Новости за 27.04.2018

Жогорку Кеңештеги Кыргызстан Социал-демократтар фракциясынын депутаты Музаффар Исаковдун үстүнөн Сузак райондук сотунда жүрүп жаткан жараян төртүнчү ирет артка жылды.  25-апрелдеги отурумда  соттолуучулар толук катышпагандыктан, судья кийинки отурумду 14-майга белгиледи.  Жалал-Абад облустук сотунун басма сөз кызматы “Азаттык” радиосуна билдиргендей, Музаффар Исаков баштаган эки адамдын үстүнөн козголгон кылмыш иш Сузак райондук сотуна март айында келип түшкөн. Андан бери жараян соттолуучулардын... Читать дальше...

Бүгүн Түндүк Корея менен Түштүк Кореянын чегинде эки өлкө лидерлеринин тарыхый деп мүнөздөлгөн саммити өтүп жатат. Ким Чен Ын биринчи жолу Түштүк Кореянын аймагына кадам таштады. Расмий Сеул эки лидердин алгачкы сүйлөшүүсү “олуттуу жана чын ниеттен” болду деп кабарлады.

Асылбек Кожобеков Улуттук коопсуздук мамлекеттик комитетинин төрагасынын орун басары болуп дайындалды. Тиешелүү буйрукка президент Сооронбай Жээнбеков бүгүн кол койду.  Асылбек Кожобеков буга чейин президенттин кеңешчиси кызматын аркалаган. Президенттин дагы бир буйругу менен Кожобековдун ордунда иштеген Рустам Мамасадыков Улуттук коопсуздук мамлекеттик комитетинин төрагасынын орун басары кызматынан бошотулду.  УКМКнын мурдагы жетекчиси Абдил Сегизбаев 7-апрелде өз арызынын негизинде кызматтан кеткен. Читать дальше...

Кыргызстан социал-демократтар партиясынын (КСДП) саясий кеңеши 27-апрелде төраганын жаңы орун басарларын шайлады. Партия тараткан маалыматка караганда, төраганын орун басарлары болуп Жогорку Кеңештин депутаттары Асел Кодуранова, Мурадыл Мадеминов жана экс-премьер-министр Сапар Исаков шайланды. Жыйынды мурдагы президент, партия төрагасы Алмазбек Атамбаев башкарды.  Төраганын мурдагы орун басары Фарид Ниязов партиядагы кызматынан кетип, "Апрель" фондуна жетекчи болгон. Бирок ал саясий кеңеште кала берери айтылган. Читать дальше...

Армян оппозициясынын жана соңку күндөрдөгү нааразылык кыймылдын лидери Никол Пашиняндын билдиргенине караганда, ал азыркы саясий кризистен чыгуу жолдорун талкуулоо үчүн президент Армен Саркисян менен жолукту жана премьер-министр Карен Карапетянды бүгүнкүгө сүйлөшүүгө чакырууда. Бирок Карапетяндын басма сөз катчысы Арам Араратян премьер-министрдин милдетин аткаруучу Пашинян менен сүйлөшүүнүн “келечегин” көрбөй жатканын билдирди. Мунун алдында Ереванда, 26-апрелдин кечиндеги митингде Пашинян “мен премьер-министрликке эл аркылуу... Читать дальше...

Улуттук коопсуздук мамлекеттик комитетинин басма сөз кызматы билдиргендей, 27-апрелде түш ченде белгисиз адам аталган соода борбордун кабылдамасына телефон чалып, "жардыргыч зат орнотулганын" айткан. "Бишкек-Парктын" кызматкерлери түшкү саат бир жарымда милицияга кабарлашкан.   Учурда адамдар имараттан эвакуацияланып, "жардыргыч зат" изделип жатат. Имарат курчоого алынган.  Буга чейин да бир канча ирет милицияга ушинтип телефон аркылуу түшкөн маалыматтар жалган экени аныкталган. Күч органдары... Читать дальше...

