Новости за 19.10.2021

19-октябрда Европарламенттин Страсбургдагы жыйынында Евробиримдиктин менен Польшанын расмий жетекчилеринин ортосунда мыйзам үстөмдүгүнө байланыштуу кайчы пикирлер жаралды. Буга октябрь айынын башында Польшанын Конституциялык сотунун Евробиримдик менен келишимдердин айрым шарттарын четке каккан чечими себеп болду. Еврокомиссиянын президенти Урсула фон дер Ляйен соттун өкүмүн Евробиримдиктеги ынтымакка доо кетирген маселе катары мүнөздөдү. Ал расмий Брюссел Варшаванын Евробиримдиктин баалуулуктарына шек келтиришине каршы чара көрөрүн айтты. Читать дальше...

Жоочулардан келген коркунучка камтама болгон кытайлык аскерлер Тажикстанда атайын курулуш жүргүзүп, байкоочу мунараларды орнотту. Алар Ооганстанга багытталган коопсуздук күчтөрүн ушинтип чыңдап жатат. Вахан коридорунан анча алыс эмес ээн аймакта, Тажикстандын тоолуу бөлүгүндө жана Ооганстандын түндүк-чыгышында Кытай өзүнүн аймактык дымагын жаңы реалдуулукка ылайыкташтырууда. Кытай аскерлери советтик эски аванпосттордун жанында эң аз дегенде беш жылга калууну пландап турат. Алар бул стратегиялык... Читать дальше...

Акыркы беттеште Ниязов 130 килограмм салмакта россиялык Игорь Полетаев менен кармашып, жыйынтыгында 10:4 эсебинде жеңген.

Талант Бегалиев 56-60 жаштагылар арасында 70 килограмм салмак менен күрөшүп, финалда америкалык атаандашын 11:0 эсебинде уткан.

"Талибан" түзгөн ооган өкмөтүнүн ички иштер министри, "дүйнөдө эң катуу изделген террорчу" деп мүнөздөлгөн Сиражуддин Хаккани жанкечти чабуулдарын уюштургандарды кубаттап, алардын жакындарына акча жана жер убада кылды. Ал чуулгандуу ишмердиги менен таанымал "Хаккани" түйүнүн жетектейт. АКШ анын башына 10 миллион доллар сайган. Талиб өкмөтүнүн Ички иштер министрлигинин басма сөз катчысы Саид Хости билдиргендей, 18-октябрда Сиражуддин Хаккани Кабулдагы "Интерконтиненталь" мейманканасында "шейит... Читать дальше...

Учурда абакта жаткан саясатчы Равшан Жээнбеков ден соолугу начарлап, дарыгерлердин кароосунан өткөнүн уулу Азат Равшан "Фейсбуктагы" баракчасына жазды. "Бүгүн атам ооруканада медициналык кароодон өткөрүлдү. Бардыгы жакшы болот деп ишенем". Равшан Жээнбековдун адвокаты Замир Жоошевдин "Азаттыкка" билдиргени боюнча, саясатчы кароодон өткөн медициналык борбор ал "өнөкөт гепатитке" жана башка вирустук-инфекциялык ооруларга чалдыкканын лабораториялык жактан тастыктаган. "Равшан Жээнбеков өзүнүн... Читать дальше...

АКШ Украинанын коргонуу мүмкүнчүлүктөрүн өнүктүрүү аракеттерине көмөктөшүүнү улантат. Бул тууралуу АКШнын коргоо министри Ллойд Остин 19-октябрда Киевде украин кесиптеши Андрей Таран менен биргелешкен маалымат жыйынында айтты. "Украинанын суверендүүлүгү менен аймактык бүтүндүгүнө карата АКШнын колдоосу бекем. Биз кайрадан Орусияны Крымдагы оккупациясын, Украинанын чыгышындагы согушту козутуу аракетин жана Кара деңиздеги дестабилдештирүүчү ишмердигин токтотууга чакырабыз", - деди Остин. Пантагондун... Читать дальше...

