Новости за 10.04.2018

Кемерово облусунун мурдагы губернатору Аман Тулеев аймактык парламенттин төрагалыгына шайланды. 10-апрелде өткөн Кузбастын Элдик депутаттар кеңешинин кезексиз жыйынында анын талапкерлигин 39 депутаттын 38и колдоду. Кузбастын аймактык кеңешинин төрагасы Алексей Синицын дүйшөмбүдө мөөнөтүнөн мурда кызматтан кетип, ал орунга Түлеев ылайыктуу экенин айтты.  Аман Түлеев марттын соңунда Кемерово шаарындагы "Зимняя вишня" соода борборунда чыккан 64 адамдын өмүрүн алган өрттөн кийин кызматынан кеткен. Читать дальше...

Жалал-Абаддын Аксы районунун тургунун өзбек чек арачысы атып салган окуяга байланыштуу Кыргызстан менен Өзбекстандын чек ара кызматтарынын башчылары жолугуп, маселени жеринде талкуулашты. Кыргызстандын Мамлекеттик чек ара кызматынын башчысы Уларбек Шаршеев менен Өзбекстандын Улуттук коопсуздук кызматынын чек ара кошуундарынын башчысы Руслан Мирзаев жагдайды талкуулап, тараптар чектеш аймактардагы эрежелер толук аткарылбай жатканын,  макулдашууларды дагы бир сыйра карап чыгуу зарыл экенин белгилешти. Читать дальше...

Пакистанда 40 миллионго жакын баланы шалга каршы эмдөө башталды. 260 миңдей ыктыярчылар жана атайын кызматкерлер өлкөнүн бардык аймактарында бир жума ичинде беш жашка чейинки ар бир баланы эмдөөгө тийиш. Бул тууралуу шалга каршы эмдөө боюнча улуттук координатор Мохаммад Сафдар 9-апрелде билдирди. Ал ошондой эле эмдөө өнөктүгүн Пакистандын уруулар көзөмөлдүк кылган аймактарында да баштоого үмүттөнүп турганын кошумчалады. Дүйнө жүзүндө жаш балдарды жабыркаткан полиомиелит вирусу Пакистанда, Ооганстанда жана Нигерияда кездешет. Читать дальше...

Сириянын Дума шаарындагы химиялык деп болжолдонгон чабуулга жооп бериш үчүн Кошмо Штаттардын “бир топ аскердик варианттары” бар экенин президент Дональд Трамп дүйшөмбүнүн кечинде билдирди. Трамп армиянын жогорку жетекчилиги менен жыйын өткөргөн соң Сириядагы кырдаалга байланыштуу кабыл алынган чечимдер жөнүндө айтып, алардын жыйынтыгы “жакында” билинээрин кошумчалады.   Ага чейин америкалык лидер Франциянын президенти Эммануэл Макрон менен телефон аркылуу сүйлөшүп, Сириядагы химиялык чабуулга бирге жооп берүү мүмкүнчүлүгүн талкуулаган. Читать дальше...

Улуттук кеңешке коомдук ишмерлер, саясатчылар жана активисттер кирет, мүчөлөрүнүн саны 21 адам. Соттук-укуктук реформа жүргүзүү боюнча улуттук кеңеш түзүү боюнча демилге 10-апрелде Кыргызстандагы сот системасынын абалын талкуулоо учурунда көтөрүлүп, аягында резолюция менен бекитилди.  Талкууда өлкөдөгү сот системасы туңгуч президент Аскар Акаевдин тушунан бери эле көз каранды болуп келгени айтылып, бийликке каяша кылып, сынга алган саясатчылар, журналисттер камалып кеткени сөз болду. Талкуунун... Читать дальше...

Кытай лидери Си Цзинпин өлкө экономикасын ачып, бир катар импорттолчу товарларга, анын ичинде автоунааларга салыкты азайтууну убада кылды. Ал мындай билдирүүнү Боао форумунда 10-апрелде жасады. Кытай лидеринин мындай сөзүнөн кийин Азия жана Европада биржалык көрсөткүчтөр менен баалуу кагаздар бир аз көтөрүлдү. Алардын баасы Кытайдын жана АКШнын соңку жарыяларынан улам 4-апрелден бери ылдыйлап жаткан. Ай башында АКШда Вашингтон жаңы бажы тарифтерин киргизе турган 1300дөй кытайлык товардын тизмеси белгилүү болгон. Читать дальше...

10-апрелде Баткен облусунун аймагында дин кызматкерлери жол кыймыл коопсуздугун камсыздоо кызматы менен кошо айдоочуларга жана жөө жүргүнчүлөргө атайын акция өткөрүп жатышат. Иш-чаранын алкагында дин кызматкерлери айдоочуларга жол эрежелерин сактоо, адам өмүрүнө аяр мамиле кылып, ылдамдыкты ашырбоо зарыл экенин эскертишүүдө.  «Адам жаны - аманат» акциясынын алкагында атайын түшүндүрмө баракчалар, дисктер айдоочуларга, жөө адамдарга таркатылды.  Баткен облус мусулмандарынын казысы Муса ажы Жолдошовдун "Азаттыкка" билдиргени боюнча... Читать дальше...

Солсбери шаарында нервди шал кылган зат менен ууландырылгандан кийин ооруканада дарыланып жаткан Скрипаль бүгүн оорукандан чыгаары кабарланды.   Бул тууралуу маалымат каражаттары өз булактарына таянып маалымдады. Азырынча маалымат расмий тастыктала элек. "Sky News" бүгүн дарыгерлер Юлия Скрипалдын саламаттыгы боюнча коомчулукка маалымат берээрин кабарлады. 4-мартта белгисиз жагдайда ууландырылган соң Юлия атасы, мурдагы орус тыңчысы Сергей Скрипаль менен кошо ооруканага түшкөн. Алар андан кийин... Читать дальше...

ММА мушташы боюнча адис Робин Блэк өзүнүн "One Minute Breakdown" берүүсүндө тогуз жашар Нурмагомедовдун күрөш техникасын талдоого аракет жасаган.

Жалал-Абадда жашаган милициянын ардагерлер тобу Жалал-Абад облустук ички иштер башкармалыгынын жетекчилигинин ишмердигин тескөөнү суранып президентке жана премьер-министрге кайрылды.

Арменияда жаңы президент Армен Саргсян ишке киришти. Бирок мурдагы мамлекет башчысынан айырмаланып, анын ыйгарым укуктары кыйла чектелүү болот. Себеби 2015-жылдагы референдумдан кийин президент эмес, өкмөт башчы башкы саясий фигурага айланган. Кызматын тапшырган экс-президент Серж Саргсян болсо эми премьер-министрлик кызматка келет деп күтүлүүдө.

Кызматтан кеткен УКМК төрагасы Абдил Сегизбаев менен орун басары Болот Сүйүмбаевдин саясий жана укуктук жоопкерчилигин кароо маселеси көтөрүлүүдө.

АКШнын Орусия боюнча жаңы экономикалык санкциялары жарыялангандан кийинки алгачкы соодада рубль нарксызданып, орусиялык компаниялардын акциялары кыйла арзандап кетти. Мындан улам орусиялык ири байлар баалуу кагаздар базарынан миллиарддаган долларды жоготту. Өткөн жума күнү АКШ орусиялык 24 адамга, анын ичинде кеминде беш миллиардерге, 14 жеке менчик жана мамлекеттик компанияга санкция салган болчу.