Новости за 28.05.2018

Москванын мэри Сергей Собянин 9-сентябрда өтө турган шайлоого катышат. Орусиянын баш калаасын 2010-жылдан бери башкарып келе жаткан Собянин бул тууралуу 27-майда расмий сайтында жарыялады. Анда Собянин өз администрациясынын “иштери толук аяктай электигин, ошентсе да, пландалган жумуштун эң кыйыны жана оору артта калганын” белгилеген. Оппозициялык саясатчы Илья Яшин 11-апрель күнү мэр шайлоого катышарын маалымдаган. Анын талапкерлигин оппозиция лидери, жемкорлукка каршы активист Алексей Навальный да колдогон. Читать дальше...

Маданият, маалымат жана туризм министрлиги Оштун Алай районунда быйыл жайында "Айыл оттору" аттуу фестиваль өткөрөт. Мекеменин басма сөз кызматы билдиргендей, “Аймактарды өнүктүрүү жылынын” алкагында уюштурулуп жаткан иш-чаранын максаты - айыл маданиятын жандандыруу, жер-жерлердеги маданий мекемелерге жаш адистерди тартуу. Иш-чара ошондой эле жергиликтүү өнөрпоздорго колдоо көрсөтүп, элдик кол өнөрчүлөрдүн, усталар менен уздардын эмгегин жайылтууну, Кыргызстанга туристтердин кызыгуусун арттырууну көздөйт. Читать дальше...

Насир-ул-Мулк 25-июлдагы парламенттик шайлоого чейин Пакистандын премьер-министринин милдетин аткарат. Бул тууралуу “Наваз” башкаруучу партиясы жана оппозиция 28-майдагы басма сөз жыйынында билдиришти. Исламабаддагы биргелешкен басма сөз жыйынына башкаруучу партиянын өкүлү, премьер-министр Шахид Хакан Аббаси, төмөнкү палатадагы оппозициянын лидери Сайед Хуршид Шах жана Улуттук жыйындын спикери Аяз Садик катышты. Алардын айтымында, 67 жаштагы Насир-ул-Мулк азыркы премьер-министр Шахид Хаган Аббаси кызматын тапшыргандан кийин бир күндөн соң... Читать дальше...

Президент Сооронбай Жээнбеков коррупцияга байланыштуу бардык чуулгандуу кылмыш иштерин аягына чыгарып, күнөөлүүлөрдү жазага тартууну талап кылды. Жээнбеков бул тууралуу Улуттук коопсуздук боюнча мамлекеттик комитеттин (УКМК) төрагасы Идрис Кадыркуловду кабыл алып жатканда айтты. Президенттик аппарат кабарлагандай, мамлекет башчы коррупцияга, мамлекеттик же муниципалдык менчикти уурдоого байланыштуу кызматтык кылмыштардын фактыларын аныктоо зарыл экенин белгиледи. - Күнөөлүү адамдарга катуу чара көрүш керек... Читать дальше...

Ооганстан менен Пакистандын жогорку аскер адамдары жана чалгын кызматкерлери терроризмге каршы күрөштү чогуу күчөтүүнү макулдашты. Пакистан армиясынын 28-майда тараткан билдирүүсүндө мындай жыйынтыкка эки өлкөнүн аскер жетекчилери Пакистандын Равалпинди шаарындагы жолугушууда келишкени айтылат. Ооганстандык делегациянын мүчөсү, генерал Камара Жареда Бажу "күмөн санай берүү жакшылыкка алып келбейт" деп билдирген.  Сүйлөшүүлөр Ооганстан менен Кошмо Штаттар Пакистандан өз аймагында жүргөн согушкерлерге... Читать дальше...

Жогорку Кеңештин депутаттары спортчулардын тамак-ашы үчүн мамлекет бөлгөн каражаттын аздыгын сынга алышты. Бул тууралуу эл өкүлдөрү парламенттин Бюджет жана финансы боюнча комитетинин Республикалык олимпиадалык резервдер мектебин каржылоо маселеси боюнча окуу жайынын өзүндө өтүп жаткан көчмө жыйында билдирди. Жогорку Кеңештин басма сөз кызматы кабарлагандай, маселени депутат Максат Эгембердиев көтөрүп чыкты: "Өлкө аймагындагы мелдештерге катышкан спортчулар суткасына 109 сом алат. Алар бул акчага үч маал тамактанышы керек. Читать дальше...