Чехиянын президенти Милош Земандын саламаттыгына байланыштуу дарыгерлер аны иштөөгө жөндөмсүз деген тыянак чыгарды. Парламенттин эки палатасында президенттин ыйгарым укуктарын алуу маселеси Конституциялык тартипте каралганы турат. Сенаттын Конституция боюнча комиссиясы президенттин ыйгарым укуктарын мөөнөтүнөн мурда токтотууну бир добуштан колдоду. Премьер-министр президенттин кеңсесинин башчысын Земандын кызматтык милдетин аткара албай калган абалын жашырган деп айыптады. Медициналык корутунду... Читать дальше...

Мурдагы президент Алмазбек Атамбаевге 11 жыл чегерген сот өкүмү кайрадан күчүнө кирди. Мындай өкүм ага "Батукаев иши" боюнча чыккан. Быйыл жазында кыргыз-тажик чек арасында болгон куралдуу жаңжалга байланыштуу 527 материал иликтенип жатат.

Эл аралык валюта фондунун (ЭВФ) прогнозу боюнча быйыл Ооганстандын экономикасы 30 пайызга төмөндөйт. Бул тууралуу фонддун 19-октябрда жарыяланган Жакынкы Чыгыш жана Борбор Азия боюнча регионалдык экономикалык баяндамасында айтылат. Ага ылайык, ооган экономикасынын төмөндөшү миллиондогон адамдарды жакырчылыкка кириптер кылып, качкындардын санын көбөйтүшү мүмкүн. Анын кесепети коңшу өлкөлөргө, Түркияга жана Европага да тийиши ыктымал. Фондун эсеби боюнча, эгер 1 миллион оогандык качкынга айланса... Читать дальше...

Борбордук шайлоо комиссиясы Жогорку Кеңешке шайлоого катышуу ниетин билдирген 21 партиянын документин кабыл алды. Андан тышкары шайлоого бир мандаттуу округдан катышуу үчүн арыз берген 380дей адамдын ичинен азырынча 80ден ашык талапкер расмий катталды. "Аламанга" аттанган партиялар Борбордук шайлоо комиссиясы (БШК) Жогорку Кеңешке шайлоого катышууну каалаган партиялардан жана бир мандаттуу округдардан талапкерлигин көрсөткөндөрдөн документтерди кабыл алууну токтотту. Мыйзам боюнча, документ тапшырууга... Читать дальше...

Президенттин Баткен облусундагы өкүлчүлүгү элден чогулган каражаттын сарпталышы боюнча 19-октябрда маалымат берди. "Бүгүнкү күнгө чейин бул каражаттан 72,683 млн. сому куралдуу жаңжалда кыйраган үйлөрдү калыбына келтирүү жана курууга бөлүнгөн. Учурда анын 52,981 млн. сому сарпталып, дагы 20,584 млн. сомдук иш аткарылуу алдында турат", - деп жазылган маалыматта. Чек ара жаңжалында жаракат алган 16 адамдын дарылануусуна жана чек арадагы айылдарда жашаган балдарды эс алдырууга 1,8 млн. сом жумшалган. Читать дальше...

Саламаттык сактоо министрлигинин алдындагы Дары-дармектер жана медициналык аппараттар департаменти мамлекеттик жөнгө салууга тийиш болгон дары-дармектердин тизмесин жаңыртты. Тизмеге азитромицин, ампициллин, ибупрофен, диклофенак, парацетамол, квамател, лоратадин сыяктуу дарынын 42 түрү кирген. Бул тууралуу маалымат аталган департаменттин расмий сайтына жарыяланды. Тизмеде дарынын сырттан алынып келингендеги баасы, дүң жана чекене баасы көрсөтүлгөн. Дары-дармек базарындагы абал боюнча маселе 13-октябрда парламентте көтөрүлүп... Читать дальше...

