Новости за 07.04.2018

Жапониядагы “Токуда” коомдук фонду Нарын облустук ооруканасына алты гемодиализ жабдуусун тартуулады. Фонддун директорлор кеңешинин төрайымы Мари Токуда “Азаттык” радиосуна курган маегинде гемодиализ жабдууларын Кыргызстандан тышкары дүйнөнүн дагы 15 өлкөсүнө беришкенин айтты. Мари Токуда 5-апрелде өкмөт башчы Сапар Исаковдун кабыл алуусунда болду. Кыргызстан менен саламаттык сактоо тармагында кызматташууну өнүктүрүү максатында ачылган “Кыргыз Кагошима” достук бирикмеси да бул долбоорго көмөк көрсөттү. Читать дальше...

Кыргызстан Апрель ыңкылабынын сегиз жылдыгын белгилеп жатат. Кыргызстандын тарыхында бурулуш жасаган бул окуя саясий талаш-тартыш күчөгөн учурга туш келди. “Ата-Бейит” мемориалдык комплексиндеги эскерүү иш-чарасына буга чейин саясий жактан ара жолгон түшкөн экс-президенттер чакырылган.

Өзбекстандын чек арачылары аткан октон Жалал-Абад облусунун Аксы районунун тургуну каза болду.  Кыргызстандын Чек ара кызматы кабарлагандай, 7-апрелде 34 жаштагы жергиликтүү тургунга коңшу мамлекеттин аскерлери ок атышкан. Ал Кербен шаарындагы ооруканада көз жумган.  Чек ара кызматы маркум Кыргызстандын аймагында болгонун, Мамай айылына баратканын билдирди.  Факт боюнча Чек ара кызматынын адистери жана күч органдары иликтөө баштады. Эки өлкөнүн тийиштүү кызматтары жолугуп, чоо-жайын тактап жатышат. Читать дальше...

"Роскомнадзор" “Телеграм" социалдык тармагын жабуу жөнүндө арыз менен сотко кайрылды. Ал бул кадамга “Телеграмдын" жетекчилигине коюлган талап аткарылбагандан кийин барганын айтууда. Мекеме буга чейин кат чабарманынын колдонуучуларынын сыр сөздөрүн ФККга тапшырууну талап кылган.

2010-жылы апрель окуяларында жоголгон жүздөгөн курал-жарак, миңдеген ок-дарынын теңинен көбү табылбай калды.

2010-жылдагы Апрель окуясында курман болгондорду эскерүү үчүн Бишкектин четиндеги "Ата-Бейит" комплексине чакырылган экс-президент Алмазбек Атамбаев келген жок. Эскерүү иш-чарасына мамлекет башчы Сооронбай Жээнбеков жана экс-президент Роза Отунбаева катышканын "Азаттыктын" кабарчысы билдирди.  Атамбаевдин эмне үчүн келбей койгону тууралуу азырынча комментарий алууга мүмкүн болгон жок. Жогорку Кеңештин депутаты Жанар Акаев да "Твиттердеги" баракчасына бул тууралуу жазып, "балким түштөн кийин келээр" деди. Читать дальше...

Өзбекстанда аймактардагы бийлик өкүлдөрү Шавкат Мирзиёевге жагынуунун түркүн айласын кылып жатышат.

Чыңгыз Айтматовдун 90 жылдыгы Көз карандысыз мамлекеттердин шериктештигине мүчө өлкөлөрдүн баарында белгиленет. Мындай чечим 6-апрелде Минск шаарында өткөн КМШдагы тышкы иштер министрлеринин жыйынында кабыл алынды. Бул тууралуу Кыргызстандын Тышкы иштер министрлигинин басма сөз кызматы маалымдады.  Министрлер Чыңгыз Айматовдун дүйнөлүк адабиятка кошкон салымынан улам, жазуучунун 90 жылдык мааракесин өз өлкөлөрүндө белгилөөнү колдошоорун билдиришти.  Жазуучунун 90 жылдыгын Кыргызстанда жана эл... Читать дальше...