Борбордук чалгын кызматынын мурдагы башчысы, мамлекеттик катчылыкка кечээ бекиген Майк Помпео Брюсселге НАТОнун тышкы иштер министрлеринин жыйынына катышканы келди. НАТО лидерлеринин июлдагы саммитине даярдык катары өтүп жаткан жыйында, Мамлекеттик департаменттин өкүлдөрүнүн айтымында, негизинен Орусиянын Украина менен Грузиядагы “агрессиясына”, Сирия жана Европанын түштүк чек араларында коопсуздукту чыңдоо маселелерине көңүл бурулат. АКШнын мамлекеттик катчысы НАТОнун мүчөлөрүнөн аскердик бюджеттерин көбөйтүп... Читать дальше...

Маданият, маалымат жана туризм министрлиги тойлордун жаңы үлгүсүнүн мазмунуна сынак жарыялады. Аталган мекеменин басма сөз кызматы билдиргендей, бул чечим тойлорду жөнөкөйлөштүрүү жана ысырапчылыкка бөгөт коюу максатында кабыл алынды.  Министрликтин маалыматында ушу тушта өтүп жаткан тойлор элди ыксыз чыгымдарга кириптер кылып, көп убакытты алып, катышуучуларды чарчатып жана саламаттыгына зыянын тийгизген абалга жеткени, айрым учурларда той ээлери насыя алып, аны жаба албай, карызга батып жатканы жазылган. Читать дальше...

Шопоков шаарчасындагы мектептин жанынан уулун машине сүзүп кеткен Нурбек Галыев "Азаттыкка" кайрылды. Ушул тапта сегиз жаштагы окуучу ооруканада жатат. Атасынын айтымында, мектептен чыккан балдар үчүн жолдун аркы өйүзүнө өтүү кооптуу. Жер алдынан өтүүчү өтмөк болсо сууга толуп турат.

Бул тууралуу Түштүк Корея президентинин кеңсеси билдирүүдө. Анын айтымында, Түштүк Кореянын президенти Мун Чже Ин менен Түндүк Кореянын башчысы Ким Чен Ындын Корей жарым аралын өзөктүк куралдан арылтуу боюнча сүйлөшүүлөрү “олуттуу жана чын ниеттен” болду. Ким Чен Ын бүгүн 1953-жылы корей согушу аяктагандан бери Түштүк Кореянын аймагына кадам таштаган өз өлкөсүнүн алгачкы лидери болду. Аны бүгүн эки Кореяны бөлгөн чек арадагы аскердик демаркациялык сызыктан Түштүк Кореянын президенти Мун Чже Ин өзү тосуп алды. Читать дальше...

Айбек Азыранкулов президенттин кеңешчиси болуп дайындалды. Тиешелүү жарлыкка президент Сооронбай Жээнбеков кол койду. Бул тууралуу президенттик аппараттын маалыматтык-саясат бөлүмү 27-апрелде билдирди.  Айбек Азыранкулов 2009-2010-жылдарда парламент депутаты болгон. 2010-2013-жылдары өкмөттүн Чүй облусундагы ыйгарым укуктуу өкүлү болуп иштеген. Андан кийин Эмгек, миграция жана жаштар министрлигин да жетектеген. (NT)

Бишкек Жылуулук электр борборуна (ЖЭБ) байланыштуу козголгон кылмыш ишинин алкагында камакка алынган "Электр станциялары" ишканасынын мурдагы жетекчиси Салайдин Авазовдун ачык каты жарыяланды.

Бүгүн, 27-апрелде Бангладештин Дакка шаарында жыйынтыктала турган волейбол боюнча борбордук зонадагы Азия чемпионатында Кыргызстандын курама командасы коло медалдын ээси болду. Өлкөнүн Волейбол федерациясынын басма сөз катчысы Бакыт Шүкүралиев "Азаттыкка" билдиргендей, 3-орун үчүн таймашта кыргыз волейболчулары Непалдын командасы менен беттешип, 3:0 эсебинде жеңишти. Үч партиянын (сет) жыйынтыгы: 25-20; 25-22; 25-20.  Мелдеште Кыргызстандын оюнчусу Талгат Чалмашбеков "мыкты оюнчу" наамын алды. Читать дальше...

