Новости за 08.02.2018

Соединетите Американски Држави ги повикаа силите на сирискиот претседател Башар ал-Асад и нивниот сојузник Русија да стават крај на воздушните напади и наводните хемиски напади врз областите кои се во рацете на бунтовниците. Портпаролката на Стејт департментот, Хедер Науерт, денеска изјави дека САД се „крајно загрижени за ескалацијата на насилството“ во провинцијата Идлиб, во областа Источна Гута во близина на Дамаск, како и во други области, „кои се загрозени од режимот на Асад и од руските воздушни напади. Читать дальше...

Главна тема во речиси сите медиуми е преговарачкиот процес за името. Тие пишуваат за можното решение, идентитетот, уставот, црвените линии.

За Србија 2025 година не значи бланко чек за влез во ЕУ, бидејќи за тоа се потребни тешки и неодложни реформи, изјави денеска еврокомесарот Јоханес Хан во обраќањето на конференцијата „Стратегија за Западен Балкан-Отварање на патот кон ЕУ“ во Белград. Во врска со заложбите за постигнување целосна нормализација на односите меѓу Белград и Приштина, Хан изјави дека не постои временска рамка за решавање на овој проблем, како што претходно се тврдеше до 2019 година, туку дека договорот треба да биде постигнат до пристапувањето во Унијата. Читать дальше...

Минатата година во Тетово секоја недела имало по еден случај во кој малолетник побегнал од дома. Пријавени се 67 бегства, од нив 66 биле пронајдени.

Хрватскиот премиер Андреј Пленковиќ изјави дека Хрватска ќе го покрене прашањето за наплата на воени репарации од Србија за време на посетата на српскиот претседател Александар Вучиќ на Загреб следната недела. „Барањата за воени репарации предизвикуваат оправдан интерес во јавноста и посетата на претседателот Вучиќ ќе биде можност да се разгледа тоа прашање“, рече Пленковиќ. Хрватска и Србија се двете најголеми поранешни југословенски републики и поранешни противници во војните од 90-те години на минатиот век... Читать дальше...

Шпанскиот министер за надворешни работи Алфонсо Дастис денеска рече дека присуството на доскорашниот каталонски лидер Карлес Пучдемон во Белгија и неговата желба да управува со Каталонија од далечина може долгорочно да им нанесат штета на „пријателските односи“ меѓу Шпанија и Белгија. Тој рече дека Пучдемон може да живее во Белгија, но оти неговата претензија да ја води Каталонија од далечина во некој момент ќе го отвори прашањето колку може тоа да трае , а да не влијае на пријателските односи меѓу двете земји. Читать дальше...

„Сјајна ѕвезда со лавовска грива“ е насловена поетската книга на Милан Јазбец, амбасадор на Словенија во Република Македонија, која како двојазично издание – на македонски и на словенечки јазик, беше промовирана во Мултимедијалниот културен центар „Матица ексклузив“, во рамките на одбележувањето на Прешерновиот ден.

Европратениците денеска усвоија резолуција со која ги осудија стотиците апсења извршени од страна на турските власти, со цел да се ограничат критиките за турската воена офанзива во Африн, стои во соопштение за медиумите од Европскиот парламент. Пратениците ги осудија апсењата на новинари, активисти, лекари и обични граѓани, кои изразиле противење на турската воена интервенција во сириската енклава Африн, која е под контрола на сириските Курди. Европратениците се сериозно загрижени за хуманитарните... Читать дальше...

Шефот на грчката држава Прокопис Павлопулос повторно упати остри заканувачки тонови кон Албанија, предупредувајќи ја дека доколу продолжи со инсистирање на „прашањето за Чамите“, го доведува во опасност своето членство во ЕУ. „Албанското раководство прави голема грешка што ги поддржува правата на некои кои беа нацистички соработници. Не можете да имате европски аспирации и да барате права на нацистички соработници. Кога Тирана ќе има поинаков став, тогаш Грција е тука да и помогне на соседната земја за ЕУ“, изјави Павлопулос. Читать дальше...

Десетици илјади луѓе присуствуваа на погребот на рускиот пилот Роман Филипов кој минатата недела загина во Сирија. Според извештаите, на погребот со воени почести на мајорот Филипов во неговиот роден град Вороњеж во југозападна Русија присуствувале околу 30 илјади луѓе. Министерството за одбрана соопшти дека Филипов се катапултирал од неговиот Сухој-25 кој бил погоден со противвоздушно оружје над територија под контрола на бунтивниците во северна Сирија на 3 февруари. Тој се самоубил со активирање на рачна бомба за да избегне заробување. Читать дальше...

Американскиот претседател Доналд Трамп упати порака со солидарност со луѓето подложени на „угнетување и верско прогонство“ низ целиот свет. Зборувајќи на Националниот молитвен појадок во Вашингтон, Трамп денеска рече дека Иран е една од земјите каде што граѓаните страдаат од рацете на власта. „Знаеме дека милиони луѓе во Иран, Куба, Венецуела, Северна Кореја и други земји страдаат под репресивни и брутални режими“, рече Трамп. На настанот организиран во хотел во главниот град на САД присуствуваа... Читать дальше...

Во воздушните и копнени напади на коалицијата предводена од САД во Сирија биле убиени повеќе од 100 владини борци, по „непровоцираниот напад“ врз седиштето на Сириските демократски сили кои се американски сојузник, информира американски претставни. Сириските владини сили броеле 500 луѓе, поддржани од артилерија и тенкови, вели американскиот претставник кој инсистира на анонимност. Нападнатата база на Сириските демократски сили се наоѓа во провинцијата Деие ал-Зор.