Кыргызстанда соңку бир жылда автоунаалар кымбаттап, өлкө боюнча автоунаа тартыштыгы байкала баштады. Мисалы, бир жыл мурун 4,5 миң долларга бааланып жаткан "Хонда Фит" азыр 5 500 долларга сатылууда. Буга сырттан жаңы машинелердин келбей жатышы себеп болгону айтылып жатат. Мындан тышкары жакшы автоунааларды Казакстан жана Орусиянын жарандары сатып алууда.

Жогорку сот “Батукаев иши” боюнча мурдагы президент Алмазбек Атамбаевди 11 жылга кескен райондук жана шаардык соттун өкүмүн кайра күчүнө киргизди. Былтыр октябрь окуяларынан кийин Жогорку сот Атамбаевге чыккан айыптоо өкүмүн жокко чыгарып, кайра кароого жөнөткөн. Парламенттик шайлоону утурлай күчүнө кирген сот өкүмүн Атамбаевдин тарапташтары "саясий чечим" деп атоодо. Абакта жаткан мурдагы президент Алмазбек Атамбаевди 11 жылга кескен сот өкүмдөрү кайрадан күчүнө кирди. Бир жыл мурда Атамбаевдин айыптоо өкүмүн жокко чыгарып... Читать дальше...

Sputnik Кыргызстан агенттигинин кабарчысы Таалайгүл Усенбаева кыргыздын сыймыктуу спортчуларынын бири Айпери Медет кызын кепке тартып, маектешти.

Улуттук коопсуздук боюнча мамлекеттик комитеттин төрагасы, жакында Министрлер кабинетинин төрагасынын орун басары болгон Камчыбек Ташиев мамлекеттик “Ала-Арча” резиденциясында жашап жатканын 19-октябрда kaktus.media басылмасы жазып чыкты. Мекеме өзү тапкан маалыматтарга таянып, Ташиев резиденцияда мурдагы президент Алмазбек Атамбаев курдурган үйдө турганын маалымдады. Басылмага курган маегинде аталган резиденциянын директору Адилет Билимбек уулу Ташиев резиденцияда жашап жатканын ырастап, бирок ал кайсы үйдө жашап жатканын тактаган эмес. Читать дальше...

Дүйнөдө коронавирустан көз жумгандар төрт жарым миллион кишиден ашты. Орусия менен Украина акыркы бир жумадан бери вирустан өлгөндөрдүн санын ооздуктай албай жатат. Эки мамлекетте тең акыркы суткадагы статистика өлүм саны жогору экенин көрсөтүүдө. Латвияда төрт жумалык толук локдаун жарыяланды.

Бишкек шаарында жыл башынан бери жарандардын курч мүнөздөгү респиратордук вирустук инфекциясына (ОРВИ) кабылган 52 миң 86 учур катталды. Бул тууралуу Мамлекеттик-санитардык эпидемиологиялык көзөмөл борборунун Бишкек башкармалыгынын дарыгер-эпидемиологу Азамат Жумгалбеков 19-октябрда атайын басма сөз жыйынында кабарлады. Бул былтыркы жылга салыштырмалуу 21% көп. Өткөн жылдын тиешелүү мезгилинде борбордо сасык тумоо менен ооруган 42 миң 19 учур катталган эле. Быйылкы ооругандардын 32 миңдейи 14 жашка чейинки балдардын арасында катталса... Читать дальше...

Талас шаарында киши колдуу болгон адамдын сөөгү табылды. Бул тууралуу "Азаттыкка" жеке булактар маалымдады. Ага ылайык, маркумдун сабалганы жана ок атуучу курал менен атылганы белгилүү болгон. Облустук милиция бул факт боюнча комментарий бере элек. Улуттук статистика комитетинин маалыматына караганда, Кыргызстанда быйыл кылмыштуулуктун деңгээли былтыркыга салыштырганда бир катар көрсөткүчтөр боюнча кыйла жогорулады. Мекеме Башкы прокуратуранын маалыматына таянып жазгандай, январь-июнь айларында жалпысынан өлкө аймагында 23,5 миң кылмыш... Читать дальше...