Президент Сооронбай Жээнбеков Апрель окуясынын сегиз жылдыгына карата кайрылуу жолдоп, Кыргызстан өнүгүү жолунан тайбай турганын билдирди.  Мамлекет башчынын кайрылуусун Президенттик аппараттын басма сөз кызматы таратты. Анда "2010-жылдагы Апрель окуясы элдик жеңиш, революция катары сыпатталып, өлкө туңгуюктан бараткан жолдон чыгып, жаркын келечекке багыт алганы" белгиленет.  "Элдик революциянын идеяларын жана максаттарын турмушка ашырабыз. Эң башкысы – Кыргызстан эч качан демократиялык багытынан тайбайт" деп жазылган кайрылууда. Читать дальше...

2010-жылдагы Апрель окуясынын сегиз жылдыгына карата "Ата Мекен" партиясынын мүчөлөрү Бишкекте жүрүшкө чыгышты. Партиянын желегин көтөрүп, гүл кармап алган ондогон кишилер Ала-Тоо аянтына барышты. Ак үйдүн алдындагы "Эл эркиндиги үчүн" монументине гүл коюп, куран түшүрүштү. Арасында Аида Салянова баштаган саясатчылар, парламенттеги "Ата Мекен" фракциясынын депутаттары бар. Алар акция тынч маанайда экенин, өткөндөрдү эскерүү максатында уюштурулганын белгилешти.  Жүрүшкө чыккандар партия лидери Өмүрбек Текебаевге... Читать дальше...

Орусияда АКШ киргизген жаңы санкциялары "чектен чыккандык" катары сыпатталды. Федерациялык кеңештин эл аралык иштер комитетинин катчысы Николай Патрушев санкцияларды АКШнын "өз иши" экенин белгиледи. Ошол эле учурда Кремль Вашингтон менен талкууну улантып жатканын кошумчалады.  Мамлекеттик Думанын вице-спикери Петр Толстой санкцияларды карөзгөйлүк катары баалады. Ушул өңүттөгү пикирлерин бир катар мамлекеттик ишмерлер билдирүүдө. Бирок Кремлден комментарий боло элек.   АКШнын Каржы министрлиги... Читать дальше...

"Роскомнадзор" “Телеграм" социалдык тармагын жабуу жөнүндө арыз менен сотко кайрылды. Ал бул кадамга “Телеграмдын"  жетекчилигине коюлган талап аткарылбагандан кийин барганын айтууда. Мекеме буга чейин кат чабарманынын колдонуучуларынын сыр сөздөрүн ФККга тапшырууну талап кылган.

Ноокаттын Бостон айылында ур-тепкиге кабылган жигит көз жумду.  Кылмышты милиция иликтеп жатат. Ош облустук ички иштер башкармалыгынын басма сөз кызматынан билдиришкендей, 30-мартка караган түнү Ноокат шаарынан аталган кыштакка сүйлөшкөн кызы менен жолугууга барган 32 жаштагы жигитти жергиликтүү эки тургун сабаган. Жабырлануучу алган жараатынан улам 5-апрелде ооруканада көз жумган. Кылмыш иши алгач Кылмыш-жаза кодексинин "Бейбаштык" беренеси менен козголгон. Жабырлануучу көз жумганына байланыштуу оор беренеге алмаштыруу жараяны жүрүүдө. Читать дальше...

Жүзгө жакын кишинин өмүрү кыйылган 7-апрель окуясына сегиз жыл толду.   2010-жылы ошол кездеги президент Курманбек Бакиевдин үй-бүлөлүк башкаруу режимине каршы чыккан демонстрациялар 7-апрелде аяктап, Бакиев бийликтен кулатылган. Наарызы болуп чыккандарга ок атылып, 80ден ашуун киши набыт болуп, жүздөн көбү жараат алышкан. Курманбек Бакиев үй-бүлөсү, жакындары менен чет мамлекетке качып, Беларустан башпаанек тапкан. Окуянын сегиз жылдыгына карата, бүгүн Бишкекте президент Сооронбай Жээнбековдун катышуусу менен эскерүү иш-чаралары өтөт. Читать дальше...