Одлуката по жалбата на руските спортисти кои сакаат да се натпреваруваат на Зимските олимписки игри во Јужна Кореја ќе бидат објавени на неколку часови пред церемонијата за отворањето на 9 февруари, соопшти Спортскиот арбитражен суд. Оттаму наведуваат дека пресудата ќе биде објавена во 11 часот по локално време, девет часови пред почетокот на церемонијата. Во декември Меѓународниот олимписки комитет и забрани на Русија да се натпреварува како тим на Зимските олимписки игри поради, како што ја нарече... Читать дальше...

Европскиот Парламент денеска го одобри предлогот за укинување на летното и зимското сметање на времето, но конечната одлука треба да ја донесе Европската комисија (ЕК) од која европратениците побараа да го поддржи ваквиот предлог. ЕК досега се залагаше за задржување на сезонското сметање на времето. Европратеникот Шон Кели од Ирска побара ЕК да излезе со препорака да се стави крај на менувањето на времето два пати годишно. Околу 70 пратеници од Европскиот Парламент на крајот на октомври минатата... Читать дальше...

Во секторот Железници алоцирани се над 71 милиони евра и ќе бидат искористени за изградба на дел од третата фаза на пругата кон Бугарија, делницата Крива Паланка-граничен премин Деве Баир, соопшти денеска Министерството за транспорт и врски. Оттаму велат дека одобрена ревидираната Секторска оперативна програма за транспорт 2014-2020, во рамки на ИПА 2 програма преку која за Македонија се обезбедени 127,2 милиони евра, од нив над 108 милиони евра од ИПА 2 програмата, а над 19 милиони од македонскиот Буџет. Читать дальше...

На аеродромот „Александар Велики“ во Скопје во околу 4 часот изутрината бил пронајден мртов 52-годишен британски државјанин, соопшти МВР, наведувајќи дека лицето кое не давало знаци на живот било пронајдено од страна на обезбедувањето на аеродромот. Смртта ја констатирал доктор од екипата на Итна медицинска помош, а по наредба на јавен обвинител телото е дадено на обдукција.

Вицепремиерот за европски прашања Бујар Османи денеска рече дека во Стратегијата на ЕУ за Западен Балкан се опфатени и владините очекувања и оти тие се задоволни. Сепак рече дека е неопходно да се работи на решавање на спорот за името со Грција и дека е потребно целосно, а не парцијално решение.

Претседателот на Европската комисија Жан Клод Јункер на 25 февруари ќе ја посети Република Македонија како прва земја од неговата турнеја на Западен Балкан во насока на презентација на Стратегијата на ЕУ за регионот, изјави денеска на прес-конференција вицепремиерот за европски прашања Бујар Османи. Тој презентираше анализа на пораките и содржините а Стратегијата на ЕУ за Западен Балкан објавена пред два дена во Стразбур. Тој вели дека Стратегијата ги исполнува сите очекувања на Македонија бидејќи... Читать дальше...

Името може да се реши само кога нема да зрачи иредентизам, бидејќи иредентизмот е спротивен на меѓународното право и на европското законодавство, изјави грчкиот претседател Прокопис Павлопулос наведувајќи дека Македонија треба да направи уставни промени за отстранување на иредентистичките позиции за потоа да се реши проблемот и земјата да влезе во НАТО, пренесува МИА. Тој рече дека за решение на прашањето за името Македонија треба да ги донесе сите промени во правниот поредок, особено во Уставот за да може да се најде решение... Читать дальше...

Во Кривичниот суд денеска почна главната расправа од судењето на обвинетите за обид за убиство на пратеникот Зијадин Села којшто се случи на 27 април минатата година во Собранието. Адвокатот на Села за својот клиент побара отштета од 30 милиони денари за материјалните трошоци за лекувањето на Села, за претрпена физичка болка, претрпен страв и повреда на личниот интегритет. На денешниот распит пред Судот е првиот сведок Горданче Соколовски вработен во фирмата што го поставувала видео надзорот во Собранието... Читать дальше...

Претседателите на Турција и Русија, Реџеп Таип Ердоган и Владимир Путин, во телефонски разговор се договорија за интензивирање на координирањето на акциите на вооружените сили и специјалните служби од двете држави заради борбата против терористите кои го прекршуваат прекинот на огнот. Ердоган на Путин му изразил сочувство во врска со загинувањето на рускиот воен пилот Роман Филипов, чиј авион Су-25 на 3 февруари беше соборен над зоната за деескалација во северозападната сирииска провинција Идлиб.

Во борбата против корупцијата се уште нема видливи резултати, велат од невладините организации кои работат во оваа област. Упатените посочуваат дека се остава простор работите да продолжат како и порано, само во друга форма и со други актери.

По напипувањето на пулсот, идната недела почнуваат сериозни преговори за името, кои, ако запнат не се исклучува можноста од вклучување на дипломатски „тешкаши“ во процесот.

Строго ќе се ограничиме на нашата улога, на соработката меѓу двата градови за да испратиме порака дека соработка со градот Скопје е најдоброто нешто што можеме да го направиме во овие околности, изјави градоначалникот на Атина Јоргос Каминис во пресрет на утрешната средба со градоначалникот на Скопје Петре Шилегов во грчкиот главен град. Каминис за грчки медиум отфрла секаква можност со Шилегов да разговараат за политичките случувања и разговорите за името. Тие по повод утрешната средба во денешна... Читать дальше...

Американското Министерство за правда соопшти дека обвини 36 луѓе за нивна вклученост во глобален сајбер криминал. Притоа биле украдени над 350 милиони долари од финансиски институции, компании и поединци. Во соопштението се наведува дека властите упасиле 13 лица од САД и шестмина од други земји: Австралија, Британија, Франција, Италија, Косово и Србија. Оваа организација користела онлајн форум за продажба и купување преку украдени идентитети со кредитни картички и банкарски информации.