Новости за 31.10.2021

Ооганстандын чыгышында өздөрүн талибдер деп тааныштырган куралчан топ үйлөнүү үлпөтүнүн конокторуна ок чыгарып, кеминде эки кишини өлтүрүп, он адамды жарадар кылды. Окуяга тойдо жаңырган музыка себеп болгону айтылды. Күбөлөрдүн бири "Би-Би-Си" кызматына Нангархар провинциясында төрт түгөй биргелешкен үйлөнүү үлпөт той уюштурганын билдирди. Маалыматка караганда, той ээлери жергиликтүү талибдердин лидерлеринен майрам учурунда музыка колдонууга уруксат сурашкан. Музыка аялдар отурган жакта гана жаңырышы керек деген талап коюлган. Читать дальше...

Орусиянын президенти Владимир Путин "Чоң жыйырмага" (G20) кирген өлкөлөрдүн саламаттык сактоо министрлерине COVID-19га каршы улуттук эмдөө сертификаттарын өз ара таануу маселесин тез арада чечүүгө чакырды. Путин бул сунушту 30-октябрда "Чоң жыйырманын" өкүлдөрүнө жолдонгон видео кайрылуусунда айтты. Анда ал Орусиянын Sputnik-V вакцинасы эл аралык деңгээлде таанылбай жатканына нааразылыгын билдирди. Путин "Чоң жыйырманын" чечимдерине карабастан, муктаж болгон бардык өлкөлөр коронавируска каршы вакциналарга жете албай жатканын билдирди. Читать дальше...

Кыргыз эл жазуучусу, белгилүү драматург Мар Байжиев 86 жаш курагында акка моюн сунду. Маркум менен коштошуу зыйнаты бүгүн, 31-октябрда Бишкекте, Абдылас Малдыбаев атындагы опера жана балет театрында өттү. Сөөгү "Ала-Арча" көрүстөнүнө коюлду.

Бишкекте 1-ноябрдан баштап жүргүнчүлөр троллейбуска жана автобуска 11 сомдон, маршруттук кичи автобустарга 15 сомдон төлөшөт. Шаардык кеңеш 28-сентябрда ушундай токтом чыгарган. Мэрия Бишкекте жүргүнчүлөрдү ташууга 1,5 миң автобус зарыл экенин билдирген. Сентябрдагы эсепте 75 автобус, 120 троллейбус бар. Муниципалдык транспорттон тышкары "Шыдыр жол" ишканасынын 14 автобусу каттамга чыгат. “Эко Эл ташуу” компаниясы 210 автобус алып келген. Булардан тышкары 600дөн ашуун кичи автобус эл ташыйт.... Читать дальше...

Ирандын жарандык коргонуу уюмунун башчысы, өлкөнүн кибер коопсуздугун көзөмөлдөгөн Голамреза Жалили ушул аптанын ортосунда Ирандын май куюучу станцияларына жасалган кибер чабуул үчүн АКШ менен Израилди айыптады. Бирок ал техникалык иликтөө аягына чыга электигин эскертти деп жазды "Интерфакс". Жалили мамлекеттик телеканалга берген маегинде: «Биз азырынча экспертизалык тыянак менен сүйлөй албайбыз, бирок аналитикалык көз караштан алганда, мен муну сионисттик режим, америкалыктар жана алардын агенттери жасады деп эсептейм», - деди. Читать дальше...

Президент Садыр Жапаров 31-октябрда, иш сапары менен Шотландиянын Глазго шаарына учуп кетти. Мамлекет башчысы 1-2-ноябрь күндөрү БУУнун климаттын өзгөрүшүнө арналган конференциясына катышат жана дүйнө лидерлеринин саммитинде кайрылуу жасайт. Расмий кабарга ылайык, Жапаров саммиттин алкагында чет өлкөлүк кесиптештери, эл аралык климаттык уюмдардын жана көп тараптуу өнүктүрүү банктардын жетекчилери менен жолугушат. Делегациянын курамында тышкы иштер министри Руслан Казакбаев, Министрлер кабинетинин төрагасынын орун басары Эдил Байсалов... Читать дальше...

"Роза Отунбаеванын демилгелери" эл аралык коомдук фонду ЮНИСЕФтин колдоосу менен ишке ашырган "Илимдеги кыздар" долбоорунун биринчи баскычы жыйынтыкталды. Алгачкы беш айда 113 ментор 800 окуучу кыз менен иштешти.

Кыргызстанда медиа коомчулук КТРКны кайрадан мамлекеттик каналга айландыруу саясатына нааразы. Алар мындай аракет башкы каналдын ишин демократиялык негизде жүргүзүүгө каршы келерин айтышууда. Буга чейин президент Садыр Жапаров Коомдук канал Байкоочу кеңештин мүчөлөрүнүн гана кызыкчылыгын көздөп калганын сындап, аны мамлекеттин карамагына өткөрүү керектигин билдирген. Министрлер кабинетинин төрагасынын орун басары Эдил Байсалов Коомдук телерадиокорпорация эфирде криминалдык тасманы көрсөткөнүн сындап чыкты. Читать дальше...