Кыргызстанда 28-апрелде жаан-чачын болбойт. Бийик тоолуу райондордо жолдорго муз тоңот, жолдор тоңголок, тайгак болот. Түштүк-чыгыштан соккон шамалдын ылдамдыгы секундуна 5-10 метрге жетет. Абанын температурасы: Чүй өрөөнүндө түнкүсүн 3...8, күндүз 22...27, Талас жергесинде түнкүсүн 3...8, күндүз 20...25, Ош, Баткен жана Жалал-Абад аймактарында түнкүсүн 7...12, күндүз 23...28, Ысык-Көл дубанында түнкүсүн 1...6, күндүз 15...20, Нарын облусунда түнкүсүн 1...6, күндүз 16...21, Бийик тоолуу райондордо түнкүсүн -7...-12... Читать дальше...

"Легендарлуу парламенттин" депутаты, коомдук ишмер Сейитбек Жээнчороев 69 жашында дүйнөдөн кайтты. Аны жерге берүү зыйнаты бүгүн кичи мекени, Талас облусундагы Кызыл-Адыр айылында өттү. Жээнчороев 1949-жылы 21-мартта Талас облусунун Кара-Буура районунун Суулуу-Маймак айылында төрөлгөн. 1972-жылы Скрябин атындагы айыл чарба институтун аяктаган. Эмгек жолун ошол эле райондо ветеринар дарыгер болуп иштөөдөн баштаган. 1987-1990-жылдары Коммунисттик партиянын райондук бюросунун мүчөсү,1991-1995-жылдары Жогорку Кеңешке депутат болгон. Читать дальше...

Мелдеш Бангладеш мамлекетинде 21-апрелде башталган.

Эл аралык "Search for common ground" (Жалпы кызыкчылыктарды издөө) уюму Орусияга Борбор Азия өлкөлөрүнөн барган эмгек мигранттарынын кайсы катмары жана кандай себептерден улам экстремисттик агымдарга кошулуп кетерин изилдеп, жыйынтыгын жарыя кылды. Изилдөөгө ылайык, экстремизмге жаштар, мыйзамсыз эмгектенип жүргөндөр, билимсиз жана жалгыз бой мигранттар көбүрөөк дуушар болууда. Адистердин баяндамасында Борбор Азиядан кеткен мигранттардын өздөрү экстремисттик көз караштан оолак болору, аларды кылтакка... Читать дальше...

Мурдагы премьер-министр Темир Сариев Кыргызстандын тарыхын изилдөө үчүн окумуштууларга сыйлык уюштурат. Бул тууралуу Сариев бүгүн Кыргыз Улуттук илимдер академиясындагы конференцияда билдирди. Анын айтымында, тарыхты иликтеген мыкты изилдөөгө жыл сайын 100 миң сомдон сыйлык чектелет.  Быйыл сыйлык башкалаанын 140 жылдыгына карата борбор жана Бишкек баатырды изилдеген илимий эмгектерге берилмекчи. Кийинки жылдардагы сыйлыктарды Улуттук илимдер академиясынын алдындагы Тарых изилдөө институту аныктап, жобосун иштеп чыгат.

Ошто өрт учурунда бешинчи кабаттан секирген кыз каза болду. Бул тууралуу Ош шаардык ички иштер башкармалыгынын басма сөз кызматы кабарлады. Маркум Алай районунда туулганы, 28 жашта болгону маалымдалды. Анын мээсине кан куюлуп, операция жасалган эле.  24-апрелге караган түнү Ош шаарынын Жим көчөсүндө жайгашкан 12 кабат үйдөн өрт чыккан. Өрттүн кесепетинен алты киши жабыркап, Ош облус аралык бириккен клиникалык ооруканасына жеткирилген. Экөөнүн абалы оор деп бааланган. Тилсиз жоону өчүрүүгө Өзгөчө... Читать дальше...

