Новости за 25.12.2018

Финансылык чалгын кызматы кардарлардын банк эсептери тууралуу тараган маалымат боюнча бүгүн депутаттардын суроолоруна жооп берет. Бул маселе Жогорку Кеңештин Укук тартиби, кылмыштуулукка жана коррупцияга каршы күрөшүү комитетинин күн тартибине кирди. Жакында Интернетке Финчалгын кызматынын жетекчилиги бардык банктарга кайрылып, 17-декабрга чейин кардарларынын банк эсептери жана уячалары тууралуу маалымат берүүсүн талап кылганы тууралуу документтин көчүрмөсү деген сүрөт тараган. Банк тармагы боюнча... Читать дальше...

Индиялык трансплантолог дарыгер Абидипа Чаудри кармалган жок, ал 12 жаштагы өспүрүм боюнча айрым суроолорго жооп алуу үчүн гана милиция бөлүмүнө жеткирилген. Бишкек шаардык ички иштер башкармалыгы чет өлкөлүк доктур мыйзамсыз кармалганы тууралуу маалыматтарга ушундай комментарий берди. Мекеменин басма сөз кызматы кабарлагандай, борбор калаанын тургуну кайрылып, боору цирроз болгон уулуна Индиядан 38 миң долларга операция жасатышканын, бирок абалы такыр жакшырбаганын айтып, бул үчүн дарыгерге карата чара көрүүнү өтүнгөн. Читать дальше...

Өкмөт экспортту өнүктүрүү боюнча 2019-2022-жылдарга пландалган программа иштеп чыкты. Негизинен тигүү, жашылча-жемишти кайра иштетүү, сүт азыктары жана инновациялык багытта экспорттук потенциалды бекемдөөгө көңүл бурулары айтылды. Өкмөттүн басма сөз кызматы кабарлагандай, 2023-жылга карата товар өндүрүп, сыртка жөнөтүүнүн жалпы көлөмү эки эсе жогорулайт. Бул максатка жетиш үчүн ишкерлердин ортосунда атаандаштык шарты түзүлүп, аймактык жана глобалдык интеграцияга багытталган аракеттер көрүлөт. Читать дальше...

Азербайжан келерки жылы Тоолуу Карабах маселеси боюнча Армения менен сүйлөшүүлөрүндө жакшы жылыштар болот деп үмүттөнөт. Бул тууралуу азери президенти Илхам Алиев “Россия 24” телеканалына курган маегинде билдирди: - Армениянын жаңы жетекчилиги өлкөнү жаңылоо боюнча пландарын ишке ашыруусунун жалгыз жолу – Азербайжан менен чырын чечүү экенине терең ишенем. Бул үчүн аларга таандык эмес жерлерден чыгып кетип, он миңдеген азербайжандыктарга өз жерине кайтууга мүмкүнчүлүк берүү керек, - деди Алиев.... Читать дальше...

Январь айында Кыргызстанда абанын температурасы орточо климаттык нормадан 1-2 градус төмөн болот. Бул тууралуу Гидрометеоборбор кабарлады. Чүй, Талас, Ысык-Көлдө кээде түнкүсүн аба -23...-28ге чейин муздайт. Ош, Жалал-Абад жана Баткен облустарында эң суук түндөрү -8...-13, ал эми Нарында эң төмөн температура Ат-Башы районунда болуп, түнкүсүн -30...-35ге түшөт. Жаан-чачын, кардын бир айлык көлөмү жалпы республика боюнча нормадан аз болот. (RK)

Ооганстанда согушкерлердин кол салуусунан кеминде 29 адам каза тапты, дагы 23ү жараат алды. Окуя дүйшөмбү күнү борбор калаа Кабулдун чыгыш бөлүгүндө катталды. Өкмөттүк мекемелер жайгашкан райондогу кол салуу кызматкерлер иш күнү аяктап, үйүнө тарай баштаган чакта болгон. Күбөлөрдүн айтымында, алгач жол боюнда турган автомашиналардын бири жарылган. - Мен жолдо машиналар токтоп турган жерде кетип бараткам. Бир маалда катуу жарылуу болду. Ракетабы же бомбабы, билбейм. Айтор буттарым иштебей калды... Читать дальше...

29-декабрь ишемби күн Кыргызстанда кадимкидей эле дем алыш, ал эми 31-декабрь дүйшөмбү иш күнү болот. Бул тууралуу Эмгек жана социалдык өнүгүү министрлиги кабарлады. Мекеменин маалыматына караганда, кыргызстандыктар 1, 2, 3, 4, 5, 6 жана 7-январда эс алышат. Ошондой эле жазында май майрамдарына карата 9, 10, 11 жана 12-майда эс алуу күндөрү болот. Бул күндөр 25-февралга, 8-апрелге, 6-майга жана 2-сентябрга туш келген дем алыштардын эсебинен алынды, андыктан алар иш күнү болот. Мектептерде кышкы каникул 1-январдан 14-январга чейин уланат. Читать дальше...

Эмгек жана социалдык өнүгүү министрлиги Жети-Өгүздө чарчап калган наристенин окуясына байланыштуу билдирүү таратты. Анда баланын энеси ымыркайын туугандарына калтырып жатканын жергиликтүү социалдык органдарга расмий түрдө билдирбегени айтылат. Мекеменин Үй-бүлөнү жана балдарды коргоо башкармалыгынын башкы адиси Гүлзина Бообекова “Азаттык” радиосуна мындай окуяларга биринчи кезекте ата-эненин жоопкерчиликсиз мамилеси себеп экенин  айтууда: - "Балдар кодексинин” 76-беренесинде алар жооптуу экени так белгиленген. Читать дальше...

Быйыл Кыргызстанга чет өлкөдөн келген түз инвестициянын жалпы көлөмү кыскарды. Бул тууралуу “Азаттык” радиосуна Улуттук статистика комитети кабарлады. Мекеменин өкүлү Камила Тукееванын айтымында, былтыркы жылга салыштырганда бул көрсөткүч 31,5% кем болду: - Баткен, Чүй, Ысык-Көл облустарында жана Ош шаарында кескин азайды. Статистика комитетинин маалыматына караганда, 2017-жылы сырттан келген инвестиция 503 миллион долларга жеткен болсо, быйыл 345 миллионду түздү. Ошол эле учурда Кыргызстандан... Читать дальше...

Жалал-Абадда «Кыргызмунайгаз» ишканасынан ири өлчөмдө мунай уурдоого шектүү адам кармалды. Бул тууралуу облустук милиция кабарлады. Мекеменин маалыматына караганда, окуя ноябрь айында болгон. Жердин асты менен өтүүчү куурду тешип, 1,5 тонналык цистернага мунайды жашыруун куюп алып жаткан жеринен ууруну көрүп калышкан. Ыкчам издөө иштеринин натыйжасында Сузактын Күмүш-Азиз айылынын 31 жаштагы тургуну кармалып, азыр сурак берип жатат. Шектүүнүн айтымында, буга чейин ал 10 тоннадай мунай уурдаган. Читать дальше...