Новости за 23.10.2018

Војник во мисијата на НАТО бил убиен, а двајца други ранети во вчерашниот напад во западната провинција Херат. Во соопштението на командата на НАТО се наведува дека нападот го извел член на авганистанските безбедносни сили. Убиениот војник бил од Чешката Република. Талибанците ја презедоа одговорноста за нападот. Ова е најнов во серијата напади во кои припадници на авганистанските безбедносни сили го вратат нивното оружје против меѓународните сили за кои работат.

Караванот од неколку илјади мигранти од Централна Америка продолжи низ Мексико на пат до Соединетите држави и покрај најавите на американските и мексиканските власти дека ќе го запрат. Претседателот Доналд Трамп најави дека ќе почне да крати милиони долари американска помош за три земји од Цантрална Америка.

Дваесет и седум луѓе биле уапсени во Албанија во текот на операцијата против дистрибутери на хероин и кокаин во европските земји, објави албанската полиција, наведувајќи дека се уште се трага по четири лица, меѓу нив и двајца државјани на Турција. Уапсените оперирале во разни европски земји, а во текот на апсењето кај нив биле најдени поголеми количества на хероин и кокаин и оружје.

Советникот на американскиот претседател за национална безбедност Џон Болтон, како што соопшти Кремљ, денеска во Москва треба да разговара со рускиот претседател Владимир Путин. Болтон синоќа се состана со руски официјални претставници, меѓу кои и со претседателот на рускиот Совет за безбедност Николај Патрушев. До оваа посета на Болтон на Москва доаѓа на неколку часа откако претседателот Доналд Трамп објави дека Соединетите држави имаат намера да ја напуштат Спогодбата за нуклеарните сили со среден дострел... Читать дальше...

Во Македонија ќе биде променливо облачно и свежо со повремени врнежи од дожд претпладне, како и во вечерните часови. Врнежите повеќе ќе бидат застапени во западните и југозападните делови, а ќе продолжат и во текот на ноќта. Ќе дува слаб до умерен ветер претежно од источен правец. Дневната температура ќе сс движи од 8 до 18 степени. Во Скопје и околината слично време со температура до 16 степени.

По исклучувањето на седумтемина пратеници од ВМРО-ДПМНЕ, кои гласаа за почеток на постапката за уставни измени, Централниот комитет на партијата вечерва побара исклучување од партијата на Сашо Мијалков и Никола Тодоров. Градоначалникот на Кавадарци Митко Јанчев е разрешен од потпретседателската функција во партијата.