19-октябрда Кыргызстандын тышкы иштер министринин орун басары Азизбек Мадмаров Европа коопсуздук келишими уюмунун Демократиялык институттар жана адам укуктары боюнча бюросунун (ЕККУ ДИАУБ) Жогорку Кеңештин шайлоосуна байкоо жүргүзүү боюнча миссиясынын башчысынын орун басары Полина Лемос менен жолукту. Бул тууралуу Тышкы иштер министрлиги (ТИМ) кабарлады. Мадмаров чакырууну кабыл алгандыгы үчүн уюмдун өкүлүнө ыраазычылык билдирип, алдыдагы шайлоону ачык өткөрүү аракеттери тууралуу маалымдады. ... Читать дальше...

Жогорку Кеңештин Бюджет жана финансы комитети 19-октябрдагы жыйынында Министрлер кабинети менен “Электр станциялары” ачык акционердик коомунун ортосундагы макулдашуунун долбоорун жактырды. Документ компанияга 650 млн. сом бюджеттик насыя берүү маселесин камтыйт. Энергетика жана өнөр жай министринин орун басары Таалайбек Ибраев жыйында кабарлагандай, насыя электр энергиясын сырттан импорттоп келүү  жана Бишкек менен Оштун жылуулук электр борборлоруна (ЖЭБ) отун сатып алуу үчүн керектелет. Ал “Токтогул”... Читать дальше...

USAIDдин “Жигердүү жарандар” долбоору Саламаттык сактоо министрлиги менен биргеликте 2021-жылдын жаз айында кыргыз-тажик чек арасындагы куралдуу жаңжалдан жабыркаган Баткен районунун тургундарына психологиялык жардам көрсөтүү программасын ишке ашыра баштады. Бул тууралуу USAIDдин расмий сайтында кабарланды. “Жигердүү жарандар” долбоорунун аталган программасы 2021-жылдын сентябрь айынан 2022-жылдын январына чейин “Үй-бүлө жана коом” коомдук бирикмеси менен өнөктөштүктө медиктерди окутуу, психологиялык... Читать дальше...

Amnesty International ("Эл аралык мунапыс") укук коргоо уюму Кытай менен Орусия баштаган бир катар өлкөлөр коронавирус пандемиясы маалында сөз эркиндигин чектеп, сынчыл көз караштагы адамдарга басым көрсөткөнүн билдирди. Баш кеңсеси Лондондо жайгашкан уюмдун мындай мазмундагы "COVID-19 маалында сөз эркиндиги коркунучта" аттуу баяндамасы 19-октябрда жарыяланды. Анда дүйнөдө туура эмес маалыматтардын көбөйүшү менен бирге бир топ өлкөлөрдө сөз эркиндигине чабуул күчөгөнү, бул элдин так маалымат алуу мүмкүнчүлүгүн чектеп койгону белгиленген. Читать дальше...

Бүгүн, 19-октябрда Бишкек шаарында пандемия учурунда кесиптик милдеттерин аткаруу учурунда каза болгон медицина кызматкерлерине жана медициналык  окуу жайлардын студенттерине арналган айкел ачылды. Эстелик Иса Ахунбаев атындагы Кыргыз мамлекеттик медициналык академиясынын башкы корпусунун жанындагы гүл бакчада орнотулган. Анын ачылыш аземине мамлекеттик катчы Сүйүнбек Касмамбетов катышып, Кыргызстандын эли оор мезгилди башынан кечиргенин, коронавирус  менен күрөшүүдөгү дарыгерлердин өлчөнгүс эмгеги жана каармандыгын белгиледи. Читать дальше...