Жалгыз моторлуу учак менен жер шарын айланып чыккан Союзбек Салиев кезектеги саякаттын камылгасын көрүүдө. Бул жолу ал жер кыдыруунун башка жолун тандап алышы мүмкүн.

Польшанын Коргоо министрлиги Кошмо Штаттарга өлкөнүн аймагына узак мөөнөткө танк дивизиясын жайгаштырууну сунуш кылды. Америкалык базаны түзүүгө Варшава эки миллиард доллардай каражат бөлүүгө даяр экенин да билдирген. Бул тууралуу документтер Польшанын маалымат каражаттарына жарыяланды. Польшанын аскердик мекемеси документтердин аныктыгын ырастады. Документте "сунуштун башкы максаты – Европага коркунуч тийгизип жаткан Орусиянын күчөгөн жана кооптуу позициясын ооздуктап туруу" экендиги белгиленген. Читать дальше...

Франциянын тышкы иштер министри Жан-ив Ле Дриан Париж Армения менен Азербайжандын ортосундагы Тоолуу Карабак аймагына байланыштуу жаңжалды чечүүнүн жолдорун караштырууга аракет кыла турганын маалымдады. “Жакынкы айларда Тоолуу Карабак жаңжалын чечүүгө аракет кылабыз деп үмүттөнөм” деди Ле Дриан 27-май күнү Бакуда Азербайжандын тышкы иштер министри Элмар Мамедияров менен өткөргөн басма сөз жыйынында. Ал азыркы жагдайда жаңжал чечилбей турганын белгилеп, “Франция аймакта туруктуулук жана тынчтык орнотууга” аракет кыла турганын айтты. Читать дальше...

Улуттук коопсуздук боюнча мамлекеттик комитет (УКМК) Улуттук тарых музейин реконструкциялоо боюнча бюджеттик каражаттарды туура эмес жана максатсыз пайдалануу тууралуу текшерүү иштерин жүргүзө баштады. Бул тууралуу УКМКнын басма сөз кызматы билдирди. Териштирүүнү УКМКнын Коррупцияга каршы күрөш кызматы Эсеп палатасы менен чогуу жүргүзүп жатат.  Маалыматта айтылгандай, 2015-жылы премьер-министрдин буйругу менен "Улуттук тарых музейин реконструкциялоо Түркия Республикасынан берилүүчү жардамдын эсебинен жасалсын" деген тапшырма берилген. Читать дальше...

29-майда түнкүсүн Ысык-Көл, Нарын облустарынын көпчүлүк аймактарында жаан жаап, тоолуу райондорго кар түшүшү мүмкүн. Чүй, Талас, Ош, Жалал-Абад, Баткен облустарынын тоолуу райондорунда жамгыр жаайт. Батыштан соккон шамалдын ылдамдыгы секундасына 4-9, Ысык-Көл ойдуңунда түнкүсүн 15-20 метрге чейин жетет. Абанын температурасы: Чүй өрөөнүндө түнкүсүн 3...8, күндүз 21...26, Талас жергесинде түнкүсүн 1...6, күндүз 21...26, Баткен облусунда түнкүсүн 5...10, күндүз 22...27, Ысык-Көл дубанында түнкүсүн 1...6... Читать дальше...

Чүй облусунун Жайыл райондук ички иштер бөлүмүндө кармалган киши жанындагы кызды бычактап салып, андан соң өз жанын кыюуга аракет кылды. Бул тууралуу “Азаттыкка” облустук милиция кабарлады. 27-майда Бишкек шаарынын Биринчи май райондук ИИБне никеге мажбурлап тургузуш үчүн кыз ала качуу аракети жөнүндө арыз түшкөн. Милициянын Бишкек шаардык жана Чүй облусунун бардык райондук бөлүмдөрүнө шектүү киши тууралуу багыттама жөнөтүлгөн. Бир канча убакыттан кийин “Сосновка” постунда 29 жаштагы айдоочу... Читать дальше...

