Новости за 14.11.2019

Во судирите меѓу демонстрантите и безбедносните сили во Багдад, загинале четворица луѓе, а 62 се повредени, соопштија денеска ирачките власти. Судирите се случиле блиску до плоштадот Тахрир во централниот дел на градот, каде со недели има протести. Откако почнаа протестите на 1 октомври загинаа најмалку 320 луѓе, а илјадници се повредени во судири со полицијата. Тие протестираат против високата корупција, невработеноста, лоши основни услуги.

Еден човек загинал, а тројца се повредени кога студент почнал да пука кон своите колеги на колеџ во главниот град на регионот Амур, Благовешченск, кој се наоѓа на Далечниот исток на Русија. Вооружениот деветнаесетгодишен студен пукал и кон полицијата која пристигнала на местото на настанот. Според првичните информации, студент потоа се самоубил со ловџиската пушка која била регистрирана на негово име. Повредните се на возраст од 17, 19 и 20 години, тие биле однесени во болницата, а двајца од нив биле оперирани. Читать дальше...

Српскиот претседател Александар Вучиќ изјави дека денеска треба да соопшти дали ќе оди во Загреб на изборниот конгрес на Европската народна партија. Тој додаде дека сака добри односи со Хрватска, но оти нема намера да ја спушти главата пред кој било. „Мене ми е важно да оставиме простор за изградба на добри односи со Хрватска, но не ми паѓа на памет да се поклонам пред некој или да ја спуштам главата. За тоа нема никаква причина“, рече Вучиќ на крајот од тридневната посета на Париз.

Министерот за внатрешни работи Оливер Спасовски, заедно со претставникот на Програмата за борба против тероризмот на Бирото за дипломатска безбедност на американскиот Стејт департмент, Хит Вард денеска во Скопје ќе го парафираат Договорот за материјално-техничка донација од американската владина Програма за борба против тероризмот АТА. Станува збор за донација за потребите на повеќе организациони единици при МВР, а обраќање ќе има и амбасадорката на САД Кејт Бернс.

Во јавните сослушувања на сведоците во процесот за отповикување на американскиот претседател Доналд Трамп што почнаа вчера во Претставничкиот дом на Конгресот, двајца американски дипломати сведочеа дека Трамп вршел притисок врз Украина за да оствари политичка корист. Највисокиот дипломатски претставник на САД во Украина Вилијем Тејлор рече дека постоеле два кнала на американската политика спрема Украина, регуларен и нерегуларен. Советникот на американскиот државен секретар Џорџ Кент пак говорел за... Читать дальше...

Американскиот претседател Донaлд Трамп изјави дека турското купување на рускиот одбранбен систем С-400 создава сериозни предизвици, но оти се надева дека тие можат да бидат надминати. Трамп ова го рече по, како што ги оцени, „прекрасните и многу продуктивни разговори“ со турскиот претседател Реџеп Таип Ердоган во Белата куќа. До нив дојде во момент кога односите меѓу двете членки на НАТО се на најниска точка во изминативе децении. Тоа особено дојде во израз во минатиот месец кога Анкара започна акција... Читать дальше...

Американскиот претседател Доналд Трамп изјави дека е „голем обожавател“ на турскиот колега Реџеп Таип Ердоган и покрај спротивставувањето на повеќето во Конгресот што Ердоган беше пречекан на црвен тепих во Вашингтон. На заедничката прес-конференција во Белата куќа, Трамп ги коментираше и првите јавни сослушувања во истрагата за импичмент, додека Ердоган се осврна врз турската окупација на Сирија.

Премиерот Зоран Заев денеска и утре ќе учествува на годинашниот Самит во Солун, кој е под покровителство на грчкиот претседател Прокопиус Павлопулос. Заев, како што соопшти владината прес-служба, на самитот е поканет заедно со премиерите на Грција и на Бугарија, Кирјакос Мицотакис и Бојко Борисов за да учествува на дискусијата „Југоисточна Европа: Иницијативи за регионална соработка и реформи“. Самитот во Солун годинава се одржува по четврти пат а во соработка со Американско грчката стопанска комора.

Ќе биде променливо облачно со сончеви периоди во јужните делови ќе има локални врнежи од дожд. Утринската температура ќе биде од пет до 11, а дневната од 11 до 19 степени. Во Скопје и околината слично време. Утринската температура ќе биде околу девет, а дневната ќе достигне до 18 степени.