1-ноябрда Нарын облусунун кээ бир райондорунда жамгыр, кар жаайт. Башка аймактарда жаан-чачын болбойт. Батыштан жел согуп турат. Абанын температурасы: Чүй өрөөнүндө түнкүсүн -1...+4, күндүз 11...16, Талас жергесинде түнкүсүн -3...+2, күндүз 10...15, Баткен, Ош, Жалал-Абад облустарында түнкүсүн 0...5, күндүз 13...18, Ысык-Көл дубанында түнкүсүн -2...+3, күндз 8...13, Нарын облусунда түнкүсүн -2...-7, күндүз 5...10, Бийик тоолуу райондордо түнкүсүн -20....-25, күндүз -4...+1°. Бишкек шаарында жаан-чачын болбойт. Читать дальше...

Грузиянын Борбордук шайлоо комиссиясы жергиликтүү шайлоонун экинчи айлампасында башкаруучу партиянын талапкерлери жеңишке жеткенин жарыялады. Грузин оппозициясы бийлик шайлоону бурмалады деген негизде анын жыйынтыгын тааныбады. Беш ири шаарда – Тбилиси, Батуми, Рустави, Поти жана Кутаисиде мэрлер “Грузин кыялы” партиясынан болот. Тбилисидеги мэр шайлоодо аталган партиянын талапкери Каха Каладзе 55,5% добуш менен утуп чыкты. Оппозициялык "Бириккен улуттук кыймылдан" ат салышкан Никанор Мелия 44,5% алды. Читать дальше...

UFC 267 турниринде россиялык мушкерлердин күнү тууду. Абу-Даби (БАЭ) шаарында өткөн кармашка Хамзат Чимаев, Ислам Махачев, Александр Волков, Петр Ян, Зубайра Тухугов жана башкалар катышты.

Аба акробатикасы боюнча дүйнө чемпиону Гүлбара Болотова 7-8 жылдан бери аталган спорт менен машыгып келе жатканын белгиледи.

Кыргыз Эл жазуучусу, белгилүү драматург Мар Байжиевдин сөөгү 31-октябрда Бишкектеги Ала-Арча көрүстөнүнө коюлду. Маркумду акыркы сапарга узатуу зыйнаты Абдылас Малдыбаев атындагы опера-балет театрында өттү. Иш-чарага мамлекеттик катчы Сүйүнбек Касмамбетов баштаган чиновниктер, акын-жазуучулар, маданият өкүлдөрү жана башка ондогон жарандар катышты. II даражадагы «Манас» жана «Данакер» ордендеринин ээси Мар Байжиев 29-октябрда 86 жаш курагында көз жумду. Мар Байжиевдин зыйнатын "Азаттык" түз алып көрсөттү. Читать дальше...

Бийлик бажы кызматынын башчылыгына 40 жаштагы бизнесмен Адилет Кубанычбековду алып келип, ага бажы салыгын көбөйтүү жана коррупцияны азайтуу милдетин койду. Адилет Кубанычбеков деген ким? Министрлер кабинети Мамлекеттик бажы кызматынын төрагасы болуп жаңы дайындалган Адилет Кубанычбековдун өмүр баяны жөнүндө толук маалымат берген жок. Интернетте, медиа айдыңда деле буга чейин Кубанычбеков жөнүндө кабарлар аз чыккан. 2018-жылы ошол кездеги өкмөт башчы Мухаммедкалый Абылгазиев катышкан SilkWay... Читать дальше...

Өзбекстанда жарандарды пахта теримге мажбурлап иштеткени үчүн беш аткаминер жоопко тартылды. Иш менен камсыз кылуу жана эмгек министрлиги кабарлагандай, аларга административдик жаза колдонулуп, айыппул салынды. Бирок жазалангандар кайсы кызматта иштегени, кайсы аймактан экени айтылган эмес. Мамлекеттик эмгек инспекциясына пахта терими мезгилинде мажбурлап талаага чыгарууга байланышкан 128 даттануу түшкөн. Дүйнөдөгү эң көп пахта өндүргөн өлкөлөрдүн бири болуп эсептелген Өзбекстанда мажбурлап иштетүүнү... Читать дальше...

Полиция кызматкеринин ишмердигине кийлигишкен деген айып менен камакка алынган беларустук журналист-иликтөөчү Денис Ивашинге "мамлекетке чыккынчылык" кылган деген айып тагылды. Бул тууралуу  Беларус Мамлекеттик коопсуздук комитетинин Гродно облусундагы башкармалыгы билдиргенин Mediazona.Belarus басылмасы жазды. Ал 15 жылга чейин эркинен ажыратылышы мүмкүн. Ивашин - эл аралык InformNapalm басылмасынын редактору. Быйыл 12-мартта Гродно шаарындагы батиринен кармалган. Июнь айында абакта журналисттин жүрөгү кармап калганы белгилүү болгон. Читать дальше...

31-октябрга карай Кыргызстанда коронавирустан дагы үч бейтап кайтыш болду. Үчөө тең вакцина албагандар экенин Коронавируска каршы республикалык ыкчам штаб кабарлады. Акыркы бир суткада 73 киши вирус жуктуруп алганы аныкталды. Алардын 33ү Бишкекте. Өлкөдө коронавирус жугуп кайтыш болгондордун расмий саны 2671ге жетти. Ооруга чалдыккандар 2020-жылдын март айынан бери 181 миңден ашып, алардын 175 миңден көбү айыкты. Коронавирус инфекциясына каршы 1 миллион 728 миңден ашуун адам вакцина алды. Анын миллионго чукулу биринчи дозаны... Читать дальше...