Аталган рубрикабыздын бүгүнкү коногу 2008-жылы Бээжин олимпиадасында күмүш медаль тагынып кыргыздын атын чыгарып, намыс коргоп, желегибизди бийик желбиреткен спорт чебери Канат Бегалиев болмокчу. Спортчу туурасында… Канатбек Бегалиев 1984-жылы 14-февралда Талас облусунун Бакай-Ата районуна караштуу Өзгөрүш айылында туулган. Грек-рим күрөшү боюнча Кыргыз Республикасынын Эмгек сиңирген спорт чебери. Бээжин олимпиадасында жараткан ийгилиги үчүн мамлекет тарабынан Даңк медалы […]

"Super.kg" маанайшат интернет-порталы Улуттук коопсуздук боюнча мамлекеттик комитеттин (УКМК) төрагасына кайрылып, атайын кызматтын атынан порталга белгисиз адамдар телефон чалганын билдирди.  Маалыматка караганда, 28-май күнү белгисиз адам порталдын кеңсесине телефон чалып, өзүн УКМКнын кызматкери деп тааныштырган жана журналисттин келип кетишин талап кылган. Портал жетекчилиги телефон чалган адам чын эле УКМКнын кызматкери экенине күмөн санай тургандыгын билдирүүдө.  Пртал УКМКнын башчысы Идрис... Читать дальше...

"KAZ Minerals Bozymchak" компаниясынын башкы директору Ильяс Тулекеев камактан бошотулду. Бул тууралуу ишкананын коомчулук менен байланыш адиси Елена Трегубова “Азаттыкка” ырастады. Анын айтымында, Экономикалык кылмыштарга каршы күрөш кызматы кармаган Тулекеевдин бөгөт чарасын Бишкектин Биринчи май райондук соту карап, сот залынан бошоткон. Учурда Ильяс Тулекеев Кыргызстанда экенин Трегубова кошумчалады. "KAZ Minerals Bozymchak" компаниясынын башкы директору Ильяс Тулекеев 26-майда "Манас" эл аралык аэропортунда кармалып... Читать дальше...

Баткендин Кара-Булак айылынын тургуну Мурзапар Үсөн 70 жашта. Ал эмгек жолун мугалимдиктен баштап, кийин аймакта тарыхчы, жазуучу катары аты чыккан. Мурзапар Үсөн жайдак жерди гүлдөткөн ишкер катары да белгилүү. Ал Муз-Булак коругун 20 жылдан бери иштетип, туристтердин сүйүктүү жайына айлантты.

Журналист Шайырбек Абдырахманов Коомдук телерадиокорпорациянын (КТРК) жетекчисинин радио боюнча орун басарынын милдетин аткара баштады. Бул тууралуу мекеменин башкы директору Илим Карыпбеков "Азаттыкка" билдирип, буйрук 28-майда чыгарылганын айтты: - Эреже боюнча, Абдырахмановду орун басарлыкка толук бекитиш үчүн КТРКнын Байкоочу кеңешинин макулдугун алышым керек. Ошондуктан кеңештин эмки жыйынында Шайырбек Абдырахмановду орун басарлык кызматка көрсөтөм. Илим Карыпбековдун мурдагы орун басары Кайрат Иманалиев өткөн жумада иштен кеткен. Читать дальше...

Журналист Шайырбек Абдырахманов Коомдук телерадиокорпорациянын (КТРК) жетекчисинин радио боюнча орун басарынын милдетин аткара баштады. Бул тууралуу мекеменин башкы директору Илим Карыпбеков "Азаттыкка" билдирип, буйрук 28-майда чыгарылганын айтты: - Эреже боюнча, Абдырахмановду орун басарлыкка толук бекитиш үчүн КТРКнын Байкоочу кеңешинин макулдугун алышым керек. Ошондуктан кеңештин эмки жыйынында Шайырбек Абдырахмановду орун басарлык кызматка көрсөтөм. Илим Карыпбековдун мурдагы орун басары Кайрат Иманалиев өткөн жумада иштен кеткен. Читать дальше...

Бишкек шаарында отургузулган көчөттөрдү сатып алуу боюнча “Жашылдандыруу чарбасы” (“Зеленхоз”) мекемесинин кызматкерлерине карата Кылмыш-жаза кодексинин 221-беренесинин ("Коммерциялык жана башка ишкана кызматкерлеринин кызмат абалынан пайдалануусу"), 304-беренеси ("Кызмат абалынан кыянаттык менен пайдалануу") жана 306-беренеси ("Мамлекеттин кызыкчылыктарына каршы контракт түзүү, мамлекеттик сатып алууну жүзөгө ашыруу") боюнча кылмыш иши козголду. Бул тууралуу Улуттук коопсуздук боюнча мамлекеттик комитет (УКМК) кабарлады. Читать дальше...

