Новости за 03.05.2020

Тажикстандын Саламаттык сактоо министрлиги жекшембиде COVID-19га чалдыккан 52 жаңы бейтап катталганын билдирди. Коңшу өлкөдө илдетке кабылгандардын саны 128ге жетти. Бул тууралуу мамлекеттик телеканалдын кечки программасында учкай гана айтылды. Соңку күндөрү 200 кишиден анализ алынып, үйлөрүнө жиберилгени маалым болду. Тажикстан 15 кишиден корноавирус аныкталганын 30-апрелде Дүйнөлүк саламаттык сактоо уюмунун делегациясы келердин алдында жарыялаган. Өлкө бийлиги бул бейтаптардын диагнозу 29-апрелде гана тастыкталганын билдирген. Читать дальше...

«Фейсбукта» Али Шабдан деген ат менен белгилүү жарандык активист Чынарбек Шабдановду Талас облустук ички иштер башкармалыгынын кызматкерлери суракка чакырган тасма 1-майда Интернетке чыкты.

Беларустун президенти Александр Лукашенко Минскиде өтө турган Улуу жеңиштин 75 жылдыгына арналган аскердик парадды башка күнгө которуу мүмкүн эмес экенин айтты. Лукашенко билдиргендей, коронавирус пандемиясына карабай 9-майда “миңдеген киши майрамдын өтүшүн каалайт”. Лукашенко “көпкө ойлонгонун”, бирок согуштун ардагерлери “аларды иш-чарага алып келүүнү талап кылып жатканын” белгиледи. Президент "ардагерлер бийлик короноавирустан чочулап, парад уюштурбай койду деген ойдо калбасын" деп кошумчалады. Читать дальше...

3-майда ооган бийлиги Герат провинциясынын батышындагы дарыядан ирандык чек арачылар сууга күч менен айдап киргенде чөгүп кеткен оогандыктардын сөөгүн таап чыгара баштады. 2-майдагы ооган тышкы иштер мекемесинин билдирүүсүндө окуя боюнча иликтөө башталганы айтылган. Канча ооган мигрант каргашага кабылганы башында белгисиз болуп, мындай окуяны аймактагы Ирандын консулдугу четке каккан. Ооган прездентинин администрация өкүлү билдиргендей, баштапкы маалыматка караганда Гераттан Ирандын аймагына... Читать дальше...

Бишкек мэриясынын аппарат башчысы Балбак Түлөбаев аз камсыз болгон үй-бүлөлөргө жергиликтүү бийликтин, өкмөттүн, кайрымдуулук фонддорунун жана ишкерлердин аракети менен таратылган жардам боюнча маалымат берди. Анын айтымында, айрым аймактардагы жардам берүү боюнча тийиштүү кызматкерлерге кылмыш иши козголду. “Кээ бир жерлерде туура эмес таратылып калган учурлар бар. Бирок ал өтө көп эмес. Алар боюнча укук коргоо органдары менен кошо кээ бир маале башчыларына, айыл өкмөттөрүнө кылмыш иши козголуп жаткан учурлар бар”, - деди аппарат башчы. Читать дальше...

2-май күнү Лейлек районунун бир топ аймактарында мөндүр аралаш катуу жамгыр жаап, сел жүрдү. Топон суу бир топ короолорду, үйлөрдү басып, райондогу беш айыл таза суусуз калды. Район аймагында өзгөчө кырдаал жарыяланып, жарандык коргоо штабы чыгымдарды эсептеп жатат. Тийиштүү мекемелер күчөтүлгөн тартип менен иштөөгө өттү.

3-май - Дүйнөлүк сөз эркиндигинин күнүнө карата “Журналисттер” коомдук бирикмеси жыл сайын карикатура сынагынын жыйынтыгын чыгарып, Бишкектеги жогорку окуу жайларынын биринде көргөзмө уюштурат. Бирикменин маалыматына караганда, быйыл өлкөдөгү өзгөчө абалдан улам иш-чараны өткөрүү белгисиз мөөнөткө жылдырылды. Ал эми карикатураларды кабыл алуу 15-майга чейин узартылды.  "Сөз эркиндиги карикатуристтердин көз карашында" деп аталган сынакка каалаган сүрөтчү катыша алат. Сынак эки жылдан бери "Сорос"... Читать дальше...