Жогорку Кеңештеги "Ата Мекен" фракциясынын лидери, депутат Алмамбет Шыкмаматов Улуттук коопсуздук боюнча мамлекеттик комитеттин (УКМК) мурдагы жетекчиси Абдил Сегизбаевди "Белизгейт" окуясын уюштурганы үчүн кылмыш жообуна тартуу өтүнүчү менен Башкы прокуратурага расмий кайрылды. Укук коргоо органдарындагы коррупцияга каршы күрөш талкууланып жаткан фракциянын бүгүнкү жыйынында Шыкмаматов УКМКнын Антикоррупция кызматынын жетекчисине да кайрылып, "мекеменин Тергөө башкармалыгынын жетекчиси Мусаканов... Читать дальше...

Кыргызстанда бийлик алмаштыруу, өкмөттү өзгөртүү саясий жүрүштөрү аяктагандай болду. Буга чейинки премьер-министр Сапар Исаков быйылкы жылдын бюджети жыл башында профицит менен толуп жатканын билдирген. Саясий окуялар кызуу талкууланган Кыргызстанда экономиканын абалы кандай? Тышкы карыз көбөйгөн шартта бюджеттин булактарын кантип көбөйтүүгө болот? Бул суроолорго “Азаттык” "Эксперттер талдайт" берүүсүндө жооп издеди. Талкууга финансы министринин орун басары, Борбордук казыналыктын башчысы Алмаз Бакетаев... Читать дальше...

Өскөналы Майлыевдин өмүрү - Кеңеш бийлигине өзү берилип кызмат кылып жатканда, жазыксыз жерден сталиндик куугунтукка биринчилерден болуп чалынган армандуу тагдырлардын бири. Ал 1928-жылы куугундан карабашын калкалап, Арчагул айылынан качып, жер которууга мажбур болуп, кайда өлгөнү белгисиз калган.

Кыргызстанда мурда токтотулган же кыскартылган 2096 кылмыш иши аныкталды. Бул тууралуу башкы прокурордун орун басары Нурлан Дүйшөмбиев бүгүн парламенттеги "Ата Мекен" фракциясынын жыйынында маалымат берип жатып билдирди. Анын айтымында, Экономикалык кылмыштарга каршы күрөшүү кызматы, УКМК, ИИМдеги бул иштердин сотко жетпей калышына эмне себеп болгону териштирилип жатат.  Маалыматка караганда, токтотулуп же кыскартылган кылмыш иштеринин арасында тоо-кен тармагындагы мыйзам бузуулар, мамлекеттик... Читать дальше...

Өзбекстандын Сурхандарыя облусунун тургуну, 81 жаштагы Элмурод Чориев Кыргызстанга велосипед менен келе жатат. Бул тууралуу "Кun.uz" сайты 26-апрелде маалымдап, блогер Санжар Саид "Фейсбукка" чыгарган кыска видеону жарыялады.  - Жаш кезимден бери велосипед тебүүгө кызыгам. Бүгүн алыс саякатка жол тарттым. Кыргызстанга барууну пландадым. Анжиянга барып, андан ары Кыргызстанга өтөм. 1958-жылы Ош шаарына баргам. Ошол жерлерге кайра баргым келди. Анан Кыргызстандын башка жерлерине барам, сүрөткө түшөм... Читать дальше...

Жогорку Кеңештеги “Ата Мекен” фракциясы бүгүнкү отурумунда президент Сооронбай Жээнбековдун 8-февралда Коопсуздук кеңешинде айткан коррупция менен күрөш боюнча аткарылып жаткан иш-чараларды карады.