2018-жылдын алгачкы төрт айында Кыргызстандын аймагында 1580 жол кырсыгы катталып, 331 учурунда балдар да аралашкан. Бул тууралуу Ички иштер министрлигинен кабарлашты. Авто авариялардан 167 адам каза болсо, анын 20сы балдар болду. Ал эми жол кырсыктарынан жалпы 2261 адам жаракат алса, алардын 360ын жашы жете электер түзгөн. Жол эрежелерине өзгөртүү киргизүү тууралуу өкмөттүн токтомунда Кыргызстанда акыркы беш жылда балдар кабылган 7 миңден ашуун жол кырсыгы катталганы айтылган. Анда жалпы натыйжада 582 бала каза болгон. Читать дальше...

28-майда Чүй облусунда кар жаады. Социалдык тармак колдонуучулары Бишкекке жакын Воронцовка айылына кар жаап жатканын сүрөттөр менен жарыялашты.  Өзгөчө кырдаалдар министрлиги ушул күндөрү Кыргызстанда туруксуз аба ырайы болорун, тоолуу райондорго кар түшөрүн эскерткен.  Өткөн аптада Ысык-Көл жана Нарын облустарына жааган кардан улам жайлоодо миңден ашуун кой-эчки кырылган. (SE)

Улуттук коопсуздук боюнча мамлекеттик комитетинин (УКМК) Коррупцияга каршы кызматы менен Эсеп палатасы II Дүйнөлүк көчмөндөр оюндары үчүн курулган ипподромго сарпталган каражаттын чоо-жайын текшерип жатат. Алдын ала тыянакка ылайык, Ысык-Көлдүн Бостери айыл аймагындагы Бактуу-Долоноту кыштагында ат майдандын курулушунда "Мамлекеттик сатып алуулар жөнүндө" жана "Шаар куруу жана архитектура жөнүндө" мыйзам ченемдери бузулган: - Жыйынтыгында, курулушка кетуүчү чыгымдар башында белгиленген 480 миллион... Читать дальше...

Айрым жергиликтүү маалымат каражаттары "президент Сооронбай Жээнбековдун кудасы, Жогорку Кеңештин депутаты Алиярбек Абжалиев көшөгө артында кадр саясатына кийлигишип жатат" деген божомолун жазып чыгышты. Депутат Абжалиев мындай сөздөрдү төгүнгө чыгарып, өз ыйгарымынан аша чаппаганын билдирүүдө.

Оңдоо иштерине байланыштуу Ош шаарынын Ибраимов, Сүйүнбаев, Алиев, Ленин көчөлөрүндө жаратылыш газын убактылуу өчүрүлдү. Бул тууралуу “Газпром Кыргызстан” компаниясы кабарлады. Газ 2-июндан тартып бериле баштайт. Оңдоо иштери "көгүлтүр отунду" үзгүлтүксүз берип туруу үчүн жасалууда. 2014-жылы Кыргызстандын “Кыргызгаз” ишканасы Оруcиянын “Газпром” ишканасына сатылып, “Газпром-Кыргызстан” ишканасы түзүлгөн. Натыйжада "Ошгаз" ишканасы да "Газпромго" өткөн. (ErN)

Оңдоо иштерине байланыштуу Ош шаарынын Ибраимов, Сүйүнбаев, Алиев, Ленин көчөлөрүндө жаратылыш газы убактылуу токтотулду. Бул тууралуу “Газпром Кыргызстан” компаниясы кабарлады. Газ 2-июндан тартып бериле баштайт. Оңдоо иштери "көгүлтүр отунду" үзгүлтүксүз берип туруш үчүн жасалууда. 2014-жылы Кыргызстандын “Кыргызгаз” ишканасы Оруcиянын “Газпром” ишканасына сатылып, “Газпром-Кыргызстан” ишканасы түзүлгөн. Натыйжада "Ошгаз" ишканасы да "Газпромго" өткөн. (ErN)