Айыл чарба, тамак-аш өнөр жайы жана мелиорация министри Эркинбек Чодуев 3-майдагы онлайн брифингде Бирикккен Улуттар Уюмунун (БУУ) коронавирус пандемиясына байланыштуу дүйнөдөгү азык-түлүк коопсуздугу боюнча божомолун белгилеп, кыргыз дыйкандарын бош жер калтырбай иштетүүгө чакырды. “Дүйнө жүзүндө ачарчылык болушу мүмкүн деген кооптонуу бар. Ошондуктан бизди бир да сотых жерди кур калтырбай өзүбүзгө керектүү болгон буудай жана башка өсүмдүктөрдү эгүүгө чакырып кетем”, - деди Чодуев. Ал сугат... Читать дальше...

3-майда түштөн кийин нөшөрлүү жамгырдын артынан Жалал-Абад облусунун Аксы районундагы Жаңы-Жол айыл аймагында сел жүрдү.  Өзгөчө кырдаалдар министрлиги билдиргендей, жолдун жээгиндеги арыктардан суу ташкындап үч турак жайдын, азык-түлүк саткан үч дүкөндүн короосун каптады. Жолдун бир бөлүгүн суу жеп кетти.  Куткаруучулар жана башка адистер жеринде тазалоо иштерин жүргүзүшүүдө. Жолдун бир тарабына таш тизип жатышат.  2-май күнү кечке жуук мөндүр аралаш катуу жааган жамгырдын айынан Лейлек районундагы бир катар айылдарда да сел жүргөн. Читать дальше...

Түркияда 1-июндан баштап тейлөө кызматындагы ишканалар жана мейманканалар коронавирус менен күрөшүү эрежелерине ылайык иштей баштайт. Түркиядагы кыргызстандык ишкерлер мындай чектөөлөргө кандай туруштук берип жатышат?

Биринчи вице-премьер-министр Кубатбек Боронов жана президенттин аппарат жетекчисинин биринчи орун басары Алмаз Кененбаев мурдагы “Манас” транзиттик жүк ташуу борборунун аймагында даярдалган обсервациялык жайдын абалы менен таанышты. Бул тууралуу өкмөттүн басма сөз кызматы маалымдады.  Бороновдун айтымында, бул борбордогу алты корпус оңдолуп, 670 кишилик обсервациялык жай даярдалды. “Палаталар санитардык-эпидемиологиялык ченемдерге жооп берет. Бул имараттарды обсервация катары пайдаланууга болот... Читать дальше...

2-майда Казакстандын Шымкент шаарынын аэропортуна чартердик авиакаттам менен Таиланд жана Камбоджадан 24 кыргызстандык келген. Ал жерден жарандар атайын транспорт менен Кыргызстандын Саламаттык сактоо министрлигинин кызматкерлеринин коштоосунда Бишкекке жеткирилди. Алар учурда обсервацияда жатышат. Бул тууралуу республикалык штабдан маалымдашты. Кыргызстандыктарды кайтаруу эки өлкөнүн Тышкы иштер министрликтеринин кызматташуусунун алкагында ишке ашты. (TSh)

Өзгөчө абал учурунда кызмат өтөгөн милиция кызматкерлерине кошумча акчаны төлөп берүү боюнча 12 кишиден турган комиссия иштеп жатат. Бул комиссия ар бир кызматкердин өзгөчө абал шартында кылган ишине жараша төлөнүүчү каражатты аныктайт. Комиссия Конституциянын, “Өзгөчө абал жөнүндө” мыйзамдын жана өзгөчө абал тууралуу башка токтомдордун, укуктук-ченемдик актылардын талаптары менен шарттарын эске алып, чечим чыгарат.  Мындан тышкары аймактардын коменданттары өзгөчө абал учурунда кызмат өтөгөн милиция... Читать дальше...

