Новости за 20.08.2019

Шеесетичетири годишниот Благоја Ивановски од Скопје живее од продажба на стари книги на својата тезга на централниот плоштад во Скопје. Вели дека оваа работа бара издржливост на секакви температури, но ако си упорен може да понуди пристоен живот

Специјалната обвинителка Катица Јанева денеска дава исказ пред нејзината колешка Русковска и да објасни зошто нејзиниот глас се слуша во позадина од разговорите меѓу осомничените Камчев и Боки 13. Дали за неа ќе има истрага ќе зависи од други докази, не од нејзиното сведочење, велат правниците.

Твитер соопшти дека укинал над 200.000 налози за кои верува дека се поврзани со кинеската држава и со кампањата за дезинформации против продемократските протести во Хонг Конг. Оваа мерка, како што се наведува, е дел од пошироките напори на компанијата да ги сузбие злонамерните политички активности на оваа популарна платформа. Иако Твитер е забранет во Кина, достапен е во Хонг Конг.

Вицепремиерот задолжен за европски прашања Бујар Османи и министерот за надворешни работи Никола Димитров, денеска ќе престојуваат во работна посета на Данска, во чиј фокус ќе биде донесувањето на одлуката за датум за почеток на пристапните преговори со Европската унија во октомври годинава. Тие, на средбите со данските претставници, како што најави Владата, ќе го истакнат значењето од донесувањето на одлуката за датум за почеток на пристапните преговори со Европската унија во октомври оваа година.

Демонстрантите во Хонг Конг се главно млади и храбри луѓе кои, како што велат, се борат против ерозијата на аранжманот „една земја, два система“ што предвидува одредена автономија за Хонг Конг кога Кина ја врати оваа територија од Британија во 1997 година.

Соединетите држави издадоа предупредување до Грција, како и до сите пристаништа во Средоземното море да не му даваат помош на ирански танкер за кој Вашингтон се сомнева дека превезува нафта за Сирија и има врски со санкционирана организација, објави Ројтерс, повикувајќи се на извори на Стејт департментот. Секоја помош ќе се толкува како обезбедување материјална поддршка на иранската Исламска револуционерна гарда која Вашингтон ја смета за терористичка организација. Предупредувањето се однесува на Адријан Дарија 1... Читать дальше...

Специјалната јавна обвинителка Катица Јанева денеска треба да се појави во Обвинителството за да даде исказ пред Вилма Рускоска. Таа ќе сведочи откако во аудио-визуелниот материјал објавен во италијанскиот „Ла Верита“, а во врска со случајот „Рекет“, се слушна и нејзиниот глас. Досега за случајот сведочеа обвинителките Лиле Стефанова, Елизабета Јосифовска и обвинителот Бурим Рустеми.

Утринска програма на Радио Слободна Европа од Студиото во Скопје. Во 15 минутната програма од понеделник до петок можете да слушате вести и прилози од земјата, регионот и светот. Во голем дел емисијата е посветена на локални настани, случувања и приказни од секојдневниот живот на граѓаните во Македонија.

Ќе биде сончево со мала до умерена облачност. Ќе дува слаб до умерен ветер претежно од источен и североисточен правец. Утринската температура ќе биде од 9 до 16, а дневната од 30 до 35 степени. Во Скопје и околината слично време. Утринската температура ќе биде околу 15, а дневната ќе достигне до 34 степени.