүргүзүүнү Бишкек шаар мэриясынын өтүнүшкөн: - Милдеттүү камсыздандырууну толук алганга бир ай сурашты, көпчүлүгү мурда эле алган, ала электер да бар экен. Ал эми маршруттук унаалардын эрежеси... Читать дальше...

Бишкектеги “Ала-Тоо” ресторанында 31-мартта болгон тойдон кийин ууланып ооруканага кайрылгандар көбөйүп жатат. Тамакка ууланып, дарыгерлерге кайрылгандардын саны 173 кишиге жеткенин Мамлекеттик санитардык-эпидемиологиялык көзөмөл кызматынын Бишкек боюнча жетекчиси Артур Буюклянов билдирди. Натыйжада, «Ала-Тоо» рестораны убактылуу жабылып, ресторандын жетекчисине 20 миң сом, администраторуна 5 миң сом айып салынды. Эске сала кетсек, 31-мартта “Ала-Тоо” ресторанында Ош, Ысык-Көл, Нарын, […]

Бишкектеги кичиавтобустардын айдоочуларынын иш таштоосу коомдук автоунаада көйгөй көп экенин көргөздү.

Жогорку Кеңештин имаратында Кыргызстандагы “Көмүскө ачкачылык” тууралуу көчмө фото көргөзмө ачылды. Бул тууралуу Жогорку Кеңештин басма сөз кызматы билдирди. Көргөзмөдө толук эмес тамактануу жана аз кандуулук темасына байланыштуу профессионалдуу жана үйрөнчүк фотографтардын сүрөттөрү коюлду. Бул демилге аз кандуулук, туура эмес тамактануу жана анын кесепеттерине байланышкан көйгөйлөргө аткаминерлердин көңүлүн бурдуруу максатын көздөйт. Сүрөттөр эки ай бою кезек-кезеги менен Парламентте, мамлекеттик органдарда илинет. Читать дальше...