3-майда Израилдин Жогорку соту эки күндүк угуу баштап, анда коррупцияга айыпталган премьер-министр Биньямин Нетаньяхуга жаңы өкмөттү түзүүгө укук берилеби же жокпу аныктайт. Сот Нетаньяхуну колдобогон чечим чыгарса, анда 2019-жылдын апрелинен берки төртүнчү шайлоого жол ачылмакчы. 20-апрелде Нетаньяху жана анын атаандашы Бенни Ганц  коалициялык өкмөттү куруу үчүн мунасага келишти. Ага ылайык, эки саясатчы өкмөттү кезектешип жетектейт. 10 жылдан ашуун бийликте турган, учурда убактылуу өкмөттү... Читать дальше...

Ирандын президенти Хасан Роухани мамлекеттик телеканалдан коронавирус жайылуу коркунучу аз аймактарда 4-майдан тартып мечиттер ачыларын билдирди. Ислам жумуриятында марттын башынан тартып коронавирус жайылып кеткенде мечиттер жабылган. Роухани 3-майдагы атайын комитет өткөргөн телеконференцияда өлкөнүн административдик аймактарынын үчтөн биринде, 132 райондо “мечиттер кайра ачыларын” айтты. Роухани “чогуу намаз окуганга караганда обочо болуу маанилүү” экенин белгилеп, ислам оболу жеке коопсуздук чараларын жактарын... Читать дальше...

3-майда өкмөт башчы Мухаммедкалый Абылгазиев Баткен облусунун Исфана шаарындагы селдин кесепеттерин жоюуга байланыштуу маселени талкуулаган жыйын өткөрдү. Жыйында өзгөчө кырдаалдар министри Замирбек Аскаров нөшөрлөгөн жамгырдан улам сел жүрүп, анын кесепетинен административдик мекемелерди жана турак жайларды суу каптаганын маалымдады. Министрдин маалыматына караганда, аймакты электр энергиясы менен камсыздоо калыбына келтирилди. Учурда селдин кесепеттерин жоюу жана келтирилген материалдык чыгымдын көлөмүн аныктоо иштери жүрүп жатат. Читать дальше...

Өзбекстандын Сыр-Дарыя облусундагы Сардаба суу сактагычынын жырылып кетишине байланыштуу кылмыш иши козголуп, аны териштирүү Улуттук коопсуздук кызматына жүктөлдү. Башкы прокуратуранын басма сөз кызматы билдиргендей, иш Кылмыш кодексинин 207-беренесинин 1-бөлүгү ("Милдетине шалаакы мамиле кылуу") жана 258-берененин 2-бөлүмү ("Тоо-кен, курулуш же жардыруу иштеринин коопсуздук эрежелерин бузуу") менен териштириле баштады. Ал арада окуяны чагылдырып жүргөн журналисттерди Ички иштер министрлигинин кызматкерлери кармап кетти. Читать дальше...

4-майдан тартып Ысык-Көл облусунун тургундарына башка аймактарга барууга тыюу салынат. Мындай чечим 3-майда облустук ыкчам штабдын отурумунда кабыл алынды. Ага ылайык, аймак тургундары жүйөлүү себептер менен башка региондорго райондук администрациялардын жана Каракол, Балыкчы шаардык мэриялардын өткөрмө уруксат кагаздарынын негизинде гана чыга алышат. Облус аймагына кирген учурда жарандар экспресс-тест же ПЦР анализ тапшыргандыгы жөнүндө маалымкатты көрсөтүүгө тийиш. Ошондон кийин 14 күндүк үй карантинине алынат. Читать дальше...

Бириккен Араб Эмираттарынын бийлиги менен сүйлөшүүлөрдүн натыйжасында 3-майда 180 кыргызстандык Дубай-Бишкек каттамындагы чартердик учак менен мекенине келишти. Коопсуздук чаралары үчүн жүргүнчүлөрдүн баары аба майданынын имаратына киргизилбестен, учуу тилкесинен тейленип, обсервацияга жөнөтүлдү. 26-апрелде Дубайдан 178 кыргызстандык учуп келген. Тышкы иштер министрлиги Дубай-Бишкек каттамындагы кийинки чартердик учак 10-майда уюштуруларын маалымдады. Коронавируска байланыштуу чек аралар... Читать дальше...

4-майда түнкүсүн көпчүлүк аймактарда жаан жаап, күн күркүрөйт, бийик тоолуу райондордо карга айланат. Ош, Жалал-Абад, Ысык-Көл облустарынын кээ бир райондорунда жаан-чачын катуу жаайт. Күндүз Ысык-Көл облусунун кээ бир райондорунда жаан жаап, күн күркүрөйт, бийик тоолуу райондордо карга айланат. Калган аймактарда жаан-чачын жаабайт. Батыштан соккон шамалдын ылдамдыгы секундасына 4-9 метрден, түнкүсүн Ысык-Көл акваториясында 15-20 метрге жетиши күтүлөт. Абанын температурасы: Чүй өрөөнүндө түнкүсүн 7…12... Читать дальше...

4-майда түнкүсүн жана 5-7-май күндөрү Кыргызстандын аймагында туруксуз аба ырайы күтүлөт. Көпчүлүк аймактарда мезгил-мезгили менен жаан жаап, күн күркүрөйт, бийик тоолуу райондордо жамгыр карга айланат. Бул күндөрү Ош, Жалал-Абад, Баткен жана Ысык-Көл облустарынын кээ бир райондорунда жаан-чачын катуу жаайт. Кээ бир тоо этектеринде жана тоолуу райондордо мөндүр жаайт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы төмөндөйт. Читать дальше...

Өзбекстандагы Сардаба суу сактагычында дамба жырылгандан кийин Казакстандын Мактаарал районунда төрт айылдын эли коопсуз жерге эвакуацияланды. Бул тууралуу Казакстандын Түркстан облусунун бийлиги билдирди. Акимиаттын билдиргенине караганда, Өзбекстанда суу сактагычтагы суунун деңгээлин азайтуу максатында  сууну коё беришкен. Андан улам чек аралаш Мактаарал районундагы коллекторлордон суу ташып, айыл-кыштактарды каптаган. Жергиликтүү бийлик 2-майда аймакта өзгөчө кырдаал жарыялады. Адам өмүрү кыйылган учурлар катталган жок. Читать дальше...

Москвада коронавируска чалдыккан кыргызстандыктар илдетин жашырып, ооруканаларга кайрылуудан баш тартып жатышат. Алардын арасында өз алдынча дарылангандар да жок эмес.

Коронавирус илдетинен 2-майда республикалык жугуштуу оорулар ооруканасында каза болгон 69 жаштагы адам 28-апрелде чартердик каттам менен Екатеринбургдан учуп келген. Бул тууралуу коронавируска каршы күрөшүү боюнча республикалык штаб маалымдады. Маалыматта айтылгандай, Жалал-Абад облусунун тургуну Екатеринбургдан 28-апрелде учуп келгенден кийин обсервацияга алынган. Анализдери текшерилип, анда COVID-19 вирусу бар экенин тастыкталган соң республикалык инфекциялык клиникалык ооруканага которулган. Маркум мурда жүрөктүн тубаса ишемиялык илдети... Читать дальше...

Аскердик дарыгерлер орус армиясында кызмат өтөп жаткан 1177 жоокерден, Коргоо министрлигинин окуу жайларындагы 1195 курсанттан жана 320 жарандык кызматкерден коронавирус илдетин аныкташкан. Жалпысынан март айынан тартып 2-майга чейинки аралыкта Орусиянын куралдуу күчтөр тармагында 2 692 адам вирусту жуктуруп алган. Орусиянын коргоо министри Сергей Шойгу 28-апрелде оорунун аскердик мөөнөтүн аяктап, үйүнө кайтуучу жоокерлердин арасында жайылып кетүүсүнө жол бербөө үчүн бир катар чараларды киргизген